Hechos 5:16 - Nuevo Testamento Toba Sur

¹⁶ Nataq'en nam sa qaÿapeque pueblopiolec ÿataqta qalota na anac shiÿaxauapi da anaÿa yi Jerusalén da ndoi' nam dalolaxaicpi, qataq nam huo'o na l'ec leguemaxaic, nachi 'enauac namayipi qanataden.

Nuevo Testamento Toba Sombrero Negro

¹⁶ Choqogaa'me noyaqolqa jo'ne ñeje'gue di'me Jerusalén qayoĝode' gaa'me jiyaĝa'u jo'ne yec'adeta yache'tape gaa'me leuaĝayaqa nataq'aen jiyaĝa'u jo'ne yeloiquiaĝa'tape ñe'me payac lepaqal jo'ne ja no'en; qama'le ena'uaque jogaa'me qoye'n yemedegue.

La'aqtaqa Ñim Lo'onatac 'Enauacna 2013

¹⁶ Nataqa'en nam saqaỹapeque nỹecpiolec ye nỹecpi ye Jerusalén irouec na dalolaxaicpi qataq na shiỹaxauapi maye huo'o na netaigui saqcha'a na'añaxac leguemaxaic, nache 'enauac da no'oita.

Hechos 5:16 Referans Kwoze

Santiago 5:16

Qaq ÿoqo'oyi ñi 'oonolec da qoñiita da'aqtaxanem ca lÿa ca lasouaxashit, qataq ñi 'oonolec nqouagaxaueelec ca lÿa, yaqto' qami' qanatade'n. Da nqouagaxaunaxac ca no'on shiÿaxaua ÿataqta huo'o naq 'enec.

Hechos 4:30

Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.

Juan 14:12

Qaq ÿataqta 'eesa de'eda qami' sa'axatema, da ca aÿim i'amaqten, nachi camayi ishit nataq'en da i'ot nam so'otpi, qataq ishit da ÿataqta ÿacteec da lta'adaic cam i'ot. Cha'ayi aÿim nagui saÿa yi netaña ñi ita'a.

Lucas 9:11

Qalaxayi so shiÿaxauapi co'ollaq l'axaÿaxac de'eda, nachi qaica'ateueegue somayi. Nachi so Jesús ÿaconguet 'enauac somayipi, nachi da'aqtaxaatapeguem da ñi Dios nachiñi ñi ilo'ogue 'enauacna, qataq nataden 'enauac na sa no'onpi.

Lucas 5:17

Qaq huo'o so na'a'q so Jesús dapaxaguenataxaatac, nachi huo'o na ÿalectauo, nso'ootañi, nam ÿalectaigui na fariseopi qataq nam dapaxaguenataxaatapeguec na nqataxacpi mayi anac, chigaqa'alo naua 'ale'u yim Galilea qataq yi Judea qataq Jerusalén. Nachi da l'añaxac ñi Dios yi'oq da hueta'aguet somayi co'ollaq natadeetac na sa no'onpi.

Mateo 8:16

Qaq co'ollaq mashi napaltapiguiñi, nachi qanauegueu'a so Jesús so qalota shiÿaxauapi mayi huo'o na l'ecpi leguemaxaicpi. Nachi somayi 'oonolec naq'en so l'aqtac da i'odauec se'eso n'ecpi, qataq nataden 'enauac som dalolaxaicpi.

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

1 Corintios 12:9

Huo'o na ÿanem da lta'adaic da lpi'iÿaxac, chigoqchigui naq'en so Espíritu, qataq huo'o na ÿanem da ishit da nataden na dalolaxaic.

Mateo 2:16

Qaq so Herodes co'ollaq ila'a da soua ÿajnaxanaxaiqa ÿatenachi't somayi, nachi ÿataqta dalemata. Nachi damaxasoxoolec da qaÿalauat so ñaqpiolec, ivida'a nam mashi ivi' naua dos vi'iyi qataq na ÿapacteec ñaq qapi'olecpi, ÿataqta nmatchiguiñi 'enauac som netaña yi Belén qataq naua loiguiyi, ipacchigui naq'en da l'aqtaxanaxa'c soua ÿajnaxanaxaiqa.

Hechos 5:15

Qaq ÿoqo'oyi ivida'a da qanqateec na dalolaxaicpi, qaÿachitalguete naua lmala'te qataq naua lacanqa, da qaidougalo na nqa'aico, yaqto' da huo'o ca nateuga so Pedro, nachi nai'ctaxa da huo'otaq chochi lpaqal ca tajlec ca 'oonolec namayipi.

Hechos 5:17

Nachi som lta'a na ntaxaÿaxanaxanecpi qataq na quetague' na saduceopi mayi hueta'aguet somayi ÿataqta nquiÿalo soua namaxa'shi.

Lucas 6:18

Nachi na shiÿaxauapi mayi huo'o na l'ec leguemaxaic nataq'en no'oita.