Hechos 5:17 - Nuevo Testamento Toba Sur

¹⁷ Nachi som lta'a na ntaxaÿaxanaxanecpi qataq na quetague' na saduceopi mayi hueta'aguet somayi ÿataqta nquiÿalo soua namaxa'shi.

Nuevo Testamento Toba Sombrero Negro

¹⁷ Ñe'me tamenaĝaiqui lo'olpi lejaliaĝanec nataq'aen jogaa'me uetedaue da'me 'loyaĝa'j joga'me saduceopi jo'ne ueteda'ajop joñe'me yataqachiñe najaqachiguilo da'me lep'aguenataĝanaĝa'j,

La'aqtaqa Ñim Lo'onatac 'Enauacna 2013

¹⁷ Nache som lta'a na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq so saduceopi maye nnaictague' somaye, ỹataqta nquiỹalo soua lamaxa'she So Jesús.

Hechos 5:17 Referans Kwoze

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

Hechos 17:5

Qalaxayi ñaqaiyita huo'o nam judiopi nam sa ishit da da'amqajnataxan. Nachi namayipi ÿataqta huo'o da ndaxaÿaxa, nachi laÿona't nam shiÿaxauapi qauemaicpi mayi qaica ca i'ot, quetapeeguelo naua nqa'aico, da qainogoqchit. Nachi somayipi chochi idaxangui nam netaña so la ciudad. Nachi qanqo'ona ca lma' so Jasón da qainoxottac, qanmittaique so Pablo qataq so Silas da qaÿauotaique da qaÿaconeu'alo, nachi qoÿaneu'alo na shiÿaxauapi.

Hechos 7:9

Qaq se'eso llalaqpi so Jacob mayi sachigoxosoxoiguipi, somayipi co'ollaxa nquiÿa so lqaÿa José. Nachi somayi qaimen, nachi qaido'ogue da Egipto. Qalaxayi ñi Dios hueta'aguet somayi,

1 Pedro 2:1

Qaq ÿoqo'oyi no'on qome da qai'axañiiuec 'enauac na ÿotta'a't sa ÿaÿamaxañisat. Sa ishito' da qauatenataxañiitac, qataq sa ishit da dos naua qoquiitagueto, qataq sa ishit da qaupa'aguiñiitac ca qadÿai, qataq sa ishit da qami' n'aqtaqa l'o'.

Juan 12:10

Nachi nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi detaxaÿapigui co'ollaxa nataq'en da qaÿauotaique da qaÿalauat so Lázaro,

Mateo 27:18

Cha'ayi somayi ÿaÿaten da chochi huo'o da nquiÿaxa so Jesús, ÿoqo'oyi qoÿaneuo.

Santiago 4:5

Ÿoqo'oyi saq vichiguiñi da 'enapec naua ñiyigui'shi l'aqtaqa ñi Dios, 'eeta': “So Espíritu mayi qomi' ÿanaiguilo naq'en ñi Dios, somayi qomi' ÿauoteque qataq 'ico' ica'altalguete.”

Gálatas 5:21

Namayipi ÿataqta quiÿaxanaqtaqaicpi, laataxanaxaicpi, nÿomaxaicpi, qataq qui'axaicpi, qataq huo'o na laÿipi i'ottacpi 'eeta'am de'eda. Qaq ÿataqta qami' secoyigueete', 'eeta'am da shiitec co'ollaq qami' sa'aqtaxaatema, da huo'otaq huo'o ca i'ottac ca 'eeta'am de'eda, nachi camayi sa ishit qome da inoxoneu'a ca l'onataxanaxac ñi Dios da ilo'ogue 'enauacna.

Hechos 15:5

Qalaxayi huo'oi soua ÿalectrauo na fariseopi mayi 'amqajnataxanaxaiqa soua nachajyiñi, nachi 'ena'po': –Nam 'amqajnataxanaxaicpi mayi sa ishit da judiopi, namayipi iuen da qaÿauo'o ca n'anaxashit na l'oc, qataq da qaÿamaxalec da i'ot na nqataxacpi mayi chigoqo'ot so Moisés.

Hechos 4:26

Na nta'alpi ana 'alhua qalaq nachajda't, qataq na lataxala'pi na shiÿaxauapi lapona't, da qanpa'aguena ñi qadataxala' Dios qataq som lamaxashic nta'a mayi qadca'alaxaqui.

Hechos 4:6

Nataq'en ÿalectauo so Anás som lta'a nam lataxala'pi na ntaxaÿaxanaxanecpi, qataq so Caifás, qataq so Juan, qataq so Alejandro, qataq 'enauac nam laÿipi lauo' l'ecpi som lataxala'pi na ntaxaÿaxanaxanecpi.

Juan 12:19

Nachi nam fariseopi maichi detaqtapega't, 'eeta': –Ña qauloÿa da qomi' mashi qaica ca ñishaqpeque. Cha'ayi 'enauac na shiÿaxauapi ca'attague' somayi.

Mateo 3:7

Qalaxayi so Juan co'ollaq ila'a da ÿataqta qalota na chigaqaigui na fariseopi qataq na chigaqaigui na saduceopi da anac da huotaique da qanachilaxan, nachi somayi 'enapega, 'eeta': –¡Qami' n'adaxanaq llalaqpi! ¿Négue't ca qami' icoyigue'n, da yaqto' qananeltaxañiiguet cam qaica ca 'en'am da lchiquiaxac nhuaxanaguecna mayi sa qaÿapeque?

Hechos 5:16

Nataq'en nam sa qaÿapeque pueblopiolec ÿataqta qalota na anac shiÿaxauapi da anaÿa yi Jerusalén da ndoi' nam dalolaxaicpi, qataq nam huo'o na l'ec leguemaxaic, nachi 'enauac namayipi qanataden.