Hechos 6:12 - Nuevo Testamento Toba Sur

¹² Qaq 'eda da qoÿiitec da qainogoqchit na shiÿaxauapi, qataq na nquedoxonecpi, qataq nam dapaxaguenataxaatapeguec na nqataxacpi. Nachi ÿataqta sa qaÿauo'o ca ldaqa' so Esteban da qaÿaconeu'a, nachi qaÿauegueu'a so nta'alpi mayi loicnatac na lataxaguesat.

Nuevo Testamento Toba Sombrero Negro

¹² Qama'le naq'aeta da'me dojo' yauote da'me ja en 'te niyamaĝa q'ae'n ga'me jiyaĝadipi, joga'me 'yaĝaicachidipi nataq'aen ga'me judiopi napaĝaguenoqo'tpi; qama'le necodidiye ñe'me Esteban, da'me yaue'j da'me qoyen yec'ata ga'me lemaĝaiqui gaa'me p'ajodaye.

La'aqtaqa Ñim Lo'onatac 'Enauacna 2013

¹² Qaq 'era da 'eeteque soomaye da inogoqche't na shiỹaxauapi, qataq na nqueroxonecpi, qataq nam dapaxaguenataxaatapeguec na namaxasoxonaxacpi. Nache ỹataqta sa ỹauo'o ca ldaqa' so Esteban da ỹacooreua'a, nache ỹaueguereua'a so nta'alpi maye nmit na nasouaxashet.

Hechos 6:12 Referans Kwoze

Hechos 14:2

Qalaxayi nam judiopi mayi sa da'amqajnataxan, namayipi ÿilen nam saq judiopi, da yaqto' nquiÿalo soomayi.

Mateo 26:57

Nachi som icoñi' so Jesús, somayipi i'auaxaachiguiñi da ÿauegueu'a so Caifás mayi nachiso so lta'a na lataxala'pi na ntaxaÿaxanaxanecpi da qaitaxaÿapegue' ñi Dios, cha'ayi nachi laponqa' so lma' somayi nam dapaxaguenataxaatapeguec na nqataxacpi qataq nam lquedoxonecpi na judiopi.

Hechos 21:27

Qalaxayi co'ollaq yaqta'a da inoxoodeec soua siete na'axa'te, nachi huo'oi soua judío lashi' mayi chigoqda'ague da 'alhua Asia. Soomayi ilalguete so Pablo da huetaigui aso n'onaxanaxaqui. Nachi soomayi i'o't da l'axa, ÿataqta lliÿa't naq'en na shiÿaxauapi. Nachi qaÿaconeu'a so Pablo.

Hechos 17:13

Qalaxayi na judiopi mayi sa da'amqajnataxan mayi lma' yi Tesalónica, co'ollaq l'axaÿaxac so Pablo da i'axattac da l'aqtac ñi Dios hueta'a yi Berea, nachi nqo'ona yimayi, nachi i'ot da l'axa naq'en na shiÿaxauapi.

Hechos 13:50

Qalaxayi nam judiopi nachi huo'o ana detaxaÿot nam ÿi'oxodaipi 'alpi mayi quetague' ñi Dios, qataq nam ÿallippi mayi 'amaqtaqaicpi se'eso la ciudad, da ÿayina'a namayipi, da yaqto' sa qaÿalemaxat so Pablo qataq so Bernabé, chochi ivitta'a da queda'ai qanqoÿin se'eso 'alhua.

Hechos 5:27

Qaq co'ollaq nvidaxatreuo soomayi, nachi nachaalataxanguilo na laiñi som nta'alpi mayi loicnatac na lataxaguesat. Nachi som lta'a na ntaxaÿaxanaxanecpi 'enapegalo soomayi, 'eeta':

Hechos 5:18

Nachi ÿaconeu'alo soomayi da icoñi't, ÿaadaigui aca ncoñitaxanaxaqui late'edai.

Mateo 5:22

Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Hechos 18:12

Qalaxayi so na'a'q co'ollaq lta'a nam netaña yi Acaya so l'enaxat Galión, nachi na judiopi huaxaÿa't da qanpa'aguena so Pablo. Nachi qaÿaconeu'a somayi da qaÿauegueu'a aca l'onataxanaxaqui so nta'a.

Lucas 20:1

Qaq huo'o so na'a'q co'ollaq so Jesús huetaigui aso n'onaxanaxaqui late'edai da ÿapaxagueetac so shiÿaxauapi, qataq i'axattac da nca'alaxa. Nachi nvideuo som lataxala'pi nam ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi qataq so nquedoxonecpi.

Hechos 6:11

Nachi somayipi ÿauo'oi soua ishiite'n, da yaqto' 'eetrega da huo'o ca hua'aqchiyigui l'aqtac somayi da ishiueetac so Moisés qataq ñi Dios.