Hechos 8:12 - Nuevo Testamento Toba Sur

¹² Qalaxayi co'ollaq qai'amaqten dam no'on qad'axaÿaxac mayi i'axattapeguem somayipi so Felipe co'ollaq i'axattac da ilo'ogue 'enauacna ñi Dios, qataq i'axattac da l'enaxat so Jesucristo, nachi huo'o na ÿallippi qataq na 'alpi na da'amqajnataxan, nachi qanachilaxan.

Nuevo Testamento Toba Sombrero Negro

¹² qalaĝaja ca'li male yacoteguet da'me onaĝaic 'naqataĝanaĝac jo'ne Felipe 'yaĝatetac, da'me lejaliaĝa ñe'me Dios nataq'aen Jesucristo, qama'le ga'me jiyaĝadipi nataq'aen yauodipi yacoteguet da'me nachilaĝanataĝanaĝac.

La'aqtaqa Ñim Lo'onatac 'Enauacna 2013

¹² Qalaxaye nvi' so Felipe, nache ỹa'axattac dam no'on na'axaỹaxac maye lo'onataxanaxac Ñim Lo'onatac 'Enauacna. Qataq ỹa'axattac So Jesús maye Lca'aguishec Ñimaye, nache 'enauac nam hueta'a ye 'alhua Samaria da'amqaanataxan. Nache so Felipe qalota so nachelaxan ỹalleppi qataq 'alpi.

Hechos 8:12 Referans Kwoze

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Hechos 1:3

Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

Romanos 10:10

Cha'ayi da qadquiyaqteÿaxac da ÿataqta da'amqajnataxan, nachi ñi Dios ishit da qomi' ÿaÿamaxadeete'; qataq da sa'axataq so Jesucristo, nachi ishit da qomi' qanca'alaxatreec.

1 Corintios 11:11

Qalaxayi nagui da sa'amaqtenaq so Cristo, qaq qaica ca shiÿaxaua da sa iuen aca 'alo, qataq qaca aca 'alo da sa iuen ca shiÿaxaua.

Hechos 28:31

Nachi ÿataqta qaica ca ndaqtaique da i'axattac da l'onataxanaxac ñi Dios da ilo'ogue 'enauacna, qataq dapaxaguenataxaatapeguec so qadataxala' Jesucristo. Ÿataqta qaica ca naxattac da l'aqtaxanaxac.

Hechos 20:25

Qaq nagui yi'oqta da 'enauac da qoñiita nam sa'aqtaxaatapeguem co'ollaxa da l'onataxanaxac ñi Dios da ilo'ogue 'enauacna, da nachi tachiguiña nagui da aÿim sa nauane'.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

Hechos 11:20

Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Hechos 5:14

Qaq ivida'a da ÿataqta qalota na i'amaqten so qadataxala', na ÿallippi qataq na 'alpi.

Lucas 9:60

Qalaxayi so Jesús 'enapeco': –Ña 'au'axaÿa'a nam 'ico' leuaxaicpi da ilayiñi nam lqatacpi. 'Am, qalaxayi qojec, 'au'axateec da ñi Dios nachiñi ñi ilo'ogue 'enauacna.

Lucas 9:2

Ime, nachi ÿamaxalec somayipi da i'axat da ñi Dios nachiñi ñi ilo'ogue 'enauacna, qataq ÿamaxalec somayipi da nataden 'enauac na sa no'onpi.

Hechos 8:4

Qalaxayi nam nlagaxattacpi mayi chigaqaña yi Jerusalén, namayipi i'axattac da n'aqtac mayi chigaqaigui da nca'alaxa, da huo'o da ividegue.

Hechos 19:5

Nachi somayipi co'ollaq hua'aqchigui de'eda, nachi qanachilaxan, qaÿachilaxanataxana da l'enaxat so qadataxala' Jesús.