Hechos 6:1 - Nuevo Testamento Toba Sur

¹ Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q.

Nuevo Testamento Toba Sombrero Negro

¹ Jaa'me jaajo' noloqo'ote, queda'me nichiquetaye ga'me jiyaĝadipi jo'ne p'etaqadaiquipi, qama'le gaa'me jo'ne yadenaĝa't daa'me griego 'laqataqa male necotayapegue'to gaa'me jo'ne yadenaĝa't daa'me hebreo 'laqataqa, eetedapega queda'me ja yataqachiñe qoyeloja'agueta gaa'me p'ail jo'ne griega lajel nale 'uo ga'me qolecochaĝanegueta jo'ne nalochiguilo gaa'me noloqo'ote.

La'aqtaqa Ñim Lo'onatac 'Enauacna 2013

¹ Qaq se'esoua na'axa'te ỹataqta nquictauec na ỹa'amaqten So Jesús. Nache nam 'amqaanataxanaxaicpi judiopi maye ỹaỹate'n naua la'aqtaqa na griegopi, namayepi nachetega nam laỹepi judiopi, cha'aye namayepi 'eetega da saishet da ỹoqta qailo'oguet anam pa'aipi maye lauo' lashepi da ivita da qoỹanec da ntaunaxanaxac ye na'a'q.

Hechos 6:1 Referans Kwoze

Hechos 4:35

nachi qoÿanema soua Jesús lamaxa'shi. Nachi soomayi naloqteedeec, qoÿanem nam ÿoqta 'eesa da huo'o da lhuenaxanaxa.

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

Santiago 5:9

Qami' ÿaqaÿa't, saqco' qome ca quetapeguelec ca lÿa, yaqto' sa ishit da qaÿauo'o ca qadasouaxashichi. Cha'ayi ñi Dios mayi nmit na nasouaxashitpi, mashi sa qaÿapeque da nvi'.

Hechos 9:39

Nachi so Pedro ca'ateguelo soomayi. Qaq co'ollaq iviyi', nachi somayi qaÿaviguishiguemec so noÿic mayi huetaña aso Dorcas. Qaq 'enauac nam pa'aipi datatau'a, noÿiitagui. Nachi qaÿachaxaatac ana l'onata npotopi qataq na lomaxaquipi mayi l'onatacpi asomayi co'ollaq ña qanachattague'.

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Hechos 2:47

Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.

Filipenses 3:5

Cha'ayi aÿim co'ollaq mashi sovi' naua ocho na'axa'te da aÿim ñiguiñi, nachi qaÿauo'o so ñi'anaxat, cha'ayi aÿim iuo' na Israel l'ecpi, sachigoxoigui na llalaqpi so Benjamín, naua i'aqtaqa 'eeta'ama soua ita'al hebreo lashi'. Da ÿataxac aÿim fariseo l'ec da shicteguelo naua nqataxaco mayi chigoqo'oto so Moisés.

Hechos 11:20

Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Hechos 9:41

Nachi somayi ÿacona na lhuaq asomayi, nachi ÿanaxanaxaashiguem. Ime, nachi iÿaxaneuga so nqaÿañicpi qataq som pa'aipi, nachi ÿachaxan asomayi da qaltaq nca'aleec.

Hechos 9:29

Nachi somayi ÿataqta sa ishit da ñi'itapeguelec da i'axattac so qadataxala', nachi n'aqtaxaatapegue' qataq ncotatapegue' nam judiopi mayi ÿaÿate'n naua l'aqtaqa na griegopi. Qalaxayi namayipi co'ollaxa ÿauotaique da ÿalauat somayi.

Hechos 5:14

Qaq ivida'a da ÿataqta qalota na i'amaqten so qadataxala', na ÿallippi qataq na 'alpi.

Hechos 4:4

Qalaxayi ÿataqta qalota na shiÿaxauapi nam n'axaÿaxaatega se'eso n'aqtaxanaxac na da'amqajnataxan. Qaq yim lcata so dalaxaic da'amqajnataxan huac da ivi' ca cinco mil ndoteec na ÿallippi.

Hebreos 13:1

Sa ishit qome da ÿaxaneec ñi 'oonolec da qoñiita da ÿauotec ca lÿa, 'eeta'am naq'en da lauotaxanaqtaic ca maichi lqaÿa.

2 Corintios 11:22

¿Namayipi peta'a hebreo l'ecpi? Qaq nataq'en aÿim. ¿Namayipi llalaqpi so Israel? Qaq nataq'en aÿim llalec somayi. ¿Namayipi maichi laualpi so Abraham? Qaq nataq'en aÿim.

Hechos 2:45

huo'o na imen na lma', qataq 'enauac nam huo'o logoxoshitpi, nachi ana lashiue ÿanem ca lÿa, qalaxayi ÿataqta ca tachiguiña ca lhuenaxanaxa ñi 'oonolec.

Mateo 23:13

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq qami' fariseopi mayi qoñiitega da qami' 'eesoda! Cha'ayi qami' qauapoigui ñi lasom dam l'onataxanaxac ñi Dios mayi neta'ague da piguem, da yaqto' sa ishit da huo'o ca inoxoneuo. Qalaxayi qami' sa ishit da qaunoxoñiiuo, qataq sa ishit da qauashiñiim da inoxoneuo nam nshitaique da inoxoneuo.

Santiago 4:5

Ÿoqo'oyi saq vichiguiñi da 'enapec naua ñiyigui'shi l'aqtaqa ñi Dios, 'eeta': “So Espíritu mayi qomi' ÿanaiguilo naq'en ñi Dios, somayi qomi' ÿauoteque qataq 'ico' ica'altalguete.”

Santiago 1:27

Da n'amqajnataxanaxac mayi ÿataqta imeteeta ñi qadta'a Dios da ÿataqta qui'itta qataq saqca ca huetapoigui nasouaxashit, damayi 'eeta': ca shiÿaxaua itauan ca saqcaua caua lta'al qataq aca pa'ai mayi huetaigui da nque'ejnaxac, qataq ÿataqta ndenguet 'enauac na sa ÿaÿamaxañisat mayi huetalec ana 'alhua.

1 Timoteo 5:9

Qaq aca lmalate na l'enaxat ana pa'ai, ndoteec qanqoÿin ana mashi ivi' naua sesenta vi'iyi, qataq 'oonolec naq'en ca chigoxoguet lhua.

1 Corintios 10:10

Nataq'en qami' sa ishit da qanachiitega ñi Dios, 'eeta'am da 'eetec somayipi co'ollaq huo'o na quetapeguelec ñimayi. Nachi qaÿalauat, ÿalauat so chigaqshiguem Dios lamaxashic mayi lalaataxanaxanec.

Hechos 5:28

–Qomi' mashi qami' sellaqpeguema co'ollaxa da sa ishit da qauapaxaguenataxañiic da l'enaxat so Jesús, qalaq ¿huá'ague ca 'eetec de'eda qau'ochi? Qami' mashi qanlaxachiichigui 'enauac na Jerusalén da qadapaxaguenataxanaxaqui, qataq qanshiitaique da qomi' qauasaqailguete da l-leuaxa se'eso shiÿaxaua da qadasouaxashit.

Hechos 6:2

Nachi soua doce Jesús lamaxa'shi, soomayi ÿauo'o so laponaxac 'enauac nam 'amqajnataxanaxaicpi. Nachi 'enapega, 'eeta': –Sa ÿaÿamaxañi da qomi' saxanaxañi da qad'aqtaxanaxac da l'aqtac ñi Dios, nachi qadmelec da yi'oqchigui nqui'axac.

Hechos 11:26

Nachi nedaña yimayi, ÿalectraigui na 'amqajnataxanaxaicpi, ivi' 'oonolec vi'i. Nachi ÿataqta qalota na shiÿaxauapi na ÿapaxagueetrac. Qaq huaña yi Antioquía, nachi chita'ague da na 'amqajnataxanaxaicpi qailonec da quetague' so Cristo.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

Romanos 12:7

Da huo'o ca qoÿami' da huapegue' na laÿi 'amqajnataxanaxaicpi, qaq nachiyi i'ot. Qataq ca tateu'a da dapaxaguenataxan qanqoÿin, qaq nachiyi huelec da i'ot.

1 Timoteo 5:3

'Autauan aca pa'ai da ÿataqta qaica ca pi'iÿa'a.