Hechos 4:27 - Nuevo Testamento Toba Sur

²⁷ Cha'ayi ÿataqta 'eesa da ñi nta'a Herodes qataq ñi Poncio Pilato, naamayi co'ollaxa lapona't, huetra'a ne'ena la ciudad, qaÿauaxaiguet nam chigaqhuec qataq nam maichi llalaqpi so Israel, da 'enauac qanpa'aguena som qui'itta 'ai'alec Jesús mayi 'ai'anagui da nta'a mayi qadca'alaxaqui.

Nuevo Testamento Toba Sombrero Negro

²⁷ “Qa'a yataqata eja ñe'me Herodes choqoñe'me Poncio Pilato nataq'aen ga'me israelpi nataq'aen ga'me jiyaĝadipi jo'ne ja 'lachaqa'tena da'me yema nauteta ñe'me ja 'nalegue adalemaĝajet mach'e Jesús, nach'eñe jo'ne a'uatetelegue da'me auen Adiquiyac.

La'aqtaqa Ñim Lo'onatac 'Enauacna 2013

²⁷ Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.

Hechos 4:27 Referans Kwoze

Mateo 27:2

Nachi qaÿauec somayi, qoÿaxatta'a't naua lhua'q, da qoÿaneu'a so nta'a Poncio Pilato.

Hechos 4:30

Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.

Lucas 9:22

Nachi 'enapeco': –Ne'ena shiÿaxaua llalec ÿataqta qalota qome da nque'ejnaxac, qataq qaimaqauec, imaqauec na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq qaÿalauat qome. Qalaxayi da mashi ivi' caua tres na'axa'te, nachi qaltaq nca'aleec.

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Hechos 2:27

Cha'ayi 'am sa ishit da 'aualataña so iqui'i cam laponqa' na leuaxaicpi, qataq sa ishit da 'auashiitem da nlaguiñi da l'oquiaxac nam 'adamaxashic mayi 'adauotaxat.

Juan 19:34

Qalaxayi so 'oonolec soua ale't, somayi i'adeu'a na laÿi somayi aso lataquiaxai, nachi anac so ltago'q qataq so 'etaxat.

Juan 18:28

Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto.

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

Juan 1:11

Qaq somayi anaÿa na maichi lalamaxat lma', qalaxayi na maichi lalamaxat lauo' l'ecpi sa ishit da ÿaconguet.

Lucas 22:63

Nachi so shiÿaxauapi mayi iuattague' so Jesús ÿataqta ÿi'inai' somayi qataq iuaxaatac.

Lucas 4:18

So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,

Lucas 1:35

Nachi so namaxashic 'enapeco': –Qomyi ca Espíritu Santo qome 'am tanguit, nachi da l'añaxac ñi Dios mayi 'amaqtaqaic 'am ipelteelec, 'eeta'am ca l'oc. Qaq ÿoqo'oyi que'eca nogotolec mayi ñiguiñi, camayi ÿataqta qoÿanot da hueto'ot ñi Dios, nachi qaÿamata'ac da llalec ñimayi.

Marcos 15:31

Qaq nataq'en na lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi ÿi'eetac somayi, qataq maichi detaqtega't, 'eeta': –Ñimayi ishit da nca'alaxateec ca lÿa, qalaxayi sa ishit da ÿañoxot da maichi nca'alaxajla't.

Marcos 10:33

'Eeta': –Qami' qauaÿajñiita da nagui qomi' saxague da Jerusalén. Qaq huaña qome yimayi, nachi na shiÿaxaua llalec qoÿaneu'a na lataxala'pi na ntaxaÿaxanaxanecpi da qaitaxaÿapegue' ñi Dios qataq na dapaxaguenataxaatapeguec na nqataxacpi. Qaq namayipi qome nachi ÿauo'o ca ñalaataguec, qataq aÿim ÿaneu'a na chigoxouecpi.

Mateo 23:37

¡'Am Jerusalén, 'am Jerusalén mayi 'aualauat co'ollaxa so n'aqtaxanaxanecpi qataq 'auasaq na coma' so 'am namaxapi co'ollaxa ñi Dios! ¡Aÿim ÿataqta qalota co'ollaxa da sauotaique da saqapaloigui na 'ai'alaqpi da shiita'am aca 'olgaxa da nqapal catai' llalaqpiolec, qalaxayi sa ishit da 'auashin!

Mateo 21:28

Nachi so Jesús 'enapeco': –¿Chaq 'eetec ca qadhuennataxaqui de'eda sa'axat? 'Eeta': Huo'o so shiÿaxaua dos soua llalqa. Nachi 'enapega so 'oonolec soomayi, 'eeta': “'Am ÿalec, qojec qome, 'au'onataxan, 'anqat ana ala ayi ÿanguishi uvas.”

Mateo 14:1

Nachi se'esoua na'axa'te som Herodes mayi ilotague' yi Galilea, somayi ÿaÿaten da n'aqtaguec so Jesús.

Mateo 14:3

Cha'ayi som Herodes damaxasoxoolec co'ollaxa da qaÿaconeu'a so Juan, nachi qaicoñida't naq'en naua lhua'q, nachi qaÿauegueu'a aso ncoñitaxanaxaqui. Qaq damaxasoxoolec, cha'ayi souaxat aso lhua Herodías mayi lhua co'ollaxa so lqaÿa l'enaxat Felipe.

Mateo 14:6

Qalaxayi co'ollaq ivita so laloqo' da deque'elec so lañoxoqui so Herodes, nachi aso llale aso Herodías dasottac, qaq 'enauac som lqui'axauapi imeteetac. Nachi so Herodes ÿataqta nqopita da lasotaxac asomayi.

Lucas 23:1

Nachi 'enauac ñishiguem somayipi, nachi qaÿauegueu'a so Jesús so nta'a Pilato.

Juan 18:29

Qaq ÿoqo'oyi so nta'a Pilato npa'auec co'ollaxa, nachi inattac somayipi, 'eeta': –¿Négue't cam qauasaqaitapeguelec da lasouaxashit qanqashiñi de'eda shiÿaxaua?