Hechos 5:19 - Nuevo Testamento Toba Sur

¹⁹ Qalaxayi so lamaxashic piguem l'ec ñi qadataxala' ÿauatoiguilo soua laso'mi aso ncoñitaxanaxaqui se'eso pe, nachi nqatreec soomayi. Nachi 'enapegalo', 'eeta':

Nuevo Testamento Toba Sombrero Negro

¹⁹ Qalaĝaja 'uo ñe'me piyem le'ec jo'ne chiyaqaje'ma ñe'me Jaliaĝanec, ca'li pi'yaq 'youatedegue gaa'me najo'mi jaga'me coñetaĝanaĝaiqui, qama'le yauedegue, enaac:

La'aqtaqa Ñim Lo'onatac 'Enauacna 2013

¹⁹ Qalaxaye so lamaxashec Ñim Qarataxala' ỹauatoiguilo soua laso'omi aso ncoñetaxanaxaqui se'eso pe, nache nqatre'c soomaye. Nache 'enapegalo', 'eeta':

Hechos 5:19 Referans Kwoze

Hechos 16:26

Nachi nque'elaxatta da huo'o so nacholaxanaxa, nachi ÿataqta ÿacholaxanapec aso ncoñitaxanaxaqui, ivida'a naq'en na pa'aguiñi. Huaña, nachi maichi nauatoiguilo naua laso'mi, qataq maichi huesodeec naua lque'te na ncoñitaguishicpi.

Hechos 27:23

Cha'ayi ne'ena pe aÿim nachaxana so chigaqshiguem lamaxashic ñi Dios mayi sooto'ot qataq so'onataxaatacot.

Hechos 8:26

Qaq co'ollaq ime de'eda, nachi so lamaxashic piguem l'ec ñi qadataxala', somayi 'enapego' so Felipe, 'eeta': –Qoñishiguem qome, nachi 'aigue da taguiñi, qoquegue so nqa'aic mayi chigaqshiguemec yi Jerusalén, taÿa'a yi Gaza. Se'eso nqa'aic nachiso so tajlec yi tojlec 'alhua.

Mateo 1:20

Qaq co'ollaq ñaq tatapigui lauel de'eda, nachi anac so lamaxashic piguem l'ec ñi qadataxala', huaigui naq'en so l'ochaxa da nachaxana somayi. Nachi 'enapega, 'eeta': –José, 'am mayi 'auachigoxoguet so nta'a David, sa ishit qome da 'ayi'i da 'aupaca'aguet añi María da 'adhua. Cha'ayi dam llalec mayi huetagui, damayi chigoqo'ot so Espíritu Santo.

Lucas 1:11

Huaña, nachi nachaxana so Zacarías so lamaxashic piguem l'ec ñi qadataxala'. Somayi nachattañi, pa'ata'ague da aloic asom nca'atoxolate na nchinaxanaxat mayi ama na laita.

Mateo 1:24

Qaq so José co'ollaq mashi nlouec, nachi i'ot dam l'aqtac so lamaxashic ñi qadataxala' da ipaca'aguet aso María da lhua.

Mateo 2:13

Qaq co'ollaq mashi je'c soua ÿajnaxanaxaiqa, nachi so lamaxashic ñi qadataxala' nachaxana so José co'ollaq huaigui so l'ochaxa. Nachi 'enapega, 'eeta': –Qoñishiguem qome, nachi 'auacoosop yi nogotolec, qataq añi late'e, nachi 'ananeltaxangue da Egipto. Nachi qoueta'a qome yimayi, to' qom 'am shinapega. Cha'ayi ñi Herodes anac da nmitaique na nogotolec da ÿalauat.

Mateo 2:19

Qalaxayi co'ollaq mashi ileu so Herodes, nachi huaña yi Egipto da qaltaq nachaxana so José so lamaxashic ñi qadataxala', huaigui naq'en so l'ochaxa. Nachi 'enapega, 'eeta':

Mateo 28:2

Nachi nque'elaxatta da huo'o so lacholaxanaxa ana 'alhua, cha'ayi so lamaxashic piguem l'ec ñi qadataxala', somayi chigoqtot na piguem da naÿaña aso huachiqui. Nachi nqat so coma' lta'adaic mayi lapoxot asomayi, nachi nso'ootalec.

Lucas 2:9

Nachi nque'elaxatta da nachaxana so lamaxashic ñi qadataxala'. Nachi da lli'oxoyic ñimayi ÿataqta icoÿadelec somayipi, nachi ÿataqta lta'adaic da lcolanaxa.

Hechos 10:3

Qaq huo'o so na'a'q mashi dashichiguiñi aso nala', nachi somayi huo'o so lauanaqchic: ila'aguet so namaxashic piguem l'ec da taÿau'a ca hueta'a somayi, nachi 'enapego', 'eeta': ¡Cornelio!

Hechos 12:23

Lcopata, nachi anac so lamaxashic piguem l'ec ñi qadataxala', nachi dalola naq'en so Herodes, cha'ayi somayi sa ishit da ÿi'oxoden ñi Dios. Nachi anac na qochi'l, chic, chochi ivitta'a da ileu.