Hechos 6:3 - Nuevo Testamento Toba Sur

³ Qaq ÿoqo'oyi qami' qadqaÿa't, qanmichiÿapigui qome caua siete shiÿaxa'u da qoñiita, cam nachi 'eetai'salo da npe'e'te, qataq huo'o na ÿaÿate'n, qataq nlaqchiguilo so Espíritu Santo, qaq nachicaua ca qaupataqailguete de'eda n'onataxanaxac.

Nuevo Testamento Toba Sombrero Negro

³ Chane'eja, ami yaqaya'olqa, aueloyapiye gaa'me siete jiyaĝa'u jo'ne qoyateto'n queda'me najaqachiguilo ñe'me Dios Lepaqal nataq'aen yatenaĝanaĝayaqa, qaedi jenaĝa yelodelegue da'me dojo' 'nonataĝanaĝac.

La'aqtaqa Ñim Lo'onatac 'Enauacna 2013

³ Qaq ỹoqo'oye qami' qarqaỹa't, qanmichiỹapigui caua siete ỹale't da qoñiita, cam nache 'eetai'salo da npe'e'te, qataq huo'o na ỹaỹate'n, qataq nlaqchiguilo da la'añaxac So Saqcha'a Na'añaxac Qui'itta, qaq nachecaua ca qaupataqaileguete de'era no'onataxanaxac.

Hechos 6:3 Referans Kwoze

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.

3 Juan 1:12

'Enauac na shiÿaxauapi ÿataqta no'on da l'aqtaxanaxac da i'axattac ca Demetrio. Nataq'en da n'aqtac mayi ÿataqta 'eesa, damayi i'axat da no'on lataxac camayi. Qaq qomi' nataq'en sa'axataqtac, qataq qami' qauaÿajñiita da de'eda qad'aqtac ÿataqta 'eesa.

Santiago 1:17

'Enauac na ÿaÿamaqchiguiñi qataq nalochiguiñi mayi qomi' qoÿanema, namayi chigaqshiguem, chigoqtot ñi Dios ñim l'onata ana ishit da icoÿadelecna. Ñimayi sa ishit da nadalaxajla't, qataq sa ishit da nqochin, 'ico' ca lpaqal.

Efesios 5:18

Qataq sa ishit qome da qami' taxaiqa, cha'ayi damayi ÿaueca'a da nlaxajñi ca shiÿaxaua. Chaqdato' da ÿataqta qami' nlaqchiguilo so Espíritu Santo.

1 Corintios 16:3

Qaq qom mashi qami' sevitalo, nachi samaxadegue da Jerusalén caua shiÿaxa'u mayi qalca'aiua'alo, qaq sachoxonaxanaxanque aca ÿide da yaqto' ida'a yi qadqaÿañicpi aca qadtaunaxanaqchi.

Hechos 22:12

Qaq yimayi nachi netaña so shiÿaxaua l'enaxat Ananías. Qaq somayi ÿataqta ÿalaxalec nam lqataxacpi so Moisés, qaq nam judiopi mayi lma' yi Damasco ÿataqta no'on naq'en da n'aqtaguec somayi.

Hechos 10:22

Nachi soomayi 'ena'po': –Qomi' lamaxa'shi ñi huataxanaq lta'a, l'enaxat Cornelio. Ñimayi no'on da lataxac qataq ÿataqta ñi'iÿa ñi Dios. Ÿoqo'oyi 'enauac na judiopi ÿataqta huo'o naq 'enec naq'en qataq lauotaxat. Qaq huo'o so chigaqshiguem Dios lamaxashic 'enapega da 'am namaxasoxona, da yaqto' 'anqo'ona yi lma', nachi ñimayi ishit da n'axaÿaxana cam 'ad'aqtaxanaxac.

Hechos 6:6

Qaq co'ollaq ime, nachi soomayi qanauegueu'alo so Jesús lamaxa'shi, nachi qanqouagaxaueelguete qataq qaÿashiltalguete soomayi.

Hechos 2:4

Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

Hechos 1:21

Qaq nagui ñaq huo'oi naua ÿalectaiguilo qomi', naamayi nal'ena da qomi' sa iÿotreec co'ollaq ñaq qomi' hueta'agueta so qadataxala' Jesús,

Mateo 23:8

Qalaxayi qami' sa ishit qome da qami' ÿamata'aque napaxaguenataxanaxayi na shiÿaxauapi. Cha'ayi 'enauac da qoñiita qami' nqaÿañicpi, qaq 'oonolec na qanapaxaguenaxala'ai, mayi nachina na nta'a nca'alaxaqui.

1 Corintios 12:8

Qaq ñimayi huo'o na ÿanem da ÿajnaxanaxaic da detaqa, chigoqchigui naq'en so Espíritu, qataq huo'o na ÿanem da saqalota da lauattonaxanaxac da detaqa, chigoqchigui naq'en so Espíritu.

Hechos 16:2

Qaq so nqaÿañicpi mayi netaña yi Listra qataq yi Iconio ÿataqta no'on naq'en da n'aqtaguec somayi.

Hechos 15:23

Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Hechos 9:30

Nachi som 'amqajnataxanaxaicpi co'ollaq l'axaÿaxac de'eda, nachi qaÿauega so Saulo yi ñigaxasom Cesarea. Huaña yimayi, nachi qaÿamaxague da Tarso.

Juan 21:23

Nachi jec de'eda n'aqtaxanaxac som nqaÿañicpi da se'eso apaxaguenaxaua, somayi sa ishit da ileu. Qalaxayi so Jesús sa ishit da 'eetega somayi da sa ishit da ileu. Cha'ayi de'eda 'enapec 'eeta': “Da aÿim ñishitaique namayi da nachi 'eetai' qome da nca'altauec, chochi ivitta'a qom aÿim ñi'iguelaq, qaq ¡'am sa ishit qome da 'atapegueu'a namayi!”

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 6:2

Nachi soua doce Jesús lamaxa'shi, soomayi ÿauo'o so laponaxac 'enauac nam 'amqajnataxanaxaicpi. Nachi 'enapega, 'eeta': –Sa ÿaÿamaxañi da qomi' saxanaxañi da qad'aqtaxanaxac da l'aqtac ñi Dios, nachi qadmelec da yi'oqchigui nqui'axac.

Hechos 6:5

Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi.

Hechos 28:14

Nachi huaña, qaq huo'oi soua ñatenaqleguete qadqaÿa't, nachi soomayi qomi' 'eetegalo da souaqa'a 'oonolec la semana. Qaq can ime, nachi qaltaq soqolaq da saxague da Roma.