Hechos 4:36 - Nuevo Testamento Toba Sur

³⁶ Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic.

Nuevo Testamento Toba Sombrero Negro

³⁶ Nach'eda da'me eeta ca'li ñe'me lecochaĝaua' gaa'me tamenaĝaiqui lo'ol jo'ne lenaĝat José, mach'e yataqachiñe 'lachaqa' jaga'me nepe jo'ne Chipre, qama'le jogaa'me namaĝa's e'n lenaĝat laqaya Bernabé (jo'ne yelo'teguet: “C'oĝot da'me noyaĝanataĝanaĝac.”)

La'aqtaqa Ñim Lo'onatac 'Enauacna 2013

³⁶ Qaq huo'o so ỹalectauo le'enaxat José, somaye lañoqo' aca ỹaqa'ata 'alhuole le'enaxat da Chipre. Somaye chegaqaigui nam ltauapi na ntaxaỹaxanaxanecpi maye chegoxoguet so Leví. Qaq soua namaxa'she ỹauo'oi da dalaxaic le'enaxat Bernabé. Qaq de'era ne'enaxat naigui da 'añaqtaxanaxaic.

Hechos 4:36 Referans Kwoze

Gálatas 2:13

Huaña, nachi na laÿipi judiopi mayi 'amqajnataxanaxaicpi nachi qai'enaxat so Pedro dam lli'iÿaxa. Qaq ivida'a nataq'en so Bernabé ÿalectoigui somayi da lli'iÿaxa.

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

Gálatas 2:1

Qaq co'ollaq mashi inoxoodeec soua catorce vi'iyi, nachi qaltaq saigue da Jerusalén, ñinaictague' so Bernabé, qataq sauec so Tito.

Hechos 15:39

Nachi nqalligottrapigui somayi, chochi ivitta'a da nÿottecachi soomayi da lliquiaxa'c. Nachi so Bernabé ÿauec so Marcos, nachi huenoteuo da taigue da Chipre.

1 Corintios 9:6

Qaq qami' ¿qaupi'itaxañiÿa peta'a da aÿim qataq so Bernabé nachiqomaqta da sa ishit da saxanaxañi da yi'oqchigui qad'onataxanaxac souaxat da sa'axataqtac da n'aqtac?

Hechos 21:16

Nachi huo'oi soua qadÿata'pe nam 'amqajnataxanaxaicpi mayi lma' yi Cesarea, nataq'en nachi ÿalectaiguilo soomayi so chigaqa'ague da Chipre, somayi l'enaxat Mnasón. Qaq somayi mashi sa lcoshi'igue da 'amqajnataxanaxaic. Qaq nachiso so 'eetega da qadanataqa' ca lma' da sovidaq.

Hechos 15:37

Nachi so Bernabé ÿauotaique da nauectrague' so Juan Marcos.

Hechos 12:25

Qaq so Bernabé qataq so Saulo co'ollaq ima't da l'onataxanaxa'c, nachi ÿi'iguela'q, chigoqchiguiña yi Jerusalén. Qaq qannaictague' so Juan, da lÿa l'enaxat Marcos.

Hechos 11:30

Qaq 'eda da qoÿiitec. Nachi qaÿamaq aso nachitaqtaxanaqte da qaÿamaxa so nataxala'pi mayi netaña yi Judea, idoi' qanqoÿin so Bernabé qataq so Saulo.

Hechos 15:12

Huaña, nachi 'enauac somayipi ÿi'imaqtom. Nachi qan'axaÿaxana so Bernabé qataq so Pablo da i'axattrac na n'anecpi qataq nam sa qaÿauanapega da i'ot ñi Dios, ÿachigoxotchiguilo soomayi da huaigui naq'en nam sa ishit da judiopi.

Hechos 15:2

Nachi so Pablo qataq so Bernabé nqalligottapegueto soomayi, ÿataqta lta'adaic da nqalligotaxa'c. Huaña, nachi qaÿaconeu'alo so Pablo qataq so Bernabé, qataq qaÿauo'oi soua lÿa't. Nachi qaÿamaxadegue da Jerusalén da nqo'onalo qanqoÿin soua Jesús lamaxa'shi qataq soua lÿa't lataxala'te na 'amqajnataxanaxaicpi mayi netraña yi'iyi la ciudad, da yaqto' qaitaxaÿapigui ca llic de'eda.

Hechos 9:27

Qalaxayi so Bernabé ÿauec somayi, nachi ÿauegueu'alo soua Jesús lamaxa'shi. Nachi ÿataqta da'aqtaxaatema da 'eetec so Saulo co'ollaq nauane' so qadataxala' Jesús co'ollaq huangui so nqa'aic, qataq da 'eetec co'ollaq detaqtague' somayi, qataq da 'eetec da ÿataqta sa ishit da ñi'itapeguelec da i'axattac da l'enaxat so Jesús co'ollaq hueta'a yi Damasco.

Marcos 3:17

qataq so Santiago qataq so lqaÿa Juan, llalqa so Zebedeo, som ilonque so Jesús da Boanerges, da mayi naigui da 'añaxaiqa, 'eeta'ama na nalataxa;

Hechos 13:1

Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

Hechos 13:2

Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Hechos 13:4

Qaq co'ollaq ime de'eda, nachi so Espíritu Santo ÿama'q so Bernabé qataq so Saulo, nachi soomayi tadegue da Seleucia. Qaq huaña yimayi, nachi huenotreuo da nqo'ootra yi ÿaqa'ata 'alhuolec, l'enaxat Chipre.

Hechos 13:15

Qaq co'ollaq ime da qaitaxaÿaxaatac aso lede so Moisés mayi huetalec na nqataxacpi qataq asom lede som l'aqtaxanaxanecpi ñi Dios, nachi soua nataxala'te asom naponaxaqui, soomayi 'enapegalo soua Pablo, 'eeta': –Qami' qadqaÿa't, da huo'o ca qadqataxaqui, nachi no'on da qau'axachiim nagui na shiÿaxauapi.

Hechos 21:3

Qaq can soqolaqta, nachi chochi seloqtau'a yi 'alhuolec Chipre pa'aÿa'ague da qan'emaq, nachi chochi sovidaqta'a yi Siria. Qaq cha'ayi aso barco qanÿoxoñi na l'ec can huaña yi ñigaxasom Tiro, nachi saxau'a yimayi.

Hechos 27:4

Nachi qaltaq soqolqa'ai yi Sidón, ñilegaqtelec yi 'alhuolec Chipre, pa'aÿa'ague da qan'emaq, cha'ayi souaxat so l'at da sataqta'aguet.

1 Corintios 14:3

Qalaxayi ca i'axa't naua l'aqtaqa ñi Dios, camayi da'aqtaxanem ca lÿa da nañaxat naq'en, qataq da i'añaqchit, qataq da ÿanem da lamaiquiaxac.

Colosenses 4:10

Qaq ñim Aristarco mayi ñicoñitaxaua, ñimayi qami' ÿamaxalo da lquinaxanaxac, qataq ñi Marcos ñim l'ac lqaÿa ca Bernabé. Qaq qami' mashi sogote da qauaÿajñi da ÿaqataxac da saqattapeguelec ñimayi. Qaq ÿoqo'oyi da ivita da qami' namaqtegalo, qalaq ÿataqta qauloÿiguet.