Hechos 8:1 - Nuevo Testamento Toba Sur

¹ Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

Nuevo Testamento Toba Sombrero Negro

¹ Saulo nechatetañe yec'atetac da'me Esteban leleuaĝa. Nach'ejo jojo' nolo', ga'me p'etaqadaiquipi yataqachiñe jalcote da'me necanague'j di'me Jerusalén. Ena'uaque jo'me qamaĝaya't gaa'me namaĝa's, nelagaĝatedelegue di'me aleua Judea nataq'aen Samaria.

La'aqtaqa Ñim Lo'onatac 'Enauacna 2013

¹ Qaq so Saulo ỹauaachigui da nalaataguec so Esteban, qataq ỹataqta ỹaỹamaxareeta. Qaq nache huetoigui se'eso na'a'q da qaicanaxangui nam ỹa'amaqten So Jesús ye Jerusalén, nache huo'o na taỹa ye 'alhua Judea qataq ye 'alhua Samaria. Qaq chaqsouate' soua Jesús lamaxa'she no'oirañi.

Hechos 8:1 Referans Kwoze

Hechos 22:20

Qataq co'ollaq qaÿalauat yi Esteban mayi 'ad'aqtaxanaxanec, qalaq aÿim salectauo, qataq sovida'a da selotague' na logoxotpi nam dalaataxanpi.”

Hechos 7:58

Nachi qanqateeguesop so la ciudad, nachi qaida'a na coma' da qaÿasaq. Qaq 'enauac nam ÿalectau'a de'eda nasaxasoxonaxac, namayipi icotano'oto naua lapo'te so nsoq l'enaxat Saulo.

Hechos 5:40

Nachi 'enauac somayipi ÿaÿamaxadeeta da 'enapec se'eso Gamaliel. Nachi qaiÿaxaneugalo soua Jesús lamaxa'shi, nachi qaiuaxaata'pe qataq qoÿinapegalo da sa ishit da i'axattrac da l'enaxat so Jesús. Ime, nachi qaisodeec.

Hechos 5:33

Qaq co'ollaq qai'axaÿa de'eda, nachi somayipi ÿataqta dalemata, nachi qaÿauotaique da qaÿalaua't soomayi.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Hechos 8:14

Nachi soua Jesús lamaxa'shi mayi nejdaña yi Jerusalén co'ollaq ÿaÿate'n da na netaña yi Samaria i'amaqten da l'aqtac ñi Dios, nachi qaÿamaxa yimayi so Pedro qataq so Juan.

Hechos 9:31

Nachi 'enauac nam 'amqajnataxanaxaicpi mayi netaña yi 'alhua Judea, qataq yi Galilea, qataq yi Samaria, namayipi ÿataqta lactapiguiñi qataq nquictauec da l'añaxac, qataq ÿataqta huo'o da lcolanaxa so qadataxala'. Qaq so Espíritu Santo ÿataqta i'añaqchittac namayipi da nquictauec naq'en yi lcata na da'amqajnataxan.

Hechos 8:4

Qalaxayi nam nlagaxattacpi mayi chigaqaña yi Jerusalén, namayipi i'axattac da n'aqtac mayi chigaqaigui da nca'alaxa, da huo'o da ividegue.

Juan 15:20

Qaq qauennachiÿa'a qome da i'aqtac mayi qami' sanema co'ollaq shiita': “Qaica ca nlatac da huo'otaq ishit da napacalec ca n'aco'.” Qaq da huo'otaq aÿim qaicaatac co'ollaxa, qaq nataq'en da qoñiita huo'o da qancanaguiiqui. Qaq da ÿataqta qaÿalaxalec da ÿapaxaguenataxanaxac, qaq nataq'en qome ÿataqta qaÿalaxaguet da qadapaxaguenataxanaxaqui.

Hebreos 11:27

So Moisés nataq'en souaxat da lpi'iÿaxac, nachi somayi ca'ai yi 'alhua Egipto, sa ishit da ñi'itega da layiloxo so nta'a. Nachi somayi ÿataqta quetelec da lhuennataxac, 'eeta'am da ÿataqta iloto'ot ñi Dios mayi saq cha'a.

Filipenses 1:12

Qami' ÿaqaÿa't, aÿim ñishitaique da qauaÿajñiita da souaigui, da damayi 'eeta'am da itauan da n'aqtaxanaxac mayi i'axat da nca'alaxa.

Hechos 13:1

Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

Hechos 7:38

Qataq nachiso so Moisés som huetaigui so shiÿaxauapi co'ollaq huaña so tojlec 'alhua. Qataq nachiso so detaqtague' so namaxashic piguem l'ec co'ollaq huaña aso qasoxonaxa l'enaxat Sinaí, qataq hueta'aguet som hua'au qadta'alpi. Qataq nachiso so ÿaconguet co'ollaxa da n'aqtac mayi chigaqaigui da nca'alaxa, da yaqto' qomi' ÿanema.

Hechos 5:20

–Qauesomiÿa qome, qanqo'oñiÿa añi n'onaxanaxaqui. Huaña, nachi qau'aqtaxañiim 'enauac na shiÿaxauapi dam nca'alaxa dalaxaic.

Hechos 5:18

Nachi ÿaconeu'alo soomayi da icoñi't, ÿaadaigui aca ncoñitaxanaxaqui late'edai.

Hechos 2:47

Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.

Juan 16:2

Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Mateo 23:34

Qaq ÿoqo'oyi aÿim ñamaq qome ca i'aqtaxanaxanecpi qataq ca ÿajnaxanaxaicpi qataq ca napaxaguenataxanaqpi. Qalaxayi qami' qome huo'o na qaualauachi qataq qauaxañiiguet ca npe'enaxaqui, qataq huo'o qome na qauaxañiitac da huaigui ana qalaponaxaquiipi, qataq huo'o na qaucañiÿa'alo naua lÿa't puebloyi.

Mateo 22:6

qataq so laÿipi ÿaconeu'a so lamaxashicpi so nta'a, nachi iuaxaatac, chochi ivitta'a da ÿalauat.

Mateo 5:13

Qami' qoñiita'am ca toue mayi iuen nam huetalec ana 'alhua. Qalaxayi ca toue, da huo'otaq imeuo na lli'iuaxa, qaq ¿ishit peta'a da qaltaq ÿi'iguelaxalec da no'on? Camayi nachi sa ishit da huo'o ca taiguet. Chaqdata da qaÿasaxauec, qataq chochi pigui nam shiÿaxauapi.

Hechos 7:54

Nachi somayipi co'ollaq hua'axaÿa de'eda, nachi ÿataqta dalemata, qataq 'eeta'am da inaga't naua lhue da lquiÿaxa so Esteban.

Hechos 8:2

Qaq huo'o nam shiÿaxauapi mayi quetague' ñi Dios nam ilayiñi co'ollaxa so Esteban, nachi ÿataqta noÿiitapeguelec somayi.

Hechos 8:5

Qaq huo'o so 'oonolec namayipi, l'enaxat Felipe, somayi co'ollaxa taÿa yi pueblo Samaria. Huaña, nachi i'axattac so nta'a mayi qadca'alaxaqui.

Hechos 13:36

Qaq 'eesa da so David ÿataqta huapegue' co'ollaxa so lauo' da i'o't naua ÿamaxalguete ñi Dios. Qalaxayi co'ollaq ime, nachi somayi ileu, nachi qailadoigui som hua'au lta'alpi, nachi da l'oquiaxac nlaguiñi.

Hechos 26:10

Qaq damayi sepacalec da so'ot co'ollaq huaña yi Jerusalén, nachi nam lataxala'pi nam ntaxaÿaxanaxanecpi aÿim ÿanem so l'aqtac. Huaña, nachi ÿataqta qalota na secoñi' nam 'amqajnataxanaxaicpi. Qataq naxa da huo'o na qaÿalauat, nachi aÿim ÿataqta saÿamaxadeeta.

Romanos 1:32

Namayipi ÿaÿateeta nam damaxasoxoolecpi ñi Dios, qataq ÿaÿateeta da ca i'ottac ne'enapi qalaq ca mayi netagui da qaÿauo'o ca nalaataguec. Qalaxayi namayipi ñaqaiyita queto'ot da i'ottac nam qauemsat, qataq ivida'a da ÿataqta ÿaÿamaxadeeta da ilota'a ca lÿa da i'ottac namayipi.