Hechos 6:11 - Nuevo Testamento Toba Sur

¹¹ Nachi somayipi ÿauo'oi soua ishiite'n, da yaqto' 'eetrega da huo'o ca hua'aqchiyigui l'aqtac somayi da ishiueetac so Moisés qataq ñi Dios.

Nuevo Testamento Toba Sombrero Negro

¹¹ Uo'oe gaa'me qoyejete'n qaedi yachimaĝachidiñe gaa'me 'laqataqa jo'ne eetedapega domachiyalo gaa'me 'laqataqa jo'ne ye'uetedac ñe'me Moisés nataq'aen ñe'me Dios.

La'aqtaqa Ñim Lo'onatac 'Enauacna 2013

¹¹ Nache soomaye ỹauo'oi soua isheete'n, da yaqto' 'eetrega da huo'o ca hua'aqchiyigui la'aqtac so Esteban da isheueetac so Moisés qataq Ñim Lo'onatac 'Enauacna.

Hechos 6:11 Referans Kwoze

1 Timoteo 1:13

Qaq ñimayi aÿim i'otec de'eda, nai'ctaxa da so lÿa na'a'q ÿataqta sasaxalguete na itaxaÿaxaco qauema da sa seyacnapec, qataq secaatac, qataq seshiueetac. Qalaxayi ñi Dios ÿataqta aÿim ichoxoden, cha'ayi saxanaxa da sa'amaqten so Jesús, qataq ÿataqta sa saÿaten da so'ottac.

Romanos 3:8

Qaq da nachi 'eetec de'eda, qaq ¿tá'ainco' qone' yi sa qai'ot cam sa ÿaÿamaxañi, yaqto' ishit da anac cam ÿaÿamaqchiguiñi? Qaq 'eda dam huo'o na 'eetega da sapaxaguenataxanaqtapeguec, cha'ayi qauem da lhuennataxa. Qaq ÿoqo'oyi ne'ena shiÿaxauapi no'on qome da qaÿauo'o ca nhuaxanaguec.

Hechos 25:7

Nachi co'ollaq nvideuo so Pablo, nachi anac so judiopi mayi chigaqa'ague da Jerusalén. Nachi ÿataqta qalota na qaÿasaxalec lasouaxashitpi somayi, qalaxayi sa ishit da huo'o ca 'en qanqoÿin.

Hechos 25:3

Nachi qanachoxodeetacot somayi da ishit da nqouac da damaxasoxona so Pablo da qanauega yi Jerusalén. Qaq da lhuennataxac somayipi nshitaique da damaxasoxoolec somayi da qaÿachangui na nqa'aic da qaÿalauat.

Hechos 21:28

Nachi qai'alaqtalec somayi, qoÿiita': –¡Qami' Israel l'ecpi, ña qomi' qautauañi'! 'Ena nam shiÿaxaua mayi ÿataqta nmatte' 'enauaque naua 'ale'u da ÿapaxagueetapeguec na shiÿaxauapi, da yaqto' npa'aguene' na qadhuo' l'ecpi, qataq na nqataxacpi mayi chigoqo'ot so Moisés, qataq anam qad'onaxanaxaqui. Qaq namayi nagui qataq huenoxonoigui naq'en ana qad'onaxanaxaqui naua griego lashi', qaq ÿataqta ishipaxanaqchi't ne'ena n'onaxanqa' mayi qui'itta.

Hechos 18:6

Qalaxayi somayipi ÿataqta ncotatague' somayi qataq ishiueetac, nachi so Pablo ichigo'q soua alogo, damayi l'anaxat da jec. Nachi 'enapego' somayipi, 'eeta': –Qami' maichi qanasouaxachiila't qom ivita da qadellivi; aÿim sa ishit da qami' ÿasouaxashi'te. Qaq nagui dam saÿa'ague, aÿim saigui qome nam sa ishit da judiopi.

Hechos 15:21

Cha'ayi dam chigoqta'ague soua hua'a'u vi'iyi huo'o co'ollaxa na shiÿaxauapi mayi i'axatta'pe naua lqataxaco so Moisés mayi qaitaxaÿaxaata'pe yi na'a'q mataxaqui da huaigui ana laponaxaquipi na judiopi.

Hechos 6:13

Nachi qaÿauo'oi soua lÿa't n'aqtaxanaxanqa da yaqto' i'axa't ca saq 'en. Nachi soomayi 'ena'po': –Ne'ena shiÿaxaua, namayi ÿataqta saq ÿaxaañi da npa'agueetega añi qui'itta qad'onaxanaxaqui qataq na lqataxacpi so Moisés.

Juan 16:3

Qaq i'ot qome de'eda namayipi, cha'ayi sa ishit da ÿauatton ñi ita'a, nataq'en aÿim.

Juan 9:29

Cha'ayi qomi' saÿajnaqta da so Moisés detaxaÿapegue' co'ollaxa ñi Dios; qaq se'eso shiÿaxaua, qalaxayi qomi' sa ishit da chochi saÿajnaq cam chigaqa'ague.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Hechos 26:11

Qataq ÿataqta qalota da seuaxaatac namayipi da sauotaique da yaqto' ÿaxaañi da lpi'iÿaxac. Qaq 'eda da so'otec 'enauac anam laponaxaquipi nam judiopi. Cha'ayi aÿim ÿataqta qalota da iquiÿaxa namayipi, ÿoqo'oyi aÿim ivida'a da secanaxangui nam hueta'alo naua ÿaqa'alo la ciudad.

Hechos 6:10

Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo.

Hechos 6:12

Qaq 'eda da qoÿiitec da qainogoqchit na shiÿaxauapi, qataq na nquedoxonecpi, qataq nam dapaxaguenataxaatapeguec na nqataxacpi. Nachi ÿataqta sa qaÿauo'o ca ldaqa' so Esteban da qaÿaconeu'a, nachi qaÿauegueu'a so nta'alpi mayi loicnatac na lataxaguesat.