Hechos 8:10 - Nuevo Testamento Toba Sur

¹⁰ Nachi 'enauac na shiÿaxauapi ÿataqta n'axaÿaxaachiguiñi da n'axaÿaxaatega somayi, ivida'a na 'amaqtaqaicpi qataq nam saq 'amaqtaq. Nachi namayipi 'eetaco': –De'eda shiÿaxaua nachida da lta'adaic l'añaxac ñi Dios.

Nuevo Testamento Toba Sombrero Negro

¹⁰ Ena'uaque, chiyoqo'tegueta gaa'me najodolqa chayovida'alo gaa'me 'yaĝayaqa, yataqachiñe naquiaĝateta nataq'aen enapega't: “Jenjo' nach'ena qoyenaqatetapec «Da'me lañoqotaĝanaĝac p'ajaye ñe'me Dios.»”

La'aqtaqa Ñim Lo'onatac 'Enauacna 2013

¹⁰ Nache 'enauac na shiỹaxauapi ỹataqta na'axaỹaxaatega somaye, ivira'a na sallaxanecpi qataq nam choxoraqpi. Nache namayepi 'eeta' naxa: «De'era ỹale hueto'ot da na'añaxac lta'araic maye chegoqo'ot Ñim Lo'onatac 'Enauacna.»

Hechos 8:10 Referans Kwoze

Apocalipsis 13:3

Qaq so 'oonolec nam lqaicpi se'eso shiguiÿac 'eeta'am da huo'o so lque'emaxa mayi ishit da qanlem. Qaq se'eso lque'emaxa qanataden, nachi 'enauac nam huetalec ana 'alhua ÿataqta huo'o da l'aalaxa. Huaña, nachi qanayiigue se'eso shiguiÿac.

2 Pedro 2:2

Qaq ÿataqta qalota qome na quegue da qauem lataxac namayipi. Qaq souaxat namayipi nachi ÿataqta qauem da n'aqtaguec da llic da n'aqtac mayi ÿoqta 'eesa.

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

2 Corintios 11:19

Cha'ayi qami' ÿataqta qaupi'itaxañiitega da qami' ÿajnaxanaxaiqa, qalaq ¿tá'ainco' yi qanviñiiguet nam huo'o da n'onataxac?

1 Corintios 1:24

Qalaxayi nam lÿaxanataguishicpi ñi Dios judío l'ecpi, huo'otaq nam saq judío l'ecpi, namayipi ÿauattoota so Cristo da nachiso so l'añaxac qataq laÿajnec ñi Dios.

Hechos 28:6

Nachi 'enauac somayipi iuatta'a da huo'otaq somayi nalauat na l'oc, huo'otaq da nque'elaxatta da huañi da ileu. Qalaxayi co'ollaq mashi qaÿoqtegue da qaiuatta'a, nachi co'ollaq qaila'a da qaica ca da, nachi somayipi nadalaxat da lhuennataxa. Nachi qoÿiitega somayi da nachina na nnatac mayi saq cha'a.

Hechos 14:11

Nachi co'ollaq ÿauaachigui de'eda i'ot so Pablo na shiÿaxauapi, nachi i'alqagui, ÿauota'ai naua l'aqtaqa nam Licaonia l'ecpi, 'eeta': –¡Ÿataqta nmedañi daua saq cha'alo nnataqa, 'eeta'ama na shiÿaxaua, daamayi qomi' huetaiguilo!