Hechos 6:14 - Nuevo Testamento Toba Sur

¹⁴ Qomi' sa'axasoqchigui de'eda shiÿaxaua da i'axattac so Jesús mayi Nazaret l'ec, da 'enaco' yi nlaxajñi añi qui'itta qad'onaxanaxaqui qataq nadalaxat nam qan'onataxacpi mayi chigoqo'ot co'ollaxa so Moisés.

Nuevo Testamento Toba Sombrero Negro

¹⁴ Jomachaĝa da'me 'yaĝatetac ga'me Jesús Nazaret le'ec, da'me enaac nejoyiñe qomle ga'me tamenaĝaiqui, nataq'aen da'me janaqa'ac qat'oyaĝac jo'ne Moisés qo'mi yepotanegueta yadalaĝat qomle.

La'aqtaqa Ñim Lo'onatac 'Enauacna 2013

¹⁴ Qomi' sa'axasoqchigui de'era ỹale da ỹa'axattac da So Jesús maye Nazaret le'ec, da nlaxaañi qome añi qui'itta qaro'onaxanaxaqui qataq naralaxat nam namaxasoxonaxacpi maye qomi' no'onaxata'agueta so Moisés.

Hechos 6:14 Referans Kwoze

Hechos 21:21

Qaq namayipi l'axaÿaxac da 'am 'auapaxagueetapegueco' 'enauac nam judiopi mayi neta'alo naua ÿaqa'alo' 'ale'u, da yaqto' sa ishit da ÿalaxaguet nam lqataxacpi so Moisés, qataq qonetego' da yaqto' sa ishit da ÿauo'o na n'anaxat na l'oc na llalec, qataq ÿaxaneec na maichi qan'onataxacpi.

Hechos 15:1

Qaq se'esoua na'axa'te, nachi huo'oi soua nvilyi' shiÿaxa'u chigoqda'ague da Judea da nqo'ooda yi Antioquía. Nachi soomayi ÿapaxagueetrapeguec na 'amqajnataxanaxaicpi da ca nshitaique da qanca'alaxateec, qalaq camayi iuen da qaÿauo'o ca n'anaxashit na l'oc, cha'ayi damayi nachi lamaxasoxonaxac so Moisés.

Gálatas 3:23

Qaq co'ollaq saxanaxa da nvi' de'eda npi'iÿaxac, nachi na nqataxacpi 'ico' da qomi' ÿapotau'alo, iuatta'a da qai'axategue ca llic da qaipi'iÿa'a so Jesucristo.

Gálatas 3:19

Nachi ¿negue'to' qone' cam naigui na nqataxacpi mayi chigoqo'ot so Moisés? Qomyi namayipi ÿaqa'aguet qanqoÿin, da yaqto' ishit da ÿachaxan na nasouaxashitpi. Nachi namayi do'onataxan, chochi ivitta'a da nvi' que'eca ñalec mayi taÿa'a de'eda qaÿachaxanapec. Ne'ena nqataxacpi co'ollaq qai'axat, qalaq chigoqchigui qanqoÿin so namaxashicpi piguem l'ecpi. Qaq so Moisés qalaq taiguet da ntaxaÿaxanaxanec.

Hechos 28:17

Qaq can mashi ivi' tres na'axa'te da sovidaxa yi Roma, nachi so Pablo damaxasoxoneuga nam lataxala'pi na judiopi mayi netaña yimayi. Qaq can mashi laÿoota'a't somayipi, nachi so Pablo 'enapega, 'eeta': –Qami' ÿaqaÿañicpi, aÿim nai'ctaxa co'ollaxa da qaica ca so'otec na qadhuo' judío l'ecpi, qataq qaica da ñipa'agueetega da n'onataxac som hua'au qadta'alpi, qalaxayi ñaqaiyita namayipi aÿim icoñi' can huaña yi Jerusalén, nachi aÿim ÿaneu'a na nta'alpi romano l'ecpi.

Juan 4:21

Nachi so Jesús 'enapeco': –'Am 'alo, aÿim 'au'amaqten qome, ten, mashi anatai' ca laloqo' da qami' sa ishit da iuen da qanqo'oñiishiguemec aña'añi qasoxonaxa, huo'otaq yi Jerusalén, da qanatamñiÿot ñi Dios.

Lucas 21:6

–Huo'o qome ca na'a'q, qaq qanlaxajñi 'enauac ne'ena qaumijñiitac nagui, sa ishit qome da huo'o ca 'oonolec coma' n'onashiguem da huetalec ca lÿa coma'.

Hechos 26:3

Cha'ayi aÿim saÿateeta da 'am ÿataqta 'auaÿateete' naua qan'onataxaco qomi' judío lashi', qataq dam de'eda ñicotaqtapigui. Qaq ÿoqo'oyi aÿim 'am ñachoxonnot da aÿim 'anhualaxaune' da aÿim 'an'axaÿaxana.

Hechos 25:8

Nachi so Pablo i'ot da ltaxaÿaxac, 'eeta': –Aÿim sa ishit da huo'o ca ÿasouaxashit, sa ishit da huo'otaq ñipa'agueetague' na nqataxacpi mayi chigoqo'ot so Moisés, qataq sa ñipa'agueetega añi n'onaxanaxaqui, qataq cam nta'a mayi neta'ague da Roma.

Lucas 21:24

Qaq huo'o qome na ileuaigui ca alaataq, qaq ca laÿipi qalaq noxonec, ime, qaq qaÿauegalo naua ÿotta'a't 'ale'u. Nachi nam chigaqauec shiÿaxauapi ÿataqta sa iyacnapec qome na la ciudad Jerusalén, chochi ivitta'a qome ca laloqo' mayi qoÿanem namayipi da maichi ÿoiqueetac.

Marcos 14:58

–Qomi' sa'axasoqchigui damayi co'ollaq 'eeta': “Aÿim ñilaxajñi qome aña'añi n'onaxanaxaqui mayi l'onata nam chochi shiÿaxauapi; qaq ivi' tres na'axa'te, nachi semat da ñi'oxooshiguem aca lÿa n'onaxanaxaqui mayi sa ishit da l'onata na chochi shiÿaxauapi.”

Mateo 26:61

Nachi 'ena'po': –De'eda shiÿaxaua huo'o so na'a'q nachi 'eeta': “Aÿim seshit da ñilaxajñi ñi'iñi lauo' ñi Dios, qataq ishit da ñi'oxooshiguem tres na'axa'te, nachi ime ñaq'en.”

Juan 2:19

Nachi so Jesús 'enapeco': –Qomyi qanlaxachiiñi ana n'onaxanaxaqui, nachi aÿim qaltaq ñi'oxooshiguem qome; tres na'axa'te, nachi qaltaq semat.