Hechos 6:10 - Nuevo Testamento Toba Sur

¹⁰ Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo.

Nuevo Testamento Toba Sombrero Negro

¹⁰ qalaĝaja ja yaqanate't ta'le nichateda'aguet, qa'a daa'me 'laqataqa 'uo da'me layatenaĝanaĝa'j jo'ne yanema ñe'me Dios Lepaqal jo'ne ja 'nalegue.

La'aqtaqa Ñim Lo'onatac 'Enauacna 2013

¹⁰ Qalaxaye saishet da nalo'ogueta da dataỹa'aguet somaye, cha'aye da detaqa, qalaq naua laỹaanataxanaxaco chegoqo'oto So Saqcha'a Na'añaxac Qui'itta.

Hechos 6:10 Referans Kwoze

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

1 Corintios 2:4

Ÿoqo'oyi co'olla setaqtac da sa'axattac da n'aqtac, qalaq sa ishit da saconalo naua ltaxaÿaxaco ca shiÿaxaua ÿajnaxanaxaic, da yaqto' qau'amqajnataxañi. Chaqsota so Espíritu Santo qataq da l'añaxac ñi Dios dam huo'o mshi qau'amqajnataxañi co'ollaq qami' sa'aqtaxaatapeguema.

Juan 7:46

Nachi so huataxanaqpi 'enapeco': –¡Ÿataqta sa ÿauango' da huo'o ca 'eeta'am da ltaxaÿaxac de'eda shiÿaxaua!

Lucas 1:17

Qaq que'eca Juan, camayi hua'auta'ague qome da tata'ague ñi qadataxala'. Qaq ÿaatañi qome da lqui'iÿaxac qataq da l'añaxac so Dios l'aqtaxanaxanec l'enaxat Elías, da yaqto' ÿi'iguelaxateguet ca nta'a ca llalec da yaqto' saqca ca da, qataq yaqto' nam sa ishit da ÿalaq ishit da ÿaÿaten da ÿalaq. Qaq ÿaqataxanai' qome na shiÿaxauapi, da yaqto' lhuotta da ÿaconguet ca qadataxala'.

Hechos 7:51

Qaq ñaq queta da ltaxaÿaxac so Esteban, 'eeta': –Qami' nachi 'eetai' da ÿataqta sa qaualaqai, qataq da qan'axaÿaxanaxaqui qataq naua qadquiyaqchilli' 'eeta'am ca saxanaxa da ÿauatton ñi Dios. Qataq nachi 'eetai' da qanpa'aguiñiitague' so Espíritu Santo. Qaq nachi qoñiita'am som hua'au qadta'alliipi.

Hechos 5:39

Qalaxayi damayi da huo'otaq nachiñi ñi Dios da chigoqo'ot, nachi qami' sa ishit da qanlaxachiiñi. Ÿoqo'oyi qadvichiÿalec qome damayi. Ten, qom 'eeta'am da qanpa'aguiñiitague' ñi Dios.

Hechos 6:9

Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Hechos 6:11

Nachi somayipi ÿauo'oi soua ishiite'n, da yaqto' 'eetrega da huo'o ca hua'aqchiyigui l'aqtac somayi da ishiueetac so Moisés qataq ñi Dios.