Hechos 7:35 - Nuevo Testamento Toba Sur

³⁵ Qaq nai'ctaxa co'ollaxa somayipi da i'otan so Moisés, nachi 'eetega, 'eeta': “¿Négue't ca 'am ÿanagui da 'am qadta'a, qataq da yaqto' 'anmit ca huo'o ca lasouaxashit?” Qalaxayi ñi Dios ÿachigoxotchigui so lamaxashic piguem l'ec mayi nachaxana so Moisés co'ollaq huaigui aso qo'ipaq lapole, da ÿamaxa somayipi da ÿauo'o lta'a qataq da yaqto' isouec.

Nuevo Testamento Toba Sombrero Negro

³⁵ “Mate mane'e jogaa'me ja yacoteguet ñe'me Moisés nataq'aen eedapega ca'li: «¿Jach'e ga'me en am qadejaliaĝanec nataq'aen qanec'atenoqo't?», Dios yamaq ca'li ena'am ga'me jaliaĝanec nataq'aen dec'alaqataĝanac, nach'eñe ñe'me piyem le'ec ca'li naloĝoneguet ena'am ta'le yavic jaga'me yaĝat.

La'aqtaqa Ñim Lo'onatac 'Enauacna 2013

³⁵ Qaq na'aictaxa co'ollaxa somayepi da ỹo'otan so Moisés, nache 'eetega, 'eeta': «¿Negue't ca 'am ỹanagui da 'am qarataxala', qataq da yaqto' 'anmit ca huo'o ca lasouaxashet?» Qalaxaye Ñim Lo'onatac 'Enauacna ỹachegoxotchigui so lamaxashec Ñimaye maye nachaxana so Moisés co'ollaq huaigui aso qo'oipaqole, da lataxala' naqa'en qataq da isouec na Israel le'ecpi.

Hechos 7:35 Referans Kwoze

Lucas 19:14

Qalaxayi so shiÿaxauapi mayi lma' se'eso 'alhua ÿataqta nquiÿa somayi. Nachi qaÿauo'o so qaÿamaq da qaica'ataxanaxaalec somayi, da yaqto' qoÿinapega, qoÿiita': “Qomi' sa saÿamaxadenaq ne'ena shiÿaxaua da qadta'a.”

Apocalipsis 15:3

Nachi somayipi i'ootac som l'onec so Moisés som lamaxashic ñi Dios qataq som n'onec da qaÿi'oxoden so qagueta llalec mayi 'eeta': Ÿataqta lta'adaic qataq ÿi'oxodaq 'enauac nam 'au'otpi, 'am qadataxala' Dios mayi qaica ca 'auqalanapec. Ÿataqta ÿashictreec qataq 'eesoda nam 'anqa'aico, 'am mayi 'am lataxala' nam ÿotta'a't shiÿaxauapi.

Hebreos 2:2

Cha'ayi dam n'aqtac mayi qoÿan co'ollaxa soua hua'a'u vi'iyi, chigoqchigui qanqoÿin na namaxashic piguem l'ecpi, damayi qaÿachaxan da ÿataqta 'eesa. Qaq ÿoqo'oyi nam huo'o ca ÿasouaxat qataq sa ÿalaq, qalaq ÿataqta 'itchiguiñi da qaÿauo'o ca nhuaxanaguec.

Colosenses 1:15

Ñim Dios mayi sa ishit da qaila'a, ñimayi nactaigui da yi'oqchigui lataxac so llalec, som l'auaxanec da huo'o co'ollaq saxanaqca 'enauacna.

Hechos 7:51

Qaq ñaq queta da ltaxaÿaxac so Esteban, 'eeta': –Qami' nachi 'eetai' da ÿataqta sa qaualaqai, qataq da qan'axaÿaxanaxaqui qataq naua qadquiyaqchilli' 'eeta'am ca saxanaxa da ÿauatton ñi Dios. Qataq nachi 'eetai' da qanpa'aguiñiitague' so Espíritu Santo. Qaq nachi qoñiita'am som hua'au qadta'alliipi.

Hechos 7:30

Qaq co'ollaq inoxoodeec soua cuarenta vi'iyi, qaq so Moisés hueta'a ca tojlec 'alhua mayi sa qaÿapeque aca qasoxonaxa l'enaxat Sinaí. Huaña, nachi nachaxana somayi so namaxashic piguem l'ec huetaigui aso qo'ipaq lapole mayi 'ettaigui.

Hechos 5:31

Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.

Hechos 3:22

Cha'ayi nachida dam 'enapec so Moisés co'ollaq 'eetega som hua'au qadta'alpi, 'eeta': “Ñi Dios mayi qadataxala', ñimayi qami' namaxalo qome ca l'aqtaxanaxanec. Camayi maichi qadalamaxachi qadqaÿai. Camayi 'eeta'am qome aÿim da qami' qanamaxalo. Qaq ÿoqo'oyi camayi ÿataqta qaualaqailec qome cam 'enapec.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

Juan 19:15

Qalaxayi somayipi i'alaqtagui, 'eeta': –¡Qaÿalauat qome damayi! ¡Qaÿalauat qome damayi! Qataq ¡qaiuaxaneuo qome! Nachi so Pilato 'enapeco': –¿Peta'a ishito' da aÿim seuaxaneuo dam qadta'ai? Qalaxayi som lataxala'pi na ntaxaÿaxanaxanecpi 'enapeco': –Qomi' qaica ca lÿa qadta'a, chaqñita ñim lta'a na nta'alpi mayi neta'ague da Roma.

Juan 18:40

Nachi 'enauac somayipi qaltaq ÿi'iguelaxalec da i'alqagui, 'eeta': –¡'A'i, sa ishit da nachida de'eda shiÿaxaua! ¡Chaqcata ca Barrabás 'ausouec! Qaq se'eso Barrabás ÿataqta cachaxaic co'ollaxa.

Marcos 12:26

Qaq de'eda lataxac da qaltaq qanca'alaxateec na leuaxaicpi, qalaq ¿sa ishito' peta'a da qautaxaÿaxañiÿa'pe naua lliyigui'shi l'aqtaqa so Moisés, da 'eetec co'ollaq ñi Dios detaqtague' somayi, detaqtapoigui aso qo'ipaq lapole mayi ÿavictaigui? Qaq ñimayi 'enapeco': “Aÿim mayi nachaÿim nDios so Abraham, qataq so Isaac qataq so Jacob.”