Hechos 5:4 - Nuevo Testamento Toba Sur

⁴ ¿Sa ishito' peta'a da 'adalamaxat som 'alhua? Cha'ayi co'ollaq 'aumen somayi, qaq ¿sa ishito' peta'a da maichi 'adalamaqte aso lashiue? ¿Tá'ainco' yi tachiguio' yi 'adhuel da 'au'ot de'eda? 'Am 'auatenachit ñi Dios, sa ishit da nachica ca yi'oqchigui shiÿaxaua.

Nuevo Testamento Toba Sombrero Negro

⁴ ¿Jeele ja adoĝot joona jogamaĝa aleua? Nataq'aen queda'me auemen, ¿qo'li ja adoqote jagamaĝa laicaua? ¿Toqoch'e naq'aeta ga'me adelnataĝac qama'le aua'uo dojo'? Ja auoqovi'n gaa'me ch'e jiyaĝa'u dite ñe'me Dios.

La'aqtaqa Ñim Lo'onatac 'Enauacna 2013

⁴ ¿Saisheto' peta'a da 'aralamaxat som 'alhua? Cha'aye co'ollaq 'aumen somaye, qaq ¿saisheto' peta'a da maiche 'aralamaqte aso lasheue? ¿Ta'ainco' ye tachiguio' ye 'arhuel da 'auo'ot de'era? 'Am 'auatenachet Ñim Lo'onatac 'Enauacna, saishet da nacheqomi'.

Hechos 5:4 Referans Kwoze

Hechos 5:3

Nachi so Pedro 'enapego' somayi, 'eeta': –Ananías, ¿tá'ainec yi 'aunoxonaqchitoigui añi 'adquiyaqte so Satanás da yaqto' 'auatenachit naq'en so Espíritu Santo, nachi 'an'onaxatañi aso laÿi aso lashiue so 'adma'?

1 Ts 4:8

Qaq ÿoqo'oyi ca n'otane' de'eda napaxaguenataxanaxac, camayi sa ishit da i'otan ca chochi shiÿaxaua deto. Cha'ayi nachiñi ñi Dios i'otan, ñim qomi' ÿanema so Espíritu Santo.

Hechos 5:9

Nachi so Pedro 'enapego' asomayi, 'eeta': –¿Tá'ainco' qami' yi qautaqÿapigui co'ollaxa da qauatenachichi so Espíritu mayi chigoqo'ot ñi Dios? Qaq nagui mashi nvildeuo nam idodeec da ilalyiñi so 'adhua. Qaq nagui nataq'en 'am qaidouec.

Lucas 10:16

Qaq ca qami' n'axaÿaxanalo, qaq nachaÿim aÿim n'axaÿaxana, qaq ca qami' sa ÿacongueta, qaq nachaÿim aÿim sa ÿaconguet. Qaq ca aÿim sa ÿaconguet, qaq nachiñi ñi aÿim namaq ñim sa ÿaconguet.

Santiago 1:15

De'eda sa ÿaÿamaxañi nqopitaxanaqtaic, damayi deco'oic da ñi'itaxaloxo. Qaq de'eda ñi'itaxaloxo da ivita yi laloqo' da 'ico' mashi ÿi, nachi yi'oq da 'ico' deco'oic da nleuaxa.

Filemón 1:14

Qalaxayi aÿim sa ishit da huo'o ca sa'aulec, cha'ayi sa iuena'a da huo'otaq sa 'auaÿamaxaden, yaqto' que'eca 'adqouagaxanaqtaic da shiita, sa ishit da 'ico' 'am qaÿamaqtalec. Chaqdata da maichi 'am chigoqchigui.

1 Corintios 8:8

'Eesa da ca nallic sa ishit da sachigoxotaqagui da qomi' ÿaÿamaxadeete' ñi Dios. Cha'ayi ca nallic da sachiguenaq, qaq sa ishit da qomi' nquigaxatta'agueta da no'on qadataxac; huo'otaq da sa ishit da sachiguenaq, qaq sa ishit da qomi' nquigaxatta'agueta da qauem qadataxac.