Hechos 7:8 - Nuevo Testamento Toba Sur

⁸ Nachi ñi Dios naÿamaxate' so Abraham, nachi 'enapega somayi da ÿauo'o ca n'anaxashit na l'oc. Camayi nachica ca l'anaxat de'eda aÿamaxataxac. Qaq ÿoqo'oyi co'ollaq ñiguiñi so llalec Isaac, nachi so Abraham ÿauo'o so n'anaxat na l'oc co'ollaq mashi ivi' naua ocho na'axa'te. Qataq nachi 'en'am so Isaac co'ollaq huo'o so llalec Jacob, nachi nataq'en i'ot de'eda. Nataq'en so Jacob i'otec de'eda so llalaqpi, som doce qadta'alpi.

Nuevo Testamento Toba Sombrero Negro

⁸ Ca'li nayate'ne' da'me 'naĝateguet, qama'le Abraham Dios yamaĝalegue da'me nichaĝajoĝonaĝac. Qo'che' ñe'me c'oĝot Isaac, ca'li yenoĝodegue ocho gaa'me noloqo'ote da'me niyiñe, qama'le Abraham ya'uo ga'me 'nanaĝat jo'ne nichaĝajoĝonaĝac. Nach'e ena'am 'yetec Isaac ga'me c'oĝot Jacob, qama'le Jacob nach'e ena'am 'yeteque gaa'me c'oqo'te jo'ne nach'egaua let'al gaa'me doce najoĝola'te ga'me israelpi.

La'aqtaqa Ñim Lo'onatac 'Enauacna 2013

⁸ Nache Ñim Lo'onatac 'Enauacna naỹamaxate' so Abraham, nache 'enapega somaye da 'enauac na ỹalleppi na Israel le'ecpi da ỹauo'o ca la'anaxat na lo'oc da la'anaxat de'era aỹamaxataxac. Qaq ỹoqo'oye co'ollaq ñiguiñi so llalec Isaac, nache so Abraham ỹauo'o so na'anaxat na lo'oc co'ollaq mashe ivi' naua ocho na'axa'te. Qataq nache 'ena'am so Isaac co'ollaq huo'o so llalec Jacob, nache nataqa'en ỹo'ot de'era. Nataqa'en so Jacob ỹo'otec de'era soua doce llalqa.

Hechos 7:8 Referans Kwoze

Hechos 2:29

Qami' ÿaqaÿa't, qami' qauaÿajñiita da so hua'au qadta'a David, somayi co'ollaq ileu, nachi qailayiñi, qaq nagui ña seloqta'a añi nhuachiqui da ñaq huo'o.

Hebreos 7:4

Qaq nagui qami' qauloichigui da 'eetec da l'amaqchic se'eso Melquisedec. Qaq ÿoqo'oyi som hua'au qadta'a Abraham ÿanem co'ollaxa somayi añi 'oonole nam diez na lhuotaxanaxatpi mayi ÿachigoxotaigui so nta'alpi mayi nalattague' co'ollaxa.

Gálatas 3:17

Qaq dam shiitega 'eeta': Ñi Dios co'olloxochiyi i'ot so naÿamaxataxac da naÿamaxate' so Abraham. Qaq co'ollaq ime, nachi nanedelec. Qaq co'ollaq mashi ivi' naua cuatrocientos treinta vi'iyi, qanachi anac so nqataxacpi, chigoqchigui so Moisés. Qalaxayi se'eso nqataxacpi sa ishit da huo'otaq nlaxajñi se'eso aÿamaxataxac, qataq sa ishit da huo'otaq qaica ca naigui naq'en dam ÿachaxanapec ñi Dios.

Gálatas 3:15

Qami' ÿaqaÿañicpi, huo'o da saloqnaxana, damayi chigaqaigui na yi'oqchigui shiÿaxauapi, 'eeta': Ca shiÿaxaua da huo'otaq naÿamaxate' ca lÿa, huo'otaq da i'ot aca l'aqtac lmalate, qaq da ime, nachi nanedelec. Huaña, nachi sa ishit da huo'o ca ishit da nsogoñi, huo'otaq da ishit da nqochinaxateec.

Romanos 4:10

Qalaxayi ¿chaq lágui co'ollaxa da ÿaÿamaxadeeta? ¿Peta'a co'ollaq imat so Abraham da qaÿauo'o so n'anaxat, loqo' chaq co'ollaq saxanaxa da qaÿauo'o? 'A'i, sa ishit da co'ollaq imat da qaÿauo'o so n'anaxat. Mayi co'ollaq saxanaxa da qaÿauo'o.

Juan 7:22

Qalaxayi so Moisés qami' ÿanema co'ollaxa da qauauo'oi ca n'anaxat ca shiÿaxaua (qaq nai'ctaxa da sa ishit da nachiso somayi da ÿoqta chigoqtot, cha'ayi damayi chigoqtot co'ollaxa som hua'au qadta'aipi). Qaq ÿoqo'oyi qami' ishit da qau'ochi ca n'anaxat ca nogotolec, nai'ctaxa da huetoigui ca na'a'q mataxaqui.

Mateo 1:2

So Abraham nachiso so lta'a so Isaac, qaq so Isaac nachi llalec so Jacob, qaq so Jacob nachi llalec so Judá qataq som lqaÿañicpi.