Hechos 7:51 - Nuevo Testamento Toba Sur

⁵¹ Qaq ñaq queta da ltaxaÿaxac so Esteban, 'eeta': –Qami' nachi 'eetai' da ÿataqta sa qaualaqai, qataq da qan'axaÿaxanaxaqui qataq naua qadquiyaqchilli' 'eeta'am ca saxanaxa da ÿauatton ñi Dios. Qataq nachi 'eetai' da qanpa'aguiñiitague' so Espíritu Santo. Qaq nachi qoñiita'am som hua'au qadta'alliipi.

Nuevo Testamento Toba Sombrero Negro

⁵¹ “Qalaĝaja ami, nach'eda da'me ja damichiguilo naa'me adai'lidi' nataq'aen naa'me adequetela lacodi' choqonaa'me adai'lidi' chiyoĝo's. Nach'eda da'me anauchiñetapega ñe'me Dios Lepaqal jo'ne ja 'nalegue, yataqachiñe auañiya'ama dia'me adet'aldi'.

La'aqtaqa Ñim Lo'onatac 'Enauacna 2013

⁵¹ Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Hechos 7:51 Referans Kwoze

Efesios 4:30

Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

Filipenses 3:3

Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

Hechos 6:10

Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo.

Colosenses 2:11

Qaq nataq'en nagui qami', da qan'ayiitau'a so Cristo, nachi qaÿauo'o ca qan'anaxachi. Qalaxayi sa ishit da nachida da yi'oqchigui qai'an da n'oquiaxac; mayi nachida da qadca'alqai co'ollaq qami' qanca'alaxateeguesopa da n'onataxac da qadapachiyaxaqui. Qaq 'eda da n'anaxanaxac mayi chigoqo'ot so Cristo.

Romanos 2:25

Qaq 'eesa da huo'o ca naigui da huo'otaq qaÿauo'o ca 'an'anaxat, da ÿataqta 'aualaxaguet ca 'enapec na nqataxacpi mayi chigoqo'ot so Moisés. Qalaxayi da sa ishit da 'aualaxalec, nachi 'eeta'am da sa ishit da qaÿauo'o ca 'an'anaxat.

Hechos 7:39

Qalaxayi som hua'au qadta'alpi co'ollaxa sa ishit da ÿalaxalec somayi, chaqdata da qaimaqta'aguet. Nachi somayipi nshitaique da ÿi'iguelaxague da Egipto.

Hechos 7:27

Nachi som iuaxaatac so lÿa, nachi ÿamaxañi so Moisés, nachi 'eetego', 'eeta': “¿Négue't ca 'am ÿanagui da 'am qadta'a, qataq da yaqto' ishit da 'anmit ca huo'o ca lasouaxashit da shinaqta?

Hechos 7:9

Qaq se'eso llalaqpi so Jacob mayi sachigoxosoxoiguipi, somayipi co'ollaxa nquiÿa so lqaÿa José. Nachi somayi qaimen, nachi qaido'ogue da Egipto. Qalaxayi ñi Dios hueta'aguet somayi,

Hechos 7:35

Qaq nai'ctaxa co'ollaxa somayipi da i'otan so Moisés, nachi 'eetega, 'eeta': “¿Négue't ca 'am ÿanagui da 'am qadta'a, qataq da yaqto' 'anmit ca huo'o ca lasouaxashit?” Qalaxayi ñi Dios ÿachigoxotchigui so lamaxashic piguem l'ec mayi nachaxana so Moisés co'ollaq huaigui aso qo'ipaq lapole, da ÿamaxa somayipi da ÿauo'o lta'a qataq da yaqto' isouec.