Hechos 4:32 - Nuevo Testamento Toba Sur

³² Qaq som qalota shiÿaxauapi mayi da'amqajnataxan, somayipi ÿataqta 'enauac da 'oonolec da nhuennataxa. Qaica da huo'otaq huo'o ca 'eetega da maichi lalamaxat cam hueto'ot, chaqdata da 'enauac qanhuaachigui.

Nuevo Testamento Toba Sombrero Negro

³² Ena'uaque joga'me p'etaqadaiquipi jo'ne jalcote nach'ega nale ga'me nometeguet nataq'aen lelnataĝa'j. Qaya'te gamachaqaega eetapega mach'e loĝot ga'me jo'ne te'me yauana, dite da'me nach'e ena'am loĝo't gaa'me jiyaĝa'u laqaya'.

La'aqtaqa Ñim Lo'onatac 'Enauacna 2013

³² 'Enauac so shiỹaxauapi maye ỹa'amaqten So Jesús, somayepi ỹataqta 'enauac da 'oonolec da qananomteguet nhuennataxac. Qaica da huo'otaq huo'o ca 'eetega da maiche lalamaxat cam hueto'ot.

Hechos 4:32 Referans Kwoze

1 Corintios 1:10

Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

1 Pedro 3:8

Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

Hechos 2:1

Qaq co'ollaq ivita so na'a'q, l'enaxat Pentecostés, nachi 'enauac so 'amqajnataxanaxaicpi lapoota'a't yauac ca qanayiuta'a.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

Hechos 1:14

Qaq 'enauaque soomayi nachi 'eetai' da lapoota'a't da nqouagaxaueeta'pe, ÿalectra'agueta soua Jesús lqaÿa't, qataq aso late'e María, qataq so laÿipi 'alpi.

Juan 17:11

Qaq aÿim mashi sa ishit da soota'a ana 'alhua. Qalaxayi namayipi ñaq huetalec ana 'alhua, qaq aÿim nagui ashic da 'am ñoqo'ona. 'Am ita'a mayi 'am qui'itta, 'au'ogoxona qome da 'ad'añaxac da 'antela'a nam aÿim 'ai'anempi, yaqto' namayipi ÿataqta n'atta't, 'eeta'am da 'eetec 'am qataq aÿim.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

Romanos 12:5

Qaq nachi 'eetec nataq'en qomi', nai'ctaxa da ÿataqta qomi' qalota, qalaxayi 'oonolec da qad'oquiaxac da ñi'adaqtau'a so Cristo. Qataq ñi 'oonolec da shinaqta ÿataqta n'atte' ca lÿa, nachi 'eeta'am da 'oonolec da n'oquiaxac.

Hechos 5:12

Qaq ÿataqta qalota na n'anecpi qataq na sa qaÿauanapigui da i'o't soua namaxa'shi da huaigui naq'en na shiÿaxauapi. Qaq 'enauac namayipi lapootega't, hueta'a cam qaÿamata'ac nqasoxoc so Salomón.