Hechos 4:34 - Nuevo Testamento Toba Sur

³⁴ Huaña, nachi sa ishit da huo'o ca 'oonolec somayipi da deuenaxaatapigui'. Cha'ayi 'enauac nam huo'o na n'alhua qataq na lauo', qalaq imen, nachi ndouo ana lashiue,

Nuevo Testamento Toba Sombrero Negro

³⁴ Jogaa'me qaya'te gamachaqaega ta'le 'uo da'me louenaĝanaĝac, qa'a gaa'me jo'ne uo'oe gaa'me 'nale'u nataq'aen 'lachaqa'te, yeme'n jogaa'me, qama'le jaga'me laicaua

La'aqtaqa Ñim Lo'onatac 'Enauacna 2013

³⁴ Huaña, nache saishet da huo'o ca 'oonolec somayepi da deuenaxaatapigui'. Cha'aye 'enauac nam huo'o na na'alhua, qataq na lma' qalaq imen,

Hechos 4:34 Referans Kwoze

Hechos 2:45

huo'o na imen na lma', qataq 'enauac nam huo'o logoxoshitpi, nachi ana lashiue ÿanem ca lÿa, qalaxayi ÿataqta ca tachiguiña ca lhuenaxanaxa ñi 'oonolec.

Lucas 16:9

Qaq ÿoqo'oyi qami' saqatalo da qau'onataxañiÿa dam lsallaxa na shiÿaxauapi mayi i'otta'pe naua qauema, da yaqto' huo'o ca qanauochaxauai, yaqto' qom ivita da imeuo da nsallaxa, qa nachi ishit da huo'o ca qami' ÿacongueta cam nma' mayi chochaq tateec da piguem.

Lucas 12:33

Qaq qaumiñi qome na qami' hueto'oto. Ime, qaq qai'añiim nam deuenaxaatapigui'. Ime, qaq qau'ochi cam qadchoxonaxaquii mayi sa ishit da lto qataq ca nsallaxa hueta'ague da piguem mayi sa ishit da imeuo, qataq sa ishit da inoxoneu'a cam cachaxaic, qataq sa ishit da chic ca lalaxat.

Lucas 22:35

Nachi so Jesús denataxan, 'eeta': –Se'eso na'a'q can qami' sama'q da sa ishit da sauo'o ca qadachoxonaxaqui qataq aca laÿi' aca qodomi qataq caua qadapela'chilli', qaq ¿peta'a huo'o co'ollaxa ca qaviñiitac? Nachi soomayi 'ena'po': –'A'i, qaica ca seuenaqtac.

Marcos 10:21

Nachi so Jesús ÿataqta huo'o da lauochi co'ollaq ÿamato'ot somayi. Nachi 'enapego', 'eeta': –Ñaq 'oonolec da saxanaxa da 'au'ot, 'eeta': 'auesoma, 'aumen qome 'enauac na 'am hueto'ot qataq 'ai'anoigui na choxodaqpi, yaqto' huo'o qome ca 'adsallaxa da piguem. Qaq qom 'adme, nachi aÿim qoquegue, nai'ctaxa da aÿim 'auleetalec.

Mateo 19:21

Nachi so Jesús 'enapeco': –Da 'anshitaique da ÿataqta nalochiguiñi da 'adataxac, qaq no'on da qojec, nachi 'aumen 'enauac na 'am hueto'ot, qataq 'ai'anoigui na choxodaqpi, qaq yaqto' huo'o ca 'adsallaxa hueta'ague da piguem. Qaq da ime, nachi 'auanac, aÿim 'auca'ategue.

1 Timoteo 6:19

Yaqto' de'eda sa yi'oq lsallaxa ishit da huo'o da naquitaxac naq'en cam ñaq natauo, qataq ishit da nauec ca achaalataxac chochi tateec.

Hechos 4:37

Qaq somayi nachi imen so n'alhua, nachi ndouo aso lashiue da ÿanema soua Jesús lamaxa'shi.

Santiago 1:27

Da n'amqajnataxanaxac mayi ÿataqta imeteeta ñi qadta'a Dios da ÿataqta qui'itta qataq saqca ca huetapoigui nasouaxashit, damayi 'eeta': ca shiÿaxaua itauan ca saqcaua caua lta'al qataq aca pa'ai mayi huetaigui da nque'ejnaxac, qataq ÿataqta ndenguet 'enauac na sa ÿaÿamaxañisat mayi huetalec ana 'alhua.

1 Ts 4:12

da yaqto' na saxanaxa da da'amqajnataxan 'onaxaic naq'en da qan'aqtaguiiqui, qataq yaqto' sa ishit da saqca ca lhuenec ñi 'oonolec da qoñiita.

2 Corintios 8:14

Cha'ayi damayi naigui da yaqto' 'eeta'a't na shiÿaxauapi. Cha'ayi nagui qami' qautauañiic cam iueetaique yimayipi. Qaq qom huo'o ca na'a'q, qaq yimayipi ishit da qami' itauaneque cam qaviñiitaique. Qaq da qoñiitec de'eda, nachi ishit da 'eeta'a't na shiÿaxauapi.