Hechos 5:32 - Nuevo Testamento Toba Sur

³² Qaq de'eda nachiqomi' mayi sa'axataqtac, qataq so Espíritu Santo nataq'en i'axattac, qaq ñi Dios ÿanem somayi cam ÿalaxaguet ñimayi.

Nuevo Testamento Toba Sombrero Negro

³² Nach'eda dojo' qo'mi aqataĝanaĝayaqa, qama'le nach'e ena'am ñe'me Lepaqal ja 'nalegue, jo'ne Dios yanema ga'me jo'ne yoqochideta joñe'me.

La'aqtaqa Ñim Lo'onatac 'Enauacna 2013

³² Qomi' ỹataqta saỹatenaqta de'era sa'axataqtac, qataq So Saqcha'a Na'añaxac Qui'itta nataqa'en ỹa'axattac, cha'aye Ñim Lo'onatac 'Enauacna ỹanem 'enauac So Saqcha'a Na'añaxac Qui'itta 'enauac nam ỹalaxaguet Ñimaye.

Hechos 5:32 Referans Kwoze

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

1 Pedro 1:12

Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

Hechos 13:31

Nachi somayi ÿataqta huo'oi soua na'axa'te da nachaxaategalo soua ÿataqta nnaigaxa'u co'ollaq chigoqchiguiña yi Galilea, chochi ivitta'a yi Jerusalén. Qaq nagui nachisoua soomayi som da'aqtaxaatapeguema na shiÿaxauapi de'eda.

Hechos 5:29

Nachi so Pedro qataq soua lÿa't namaxa'shi 'ena'po': –Qomi' iuen da hua'auñi da ÿataqta salaxasoxoguet ñi Dios, ime, qataq jec na yi'oqchigui shiÿaxauapi.

Hechos 15:28

Cha'ayi so Espíritu Santo ÿataqta ÿaÿamaxadeeta, nataq'en qomi', da sa ishit da huo'o ca lÿa qami' sachoxolguete sa pa'atta, chaqdata da iuen da qauaÿajñi da 'eeta':

Hechos 2:4

Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

2 Corintios 13:1

Qaq mashi ivi' na tres nagui da shi'iguelaxalec da qami' ñoqo'onalo. Qaq 'enauac qome na nasouaxashitpi iuen da qai'axat da da'aqtaxa'n caua dos huo'otaq tres shiÿaxa'u.

Hechos 10:44

Qaq ña detaqtac so Pedro co'ollaq so Espíritu Santo anac, nachi tanguit 'enauac so n'axaÿaxaatega da l'aqtaxanaxac.

Hechos 2:32

Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui.

Romanos 8:16

Qataq se'eso Espíritu nachi huaxaiguet ñi qolaqpegue' qadqui'i da i'axa't da qomi' mashi qomi' llalqa ñi Dios.