Hechos 5:3 - Nuevo Testamento Toba Sur

³ Nachi so Pedro 'enapego' somayi, 'eeta': –Ananías, ¿tá'ainec yi 'aunoxonaqchitoigui añi 'adquiyaqte so Satanás da yaqto' 'auatenachit naq'en so Espíritu Santo, nachi 'an'onaxatañi aso laÿi aso lashiue so 'adma'?

Nuevo Testamento Toba Sombrero Negro

³ Pedro enaac: —Ananías, ¿toqoch'e auajeta ta'le Satanás am nomat nataq'aen am 'yetec da'me auoqovin ñe'me Dios Lepaqal jo'ne ja 'nalegue, da'me auen colaĝaye jaga'me lajo'vi ga'me a'naleua?

La'aqtaqa Ñim Lo'onatac 'Enauacna 2013

³ Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

Hechos 5:3 Referans Kwoze

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

Hechos 5:9

Nachi so Pedro 'enapego' asomayi, 'eeta': –¿Tá'ainco' qami' yi qautaqÿapigui co'ollaxa da qauatenachichi so Espíritu mayi chigoqo'ot ñi Dios? Qaq nagui mashi nvildeuo nam idodeec da ilalyiñi so 'adhua. Qaq nagui nataq'en 'am qaidouec.

Juan 13:27

Qaq co'ollaq lcopa'a da ÿaconguet so laÿi aso pan so Judas, nachi so Satanás taigui da lquiyaqteÿaxac somayi. Nachi so Jesús 'enapego' somayi, 'eeta': –Cam 'anshitaique da 'au'ot, no'on da 'auÿalapegue' da 'au'ot.

Juan 13:2

Qaq so shiÿaxaua mayi lma'na, somayi mashi sogote da ÿachaigui da lquiyaqteÿaxac so Judas Iscariote, som llalec so Simón, da lhuennataxac da yaqto' ÿaneuo so Jesús. Qaq so Jesús, somayi ÿaÿateeta da chigoqtot ñi Dios, qataq ÿaÿateeta da ÿi'iguelaxa ñimayi, qataq da ñi lta'a ÿanem somayi 'enauac da l'añaxac. Nachi co'ollaq mashi deque'etacpi somayipi, nachi so Jesús nachajñi, nachi nqat so lapo', qataq nsaachigui so pilotaxat.

Santiago 4:7

Qaq ÿoqo'oyi ÿataqta qanañañiÿot da qauatailec ñi Dios. Qataq qanachaachiÿa'aguet so shiÿaxaua lma'na. Qaq somayi dataueguesopa qami'.

Hechos 5:4

¿Sa ishito' peta'a da 'adalamaxat som 'alhua? Cha'ayi co'ollaq 'aumen somayi, qaq ¿sa ishito' peta'a da maichi 'adalamaqte aso lashiue? ¿Tá'ainco' yi tachiguio' yi 'adhuel da 'au'ot de'eda? 'Am 'auatenachit ñi Dios, sa ishit da nachica ca yi'oqchigui shiÿaxaua.

Hechos 5:2

Qaq se'eso shiÿaxaua n'onaxatañi aso laÿi mayi lashiue so lma', qaq aso laÿi idou'alo soua namaxa'shi, 'eeta'am naq'en da nalota't. Qaq aso lhua ÿaÿaten 'enauac de'eda.

Lucas 22:3

Nachi so Satanás inoxonoigui so Judas, da l'enaxat lÿa Iscariote. Somayi nachiso so 'oonolec soua doce lamaxa'shi.

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.