Hechos 8:20 - Nuevo Testamento Toba Sur

²⁰ Nachi so Pedro 'enapego' somayi, 'eeta': –'Am qataq ana 'om qocaueegue' qome da 'am daqat, cha'ayi 'am 'aupi'itaxaatega da cam ÿan l'añaxac ñi Dios ishit da 'aushijnaxana.

Nuevo Testamento Toba Sombrero Negro

²⁰ Chane'eja Pedro 'yateguet: —¡'Noota qom jaga'me anaicaua am qoyemeguet, yajouaĝat da'me jetaque auen tayí jaga'me anaicaua ga'me jo'ne yeyala'ac ñe'me Dios!

La'aqtaqa Ñim Lo'onatac 'Enauacna 2013

²⁰ Nache so Pedro 'enapego' somaye, 'eeta': –Ana 'om 'arỹaueegue' da 'auqat, cha'aye 'aupi'itaxaatega da qaisheenaxata'a da lqouagaxanaqtaic Ñim Lo'onatac 'Enauacna.

Hechos 8:20 Referans Kwoze

Mateo 10:8

Qataq qanatayiñi qome na sa no'onpi, qataq qanca'alaxachiiuec nam mashi ileupi, qataq qauÿoi nam nchiga na l'oc, qataq qau'oyiÿauec na n'ec leguemaxaicpi. Qaq de'eda n'añaxac, damayi chochi qami' qoÿaatema, qaq ÿoqo'oyi sa ishit qome da qaushiichiñi da qau'onataxañiÿa.

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Apocalipsis 18:15

Qaq nam shiÿaxauapi mayi lmenec ne'enapi qataq ÿachigoxotchigui da lsallaxa yi'iyi la ciudad, namayipi ÿataqta qaÿoqteuga, souaxat da ñi'iÿa da nhuaxanaguec yimayi. Nachi ÿataqta noÿiitac qataq n'alaqtapiguiñi.

Santiago 5:3

Ana qodomi oro qataq ana plata mashi ÿataqta decochi. Qaq ne'ena lcochaxa nachina na i'axat qome da qadasouaxashichi, qataq nachina na nlaxajñi da qadapachiyaxaqui, 'en'am ca nodec. Qami' qalapoñiitashiguem da qadsallaqai naua pa'atreec na'axa'te mayi souaqtaiguilo.

Hechos 8:22

Chaqdata da 'ai'axaañi da 'ayi'itaxaloxo, qataq 'anachoxonnot ñi Dios, shapeegueto' qom ishit da 'am ichoxoden, nachi ÿapalaxat da qauem lhuennataxa añi 'adquiyaqte.

1 Timoteo 6:9

Qalaxayi na nshitaique da sallaxanec, sa ishit da nalo'oguet ca ñi'iguenaguec, ivitta'a da 'ico' lpachigui na saqalota lqopitaxanaqtaicpi mayi qaica ca naigui. Namayipi ishit da n'aqchit ca shiÿaxaua, qataq 'ico' iyiiñi naq'en, qataq ividaxatta'a da nlaxajñi.

Hechos 11:17

Qaq ñim Dios da nataq'en ÿanem namayipi da 'eeta'ama naq'en qomi' mayi sa'amaqtenaq so qadataxala' Jesucristo, qaq ¿négue't aÿim qone' da huo'otaq ñanaxat ñimayi?

Hechos 10:45

Nachi som 'amqajnataxanaxaiqa judío lashi' mayi nnaictagueto so Pedro, soomayi ÿataqta huo'o da l'aalaqa' da so Espíritu Santo nataq'en ishit da qoÿanem nam sa ishit da judío l'ecpi.

Mateo 15:19

Cha'ayi añi lquiyaqte, nachañi añi chigaqanguit nam qauem nhuennataxacpi mayi 'eeta': Qaÿalauat ca nÿa, nauatapiguiñi' aca sa nhua, quishishaxac, ncachaxac, natenataxanaxac, qataq nshiunaxanaxac.

Hechos 1:18

Qalaxayi somayi co'ollaxa jec, nachi deshijnaxana so 'alhua, deshiitenaxana asom lashiue co'ollaxa da lli'itaxaloxo. Qaq co'ollaq ime, nachi najñi, i'atchiguiñi na lqaic, nachi dachipiÿa'ague, nachi nmauec na lailshicpi.

Hechos 8:19

Nachi 'enapeco': –Aÿim qai'añiim qome nataq'en de'eda n'añaxac, yaqto' da huo'o ca camachaqca sashil-lec, nachi camayi nataq'en tanguit so Espíritu Santo.