Hechos 6:9 - Nuevo Testamento Toba Sur

⁹ Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Nuevo Testamento Toba Sombrero Negro

⁹ Uo'oe gaa'me jo'ne chiyoqodaue ga'me judiopi nemaĝaiqui lenaĝat «Jogaa'me qoyejodegue», nach'e ena'ama gaa'me chiyoqoda'a di'me Cirene, di'me Alejandría, di'me Cilicia nataq'aen di'me Asia, paja'a necotedapegue' ca'li ñe'me Esteban;

La'aqtaqa Ñim Lo'onatac 'Enauacna 2013

⁹ Nache huo'oi soua chegaqa'alo aca napaxaguenaxaqui na judiopi maye qaỹamata'ac Napaxaguenaxaqui na Ỹalleppi Huesochiguiñi, huaxaiguet so chegaqa'a ye nỹecpi ye Cirene, qataq ye nỹecpi ye Alejandría, qataq ye 'alhua Cilicia, qataq ye 'alhua Asia. Nache soomaye ncotatague' so Esteban.

Hechos 6:9 Referans Kwoze

Hechos 23:34

Qaq co'ollaq imat da itaxaÿaxaatac aso nede so nta'a, nachi inattac so Pablo da chaq hua'ague ca chigoqchiguiña. Qaq co'ollaq mashi ÿaÿaten somayi da chigoqta'ague da Cilicia.

Hechos 22:3

–Aÿim judío l'ec. Ÿañoqo' yi Tarso mayi huaigui yi 'alhua Cilicia. Qalaxayi aÿim ñañaxatalec na Jerusalén, qaq aÿim lapaxaguenatac so Gamaliel. Aÿim ÿataqta shicteguelo naua nqataxaco som hua'au qadta'alpi. Qaq ÿoqo'oyi nachi 'eetai' da ÿataqta huo'o da iuogoxo da so'onataxaatacot ñi Dios, ÿataqta semato'ot da iquiyaqteÿaxac. Qaq nachi shiita'am 'enauac da qoñiita nagui.

Hechos 15:41

Nachi tajlec yi Siria qataq yi Cilicia, nachi ÿataqta i'añaqchittac na nqaÿañicpi ana n'onaxanaxaquipi.

Hechos 15:23

Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Mateo 27:32

Qaq co'ollaq mashi qanayicot somayi, nachi qanatena'aguet so shiÿaxaua mayi lma' yi Cirene, l'enaxat Simón. Nachi qaÿaconeu'a somayi, da yaqto' ÿachi qanqoÿin so npe'enaxaqui so Jesús.

Gálatas 1:21

Qaq co'ollaq ime de'eda, nachi ñoqo'ona yim 'alhua Siria qataq yi Cilicia.

Hechos 21:27

Qalaxayi co'ollaq yaqta'a da inoxoodeec soua siete na'axa'te, nachi huo'oi soua judío lashi' mayi chigoqda'ague da 'alhua Asia. Soomayi ilalguete so Pablo da huetaigui aso n'onaxanaxaqui. Nachi soomayi i'o't da l'axa, ÿataqta lliÿa't naq'en na shiÿaxauapi. Nachi qaÿaconeu'a so Pablo.

Hechos 19:10

Qaq 'eda da 'eetec, chochi ividaxattrauec soua dos vi'iyi. Nachi ÿataqta 'enauac na netaña yi 'alhua l'enaxat Asia, judiopi qataq nam sa ishit da judiopi, n'axaÿaxaatega da n'aqtaguec so qadataxala' Jesús.

Hechos 18:24

Qaq se'esoua na'axa'te nachi nvita yi Éfeso so judío l'ec l'enaxat Apolo. Somayi nachi lañoqo' yi 'alhua Alejandría, qaq somayi ÿataqta ÿaÿaten da l'aqtaxanaxac, qataq ÿataqta ÿaÿate'n naua llico naua nanettrañi l'aqtaqa ñi Dios.

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Lucas 21:12

Qaq qom saxanaxa da yi'oq 'enauac de'eda, nachi qami' qaÿaconeu'alo qome, qataq qami' qaicaata'pe. Ime, qaq qami' qaÿauegueu'alo ana laponaxaquipi na judiopi, da yaqto' qami' qanmi't. Ime, qaq qami' qaicoñi't, qataq qami' qaÿauegueu'alo na nta'alpi qataq nam ltauapi, souaxat da i'enaxat qauasoviilec.

Marcos 13:9

Qalaxayi qami' ÿataqta qanloiteec qome. Cha'ayi qami' qoÿaneu'alo qome na nta'alpi, qataq qami' qaiuaxaata'pe da huaigui ana laponaxaquipi na judiopi. Huaña, nachi qami' qanachaalataxaneu'alo na nta'alpi mayi ilotagueto naua 'ale'u qataq na lta'alpi namayipi, souaxat da aÿim qoquiitague'. Huaña qome, nachi ishit da aÿim qau'axachiim namayipi.

Mateo 10:17

Qaq maxatchaxa qome, cha'ayi na shiÿaxauapi qome ishit da qami' ÿaneu'alo na nta'alpi mayi i'ot na lataxacpi, da yaqto' qami' qaiuaxaata'pe da huaigui ana laponaxaquipi na judiopi.

1 Corintios 1:20

Qaq nagui ¿huá'ague ca hueta'ague ca ÿajnataxanaxaic, huo'otaq ca dapaxaguenataxanapec, huo'otaq ca ÿaÿaten da i'axat na huetalecna? Cha'ayi da naÿajnec mayi lma'na, damayi chochi 'ico' 'oopashic naq'en ñi Dios.

Hechos 26:11

Qataq ÿataqta qalota da seuaxaatac namayipi da sauotaique da yaqto' ÿaxaañi da lpi'iÿaxac. Qaq 'eda da so'otec 'enauac anam laponaxaquipi nam judiopi. Cha'ayi aÿim ÿataqta qalota da iquiÿaxa namayipi, ÿoqo'oyi aÿim ivida'a da secanaxangui nam hueta'alo naua ÿaqa'alo la ciudad.

Hechos 22:19

Nachi aÿim shiita': “'Am ÿataxala', namayipi ÿaÿaten da aÿim shictagui co'ollaxa 'enauac ana laponaxaquipi na judiopi, nachi saconeu'a da secoñi' 'enauac nam i'amaqteetac da qoneta, qataq seuaxaatac.

Hechos 21:39

Nachi so Pablo 'enapeco': –'A'i, aÿim judío l'ec, ÿañoqo' yi Tarso mayi ÿi'oxodaic, huaigui yi 'alhua l'enaxat da Cilicia. Qalaxayi ñaq aÿim 'auchoxoden, aÿim 'auashiitem da sauo'o ca i'aqtac nam shiÿaxauapi.

Hechos 19:26

Qalaxayi qami' mashi qauauañiichigui, qataq qau'aqaichigui da se'eso Pablo somayi 'eetega da na nqolacpi mayi maichi l'onatac na shiÿaxauapi, namayipi sa ishit da ÿoqta 'en da deca'alaqtaxan. Qaq somayi ÿataqta qalota na ÿañoxot da i'amaqten dam 'eetega, qaq sa ishit da chaqnata na Éfeso, nataq'en 'enauaque naua 'ale'u na Asia.

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

Hechos 13:1

Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

Hechos 11:20

Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Mateo 23:34

Qaq ÿoqo'oyi aÿim ñamaq qome ca i'aqtaxanaxanecpi qataq ca ÿajnaxanaxaicpi qataq ca napaxaguenataxanaqpi. Qalaxayi qami' qome huo'o na qaualauachi qataq qauaxañiiguet ca npe'enaxaqui, qataq huo'o qome na qauaxañiitac da huaigui ana qalaponaxaquiipi, qataq huo'o na qaucañiÿa'alo naua lÿa't puebloyi.

Hechos 6:10

Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo.

Hechos 24:18

Qaq aÿim mashi so'ottac co'ollaxa de'eda, nachi huo'oi soua judío lashi' mayi chigoqda'ague da Asia. Soomayi aÿim ilodalec da sootaigui añi n'onaxanaxaqui, can mashi seme da ñiÿoxoc da so'ottac dam maichi qan'onataxac. Qaq qaica da huo'otaq qalota na shiÿaxauapi, huo'otaq da huo'o ca n'axa.