Hechos 5:39 - Nuevo Testamento Toba Sur

³⁹ Qalaxayi damayi da huo'otaq nachiñi ñi Dios da chigoqo'ot, nachi qami' sa ishit da qanlaxachiiñi. Ÿoqo'oyi qadvichiÿalec qome damayi. Ten, qom 'eeta'am da qanpa'aguiñiitague' ñi Dios.

Nuevo Testamento Toba Sombrero Negro

³⁹ qalaĝaja qom loequenataĝanaĝac ñe'me Dios qama'le ja auaqanachichi ta'le anomachi. Achiya'aguet da'me dojo', qa'a ja auayachiñe da'me ma'te aueloquitapegue' jodamaĝa ñe'me Dios. Qama'le jogaa'me yoqochideta.

La'aqtaqa Ñim Lo'onatac 'Enauacna 2013

³⁹ Qalaxaye damaye da huo'otaq nacheñi Ñim Lo'onatac 'Enauacna da chegoqo'ot, nache qami' saishet da qauañoxoche da qanlaxachiiñi. Ỹoqo'oye qarvichiỹalec de'era. Cha'aye da nache qoñiitec de'era, nache qami' qanpa'aguiñiitague' Ñim Lo'onatac 'Enauacna.

Hechos 5:39 Referans Kwoze

Mateo 16:18

Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.

Hechos 7:51

Qaq ñaq queta da ltaxaÿaxac so Esteban, 'eeta': –Qami' nachi 'eetai' da ÿataqta sa qaualaqai, qataq da qan'axaÿaxanaxaqui qataq naua qadquiyaqchilli' 'eeta'am ca saxanaxa da ÿauatton ñi Dios. Qataq nachi 'eetai' da qanpa'aguiñiitague' so Espíritu Santo. Qaq nachi qoñiita'am som hua'au qadta'alliipi.

1 Corintios 1:25

Cha'ayi na shiÿaxauapi dam ipettega da chochi 'oopashic naÿajnec mayi chigoqo'ot ñi Dios, damayi napacalec da laÿajnaxanaxa nam huetalecna. Qataq dam qaipettega da 'ico' saqca ca l'añaxac mayi chigoqo'ot ñi Dios, damayi napacalec da l'añaxac na huetalecna.

Hechos 11:17

Qaq ñim Dios da nataq'en ÿanem namayipi da 'eeta'ama naq'en qomi' mayi sa'amaqtenaq so qadataxala' Jesucristo, qaq ¿négue't aÿim qone' da huo'otaq ñanaxat ñimayi?

Hechos 9:5

Nachi so Saulo denataxan, 'eeta': –'Am ÿataxala', ¿négue't 'am? Nachi se'eso nvilÿaxac qataq 'enapeco': –Qomyi nachaÿim Jesús, nachaÿim mayi aÿim 'aucaatac. 'Am 'eeta'am da maichi 'anque'emaqchittapeguela't, qoneta'am da 'eetec ca nauegaxanaxala' huaca da maichi ÿasottapeeguet aca n'adaxanaqte.

Hechos 6:10

Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Hechos 23:9

Nachi 'enauac somayipi i'alaqtagui; nachi huo'o na nachajñi nam dapaxaguenataxaatapeguec na nqataxacpi mayi nachi laÿipi na fariseopi. Nachi namayipi 'eeta': –De'eda shiÿaxaua, damayi sa ishit da huo'o ca i'ot sa ÿaÿamaxañi, cha'ayi sa iuena'a da huo'otaq huo'o cam detaqtague' nam namaxashic piguem l'ecpi, huo'otaq nam saq cha'a nqui'ipi. Qaq no'on da sa ishit qome da 'ico' ñipa'aguenaqtague' ñi Dios.

1 Corintios 10:22

Loqo'o ¿qomi' sauoqtaique peta'a da deca'alaxan ñaqashinaq so qadataxala'? ¿Ñapagaqlec peta'a da l'añaxac somaxa?