Hechos 5:26 - Nuevo Testamento Toba Sur

²⁶ Nachi som lta'a na huataxanaqpi jec, lÿa som nallippi da naueguedeuo soomayi. Qalaxayi sa ishit da sa iyina'pe soomayi, cha'ayi ñi'itega na shiÿaxauapi da huo'otaq ÿasaq somayi na coma'.

Nuevo Testamento Toba Sombrero Negro

²⁶ Joñe'me lejaliaĝane'j ga'me vitaĝaiquipi, nach'e ena'am gaa'me vitaĝayaqa, yitaĝa dajoyilo ca'li qaedi nauedeuo; qalaĝaja ja yauaĝalo'te jogaa'me, qa'a t'oidapega ga'me jiyaĝadipi ta'le qoyijaĝaque ga'me qadipi.

La'aqtaqa Ñim Lo'onatac 'Enauacna 2013

²⁶ Nache som lta'a na huataxanaqpi qataq soua ltau' je'c da ỹaconeua'alo soua Jesús lamaxa'she, qalaxaye saishet da ỹapac da sa iyacna'ape, cha'aye huo'o da lcolanaqa' na shiỹaxauapi da dalemataỹalo soomaye, nache qaỹasa'q na coma'.

Hechos 5:26 Referans Kwoze

Hechos 5:13

Qalaxayi huo'o na laÿipi shiÿaxauapi na sa ishit da ÿalegoigui namayipi, qalaxayi 'enauac ne'ena sa ÿalegueuopi ÿataqta ÿi'oxodeetac namayipi.

Hechos 4:21

Nachi so nta'alpi ÿataqta ÿadeetegalo soomayi, qalaxayi ÿachaxaadeec. Cha'ayi sa ishit da qaÿanata cam qaÿachigoxotchigui da yaqto' qaiuaxa'n, cha'ayi 'enauac na shiÿaxauapi ÿataqta ÿi'oxodeetac ñi Dios, souaxat de'eda qanayiuaigui.

Hechos 5:24

Nachi co'ollaq hua'axaÿa de'eda som lta'a na ntaxaÿaxanaxanecpi qataq som lta'a nam ilotague' aso n'onaxanaxaqui, qataq som lataxala'pi na ntaxaÿaxanaxanecpi, nachi somayipi nnattega't da chaq 'eetec qome ca taÿa'a 'enauac de'eda.

Lucas 22:2

Nachi so lataxala'pi na ntaxaÿaxanaxanecpi da qaitaxaÿapegue' ñi Dios qataq som dapaxaguenataxaatapeguec na nqataxacpi, somayipi nmittaique ca ÿachigoxotchigui da ishit da ÿalauat so Jesús, qalaxayi somayipi ÿataqta ñi'iÿa so shiÿaxauapi.

Lucas 20:19

Nachi so lataxala'pi nam ntaxaÿaxanaxanecpi da qaitaxaÿapegue' ñi Dios qataq so dapaxaguenataxaatapeguec na nqataxacpi, somayipi nshitaique da nachi ÿaconeu'a se'eso na'a'q so Jesús, cha'ayi ÿaÿaten da nachiso somayipi ÿalamaqchigui de'eda qaÿaloqnaxaatega. Qalaxayi qañi'itega som shiÿaxauapi.

Lucas 20:6

Qaq da huo'otaq shinaqpec da chochi shiÿaxaua ca ÿamaxalec, qaq 'enauac na shiÿaxauapi ÿoqta qome da qomi' ÿasa'q na coma' da qomi' ÿalaua't, cha'ayi ÿoqta 'eesa da so Juan, somayi l'aqtaxanaxanec ñi Dios.

Mateo 26:5

Qalaxayi somayipi 'enapeco': –Sa ishit qome da huetoigui ñaqashinaq naua na'axa'te naponaxaqui', yaqto' sa ishit da i'elaxa't na shiÿaxauapi.

Mateo 21:26

Qaq da huo'otaq shinaqpec da chochi shiÿaxaua ca ÿamaxalec, qaq huo'o da qadcolanaxa na shiÿaxauapi. Cha'ayi 'enauac namayipi ÿataqta i'amaqten so Juan da l'aqtaxanaxanec ñi Dios.

Mateo 14:5

Nachi so Herodes huotaique da ÿalauat so Juan. Qalaxayi huo'o da lcolanaxa na shiÿaxauapi, cha'ayi namayipi 'eetega da so Juan ÿataqta 'eesa da l'aqtaxanaxanec ñi Dios.

Mateo 26:58

Qalaxayi so Pedro ca'attaueegue somayipi, qalaxayi qaÿoqteguet, chochi ivittau'a ca nqasoxoc ca lma' som lta'a na lataxala'pi na ntaxaÿaxanaxanecpi. Huaña, nachi pa'auo, nachi nso'ootañi, netangui so huataxanaqpi, cha'ayi ÿauotaique da ÿauaachigui ca loga't 'enauac de'eda.

Lucas 22:4

Nachi somayi nqo'oneu'a da detaxaÿapegue' so lataxala'pi na ntaxaÿaxanaxanecpi, nachi da'aqtaxanem somayipi da 'eetec naq'en da lataxac da ÿaneu'a somayipi so Jesús.

Hechos 5:22

Qalaxayi som huataxanaqpi co'ollaq ivideu'a aso ncoñitaxanaxaqui, nachi sa ishit da ÿanatalo soomayi. Nachi ÿi'iguelaq da ÿachi de'eda n'axaÿaxac,

Hechos 5:25

Huaña, nachi nvideuo so shiÿaxaua, nachi da'aqtaxanem somayipi, 'eeta': –Dam shiÿaxa'u mayi qami' qai'añiÿaiguilo añi ncoñitaxanaxaqui, daamayi qataq huetra'a añi n'onaxanaxaqui, ÿapaxagueetrac na shiÿaxauapi.