Hechos 5:36 - Nuevo Testamento Toba Sur

³⁶ Cha'ayi qami' qauennachii da huo'o so na'a'q co'ollaxa da nachajñi so Teudas, nachi 'enapec da huo'o naq 'enec, nachi ivi' cuatrocientos so shiÿaxauapi mayi quegue somayi. Qalaxayi somayi co'ollaxa qaÿalauat, nachi 'enauac som quetague'pi somayi nlagaxattac. Huaña, nachi imeuo da l'onataxanaxac.

Nuevo Testamento Toba Sombrero Negro

³⁶ Qa'a ja copaja'a quelqaya ñijeguem di'me Teudas, eetapela't jiyaĝaua jo'ne 'uo da'me yaqanatet, qama'le uo'oe ga'me cuatrocientos jo'ne quetedapegue'. Qalaĝaja di'me qoyalat ca'li, nataq'aen gaa'me lauegaqataqa nelagaĝa, qama'le ua'a ca'li yema yenoĝonegue.

La'aqtaqa Ñim Lo'onatac 'Enauacna 2013

³⁶ Cha'aye qami' qauennache da huo'o so na'a'q co'ollaxa da nachaañi so Teudas, nache 'enapec da huo'o naq 'enec, nache ivi' cuatrocientos so ỹalleppi maye quegue somaye. Qalaxaye somaye co'ollaxa qaỹalauat, nache 'enauac som quetague'pi somaye nlagaxattac. Huaña, nache imeuo da lo'onataxanaxac.

Hechos 5:36 Referans Kwoze

Hechos 8:9

Qalaxayi huo'o so shiÿaxaua l'enaxat Simón. Somayi co'ollaxa do'onataxaatega da napinshaxac da ÿatenachittac na shiÿaxauapi mayi hueta'a yi'iyi pueblo Samaria. Somayi 'eetego' naxa da ÿataqta huo'o naq 'enec.

2 Pedro 2:2

Qaq ÿataqta qalota qome na quegue da qauem lataxac namayipi. Qaq souaxat namayipi nachi ÿataqta qauem da n'aqtaguec da llic da n'aqtac mayi ÿoqta 'eesa.

Apocalipsis 17:5

Qataq asomayi nanettalec na latap so n'enaxat mayi saq cha'a ca naigui. 'Eeta': “Nam ÿataqta 'amaqtaqaic Babilonia, nachana ana late'e ana quishiguetaxaipi qataq 'enauac nam i'ot da nqaigaxa mayi huetalec ana 'alhua.”

Judas 1:16

Namayipi taxaÿaxaicpi qataq quetapeguelec ca lÿa. Chaqdata da nmitta'ai cam maichi lqopitaxanaqtaic. Qataq naua l'aqtaqa ÿataqta ñi'oxonnaxaiqa. Qataq da detaxaÿa ca lÿa shiÿaxaua, qalaq ÿataqta iyaata, cha'ayi chochi naquitta'a.

Gálatas 6:3

Cha'ayi ca ipi'itaxaatega da 'amaqtaqaic, qamaq qaica ca naigui, qaq camayi 'eeta'am da maichi natenachittapeguela't.

Gálatas 2:6

Qaq sa ishit da huo'o ca aÿim ÿanem dalaxaic lapaxaguenataxanaxac soua qoÿiitegalo nachi 'eetai'salo nataxala'te; nai'ctaxa da aÿim sa ishit da ÿoqta selotapigui ca 'eetec ca lataxa'c soomayi, cha'ayi ñi Dios sa ishit da ilotapigui ca yi'oqchigui nataxac.

Hechos 21:38

Qachi ¿sa ishit qone' da nachi'am som Egipto l'ec mayi huo'o so na'a'q nachi i'ot so npa'aguenaxac, nachi ÿauegueuga so tojlec so cuatro mil shiÿaxauapi mayi laataxanaxaicpi?

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Apocalipsis 17:3

Qaq can ñaq sootaigui se'eso ÿauanaqchic mayi aÿim ÿanem so Espíritu Santo, nachi se'eso namaxashic aÿim ÿauega so tojlec 'alhua. Huaña somayi, nachi sela'a aso 'alo netalec so shiguiÿac togaxadaic mayi nanettalec 'enauac na l'oc na n'enaxatpi mayi ÿataqta npa'aguene' ñi Dios. Qaq somayi siete na lqaicpi, qataq diez ana lcouepi.

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

Mateo 24:26

Qaq ÿoqo'oyi da huo'o ca qami' 'enapegalo da 'eeta': “Ña qauloÿa ñi qadta'a qadca'alaxaqui, ñimayi netalec yi tojlec 'alhua,” qalaq sa ishit qome da qanqo'oñiuga. Huo'otaq da 'eeta': “'Iñi ñimayi, netaigui ñi noÿic,” qalaq sa ishit qome da qau'amaqchiñi.

Mateo 24:5

Cha'ayi ÿataqta qalota qome na chochi n'enaqchingui da i'enaxat, 'eeta': “Aÿim mayi nachaÿim qadta'ai qadca'alaxaquii,” nachi ÿataqta qalota qome na ÿatenachit.

Hechos 5:35

Qaq co'ollaq ime, nachi 'enapego' so nta'alpi, 'eeta': –Qami' Israel l'ecpi, maxatchaxa qome da qadvichiÿalguete de'edaua shiÿaxa'u da huo'o ca qau'ochiique.