Hechos 8:30 - Nuevo Testamento Toba Sur

³⁰ Nachi so Felipe co'ollaq mashi sa qaÿapeque asa'aso naigona, nachi hua'aqtega somayi da itaxaÿaxaatac aso lede so Isaías. Nachi inattaco' se'eso shiÿaxaua, 'eeta': –¿Peta'a 'auaÿaten ca llic yi 'autaxaÿaxaatac?

Nuevo Testamento Toba Sombrero Negro

³⁰ Ca'li Felipe yec'ata, domachiya ñe'me Etiopía le'ec da'me dojetapelegue jaga'me Isaías lediije. Chane'eja yachimaĝata: —¿Qo'li auayaten ga'me jo'ne auojetapelegue?

La'aqtaqa Ñim Lo'onatac 'Enauacna 2013

³⁰ Nache so Felipe nqalgoq da yaqto' iviralec aso naigona. Qaq co'ollaq mashe saqaỹapeque asomaye, nache hua'aqtega se'eso ỹale maye 'amaqtaqaic da itaxaỹaxaatac aso lere so na'aqtaxanaxanec Isaías. Nache inattaco' se'eso ỹale, 'eeta': –¿Peta'a 'auaỹaten ca llec ye 'autaxaỹaxaatac?

Hechos 8:30 Referans Kwoze

Juan 5:39

Qami' mayi ÿataqta huo'o da qadhuogoqoi da qanapaxaguiñiitegalo naua nanettrañi l'aqtaqa ñi Dios, cha'ayi huo'o da qanaquitaxaqui da qami' taÿoto da nca'alaxa mayi chochaq tateec. Qamaq ne'enaua n'aqtaqa mayi nanettrañi, naamayi aÿim i'axatta'pe.

Efesios 5:17

Qaq ÿoqo'oyi sa ishit qome da qaica ca qauaÿajñiÿapec. Chaqdata da qanpogoxoiñiÿapegue' da qauaÿajñi cam 'eetapeguec so qadataxala'.

Mateo 15:10

Nachi iÿaxanoigui so shiÿaxauapi da nquigueuo, nachi 'enapega, 'eeta': –Ña qan'axaÿaxañiÿa da i'aqtac, qataq qauaÿajñiiteguet qome:

Mateo 13:23

Qalaxayi aso nanguishi mayi tajlec so no'on 'alhua, asomayi naigui nam shiÿaxauapi mayi n'axaÿaxana da n'aqtac, qalaq ÿataqta ÿaÿateeteguet, qaq ÿataqta no'on da alaÿaxac da qanqat. Huo'o na 'eeta'am aca nanguishi mayi ivi' ana cien ana ala, qataq huo'o ana ivi' ana sesenta, qataq huo'o ana ivi' ana treinta.

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

1 Corintios 14:19

Qalaxayi da sootaigui ca laponaxac na 'amqajnataxanaxaicpi, qaq sepacapegue' da setaxaiguilo caua cincolqa n'aqtaqa, qalaxayi ishit da qaÿaÿate'n, da yaqto' sapaxaguen ca iÿa, qaq saq 'en'am ca diez mil n'aqtacpi sa qaÿauanga.

Marcos 13:14

So l'aqtaxanaxanec ñi Dios, l'enaxat Daniel, somayi co'ollaxa ÿiyiñi da 'eetec cam ishit da deshipaxanaqtaxan qataq delaqtaxan; da qom qami' qauloÿa'a da qoÿanaña cam sa lma' –qaq cam itaxaÿaxan ne'ena, qaq no'on qome da ÿaÿateeta,– nachi nam netaña qome na Judea datauec, ÿi'iguiishiguemec ana qasoxonaxapi.

Mateo 24:15

So l'aqtaxanaxanec ñi Dios l'enaxat Daniel, somayi ÿiyiñi co'ollaxa dam 'eetec ca ishit da deshipaxanaqtaxan qataq delaqtaxan. Qaq qom qami' qauloÿa'a camayi da huetaña cam sa ishit da lma' –qaq cam itaxaÿaxan ne'ena, qaq no'on da ÿaÿateeteguet,–

Mateo 13:51

Nachi so Jesús denataxan, 'eeta': –¿Qami' peta'a qauaÿajñi 'enauac de'eda sa'axattac? Nachi soomayi 'ena'po': –Aja', 'am qadataxala'.

Apocalipsis 13:18

Qaq de'eda iuen ca naÿajnec. Qaq ÿoqo'oyi cam huo'o na ÿaÿaten, qaq no'on da naloqna't yi lcata ca naigui da l'enaxat se'eso shiguiÿac. Cha'ayi damayi naigui da l'enaxat ñi shiÿaxaua. Qaq yi lcata de'eda n'enaxat ivi' seiscientos sesenta y seis.

Hechos 8:27

Nachi so Felipe ñishiguem, nachi jec, nachi natena'aguet co'ollaxa so shiÿaxaua mayi chigaqa'ague da Etiopía. Qaq somayi sa deco'o qataq nta'a lta'adaic, somayi nachiso so ilotague' ana alom aso nate'e l'enaxat Candace, asom late'e nam netaña yi Etiopía. Qaq somayi taigue co'ollaxa da Jerusalén da natamnot ñi Dios.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Hechos 8:5

Qaq huo'o so 'oonolec namayipi, l'enaxat Felipe, somayi co'ollaxa taÿa yi pueblo Samaria. Huaña, nachi i'axattac so nta'a mayi qadca'alaxaqui.

Hechos 8:29

Nachi so Espíritu Santo 'enapego' so Felipe, 'eeta': –Sa 'auÿotapeque qome asa'aso naigona.

Hechos 8:31

Nachi se'eso shiÿaxaua 'enapeco': –¿Táloxochi ishito' da saÿaten ca llic, yi sa ishit da huo'o ca aÿim ÿapaxaguenec ca llic yimayi? Nachi somayi 'enapego' so Felipe da huenotshiguem da nqota'ai'.