Hechos 4:26 - Nuevo Testamento Toba Sur

²⁶ Na nta'alpi ana 'alhua qalaq nachajda't, qataq na lataxala'pi na shiÿaxauapi lapona't, da qanpa'aguena ñi qadataxala' Dios qataq som lamaxashic nta'a mayi qadca'alaxaqui.

Nuevo Testamento Toba Sombrero Negro

²⁶ Jogaa'me yodapecache 'me nejaliaĝatelo'te naa'me ale'u nejoĝona't Qaedi deloiquitedapegue' ñe'me Dios Nataq'aen ñe'me c'oĝot jo'ne Liquiyac.»

La'aqtaqa Ñim Lo'onatac 'Enauacna 2013

²⁶ Na nta'alpi ana 'alhua qalaq dataỹa't, qataq na lataxala'pi na shiỹaxauapi qalaq naỹaana't, da dataỹa'aguet Ñim Lo'onatac 'Enauacna qataq qaỹo'otan Som Lca'aguishec da yaqto' Nta'a.»

Hechos 4:26 Referans Kwoze

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Hebreos 1:9

'Am ÿataqta 'anqopita da 'au'ot ca ÿaÿamaqchiguiñi, qataq ÿataqta sa 'anqopita ca sa ÿaÿamaxañi. Qaq ÿoqo'oyi ñi 'adta'a Dios, ñimayi icodelec 'am da lta'adaic 'adamaiquiaxac, qaq saq 'en'am naq'en na 'adaÿipi.

Lucas 4:18

So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,

Apocalipsis 17:17

Qaq nachiñi ñi Dios ñi ÿachanguita naua lquiyaqte namayipi da i'ot cam 'eetapeguec ñimayi, da namayipi 'oonolec naq'en lhuennataxac, da yaqto' ÿanagui da lamaxasoxonaxac da nta'a som shiguiÿac, chochi ivitta'a da ipacchigui 'enauac nam detaxaÿa ñi Dios.

Apocalipsis 12:10

Nachi sa'axaÿa so n'aqtac ÿataqta alam, chimqot na piguem, 'eeta': –Mashi nvi' da nca'alaxa, qataq da n'añaxac, qataq da l'onataxanaxac da ilo'ogue 'enauacna ñi qadta'a Dios, qataq da lamaxasoxonaxac som namaq nta'a nca'alaxaqui. Cha'ayi mashi qaÿamaqhuec som ÿasaqtapeguelec na lasouaxashit na qadqaÿañicpi som na'axa'tesa'chi qataq pesa'chi da ÿi'iguelaqtau'a ca netaña ñi qadta'a Dios.

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.