Hechos 5:34 - Nuevo Testamento Toba Sur

³⁴ Qalaxayi se'eso nta'alpi nachi ÿalectaigui som chigaqaigui na fariseopi, l'enaxat Gamaliel. Somayi nachi dapaxaguenataxaatapeguec na nqataxacpi, ÿoqo'oyi ÿataqta huo'o naq 'enec qanqoÿin. Nachi somayi nachajñi, nachi damaxasoxoolec da cada'ac da qanqatreec soua namaxa'shi.

Nuevo Testamento Toba Sombrero Negro

³⁴ Qalaĝaja 'uo ñe'me jiyaĝaua jo'ne uetauelo ga'me p'ajodaye jo'ne fariseo, lenaĝat Gamaliel, jo'ne nach'e ena'am uetauelo ga'me judiopi napaĝaguenoqo'tpi, jenjo' jo'ne yema ga'me noic yataqachiñe qouatec'a. Jenjo' jiyaĝaua ñechachiñe ca'li qama'le damaĝajoĝolegue da'me cha'li qoyen p'adegue gaa'me namaĝa's.

La'aqtaqa Ñim Lo'onatac 'Enauacna 2013

³⁴ Qalaxaye huo'o so ỹalectaigui na fariseopi, le'enaxat Gamaliel. Somaye damaxasoxoolec da cara'ac qanqatre'c soua namaxa'she. Se'eso Gamaliel, somaye dapaxaguenataxaatapeguec na namaxasoxonaxacpi, qaq na judiopi ỹataqta huo'o naq 'enec naqa'en somaye.

Hechos 5:34 Referans Kwoze

Hechos 22:3

–Aÿim judío l'ec. Ÿañoqo' yi Tarso mayi huaigui yi 'alhua Cilicia. Qalaxayi aÿim ñañaxatalec na Jerusalén, qaq aÿim lapaxaguenatac so Gamaliel. Aÿim ÿataqta shicteguelo naua nqataxaco som hua'au qadta'alpi. Qaq ÿoqo'oyi nachi 'eetai' da ÿataqta huo'o da iuogoxo da so'onataxaatacot ñi Dios, ÿataqta semato'ot da iquiyaqteÿaxac. Qaq nachi shiita'am 'enauac da qoñiita nagui.

Lucas 2:46

Qaq co'ollaq mashi inoxoodeec soua tres na'axa'te, nachi qaÿanata somayi, huetaigui aso n'onaxanaxaqui late'edai, nso'ootañi, datataigui som dapaxaguenataxaatapeguec na nqataxacpi, n'axaÿaxaatega qataq huo'o na nnataxanaxacpi.

Lucas 5:17

Qaq huo'o so na'a'q so Jesús dapaxaguenataxaatac, nachi huo'o na ÿalectauo, nso'ootañi, nam ÿalectaigui na fariseopi qataq nam dapaxaguenataxaatapeguec na nqataxacpi mayi anac, chigaqa'alo naua 'ale'u yim Galilea qataq yi Judea qataq Jerusalén. Nachi da l'añaxac ñi Dios yi'oq da hueta'aguet somayi co'ollaq natadeetac na sa no'onpi.

Hechos 4:15

Huaña, nachi qanqateeguesopa soomayi so naponaxac, nachi ndochiguiñi somayipi da detaxaÿapega't.

Juan 3:10

Nachi so Jesús 'enapeco': –'Am mayi 'auapaxagueetac na llalaqpi so Israel, qalaq ¿tá'ainco' yi sa 'auaÿaten de'eda?

Hechos 5:21

Nachi co'ollaq hua'aqchiyigui de'eda, nachi so lÿa na'a'q ña nte'etom nachi nqo'oodeu'a aso n'onaxanaxaqui, nachi qaltaq dapaxaguenataxaata'pe. Qaq se'eso lta'a na ntaxaÿaxanaxanecpi qataq som ltauapi i'ot so laponaxac, ÿataxana't na nta'alpi mayi loicnatac na lataxaguesat. De'eda naigui da anac 'enauac nam lquedoxonecpi na llalaqpi so Israel. Nachi qaÿamaxasoxoneu'alo soua Jesús lamaxa'shi mayi netraigui aso ncoñitaxanaxaqui.

Hechos 5:27

Qaq co'ollaq nvidaxatreuo soomayi, nachi nachaalataxanguilo na laiñi som nta'alpi mayi loicnatac na lataxaguesat. Nachi som lta'a na ntaxaÿaxanaxanecpi 'enapegalo soomayi, 'eeta':

Hechos 5:35

Qaq co'ollaq ime, nachi 'enapego' so nta'alpi, 'eeta': –Qami' Israel l'ecpi, maxatchaxa qome da qadvichiÿalguete de'edaua shiÿaxa'u da huo'o ca qau'ochiique.