Hechos 4:13 - Nuevo Testamento Toba Sur

¹³ Nachi so nta'alpi co'ollaq ila'a da so Pedro qataq so Juan ÿataqta sa ñi'idelec da ltaxaÿaxa'c, qataq qaila'a da soomayi sa ishit da paxaguenaxaiqa, qataq nachina nam shiÿaxauapi mayi chochi huosoxoic, nachi huo'o da n'aalaxa. Qataq qaÿauatto'n da nachisoua soua nnaigaxa'u co'ollaxa so Jesús.

Nuevo Testamento Toba Sombrero Negro

¹³ Ca'li gaa'me jaliaĝanaqa yauata da'me 'lañaĝa'j ñe'me Pedro nataq'aen Juan da'me doje'y qama'le yetade'n queda'me ja ch'e yatenaĝanaĝayaqa jogaa'me, qama'le qoyoqoche'ema nataq'aen male qoyateto'n da'me nach'egaua lapaĝaguenataqa ñe'me Jesús.

La'aqtaqa Ñim Lo'onatac 'Enauacna 2013

¹³ Nache so nta'alpi co'ollaq ila'a da so Pedro qataq so Juan ỹataqta sa ñe'erelec da ltaxaỹaxa'c, qataq ila'a da soomaye saishet da paxaguenaxaiqa, qataq nachena nam shiỹaxauapi maye choche huesoxoic, nache huo'o da la'aalaxa. Qataq qananomalo da soomaye ca'attrague' co'ollaxa So Jesús.

Hechos 4:13 Referans Kwoze

1 Corintios 1:27

Chaqdata da ñi Dios lca'aguishic nam qaÿamata'ac da qaica ca ÿaÿajnapec, cha'ayi nshitaique da i'aloqchit na ÿajnaxanaxaicpi. Qataq lca'aguishic na qaÿamata'ac da saqca ca l'añaxac, cha'ayi nshitaique da 'aloxogui lauel naq'en na 'añaxaicpi.

Juan 7:15

Nachi na judiopi ÿataqta huo'o da l'aalaxa somayi, nachi 'eeta': –¿Chaq huá'ago' ca 'eetec damayi, yi ÿataqta qalota na ÿaÿaten, qamaq sa ishit co'ollaxa da napaxaguen?

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Mateo 26:73

Qaq co'ollaq qaÿata'ague de'eda, nachi nam hueta'a se'eso qasoxoc, namayipi nqochineu'a so Pedro, nachi qoÿiitega, qoÿiita': –Ÿoqta 'eesa peta'a da 'am nataq'en 'adaÿipi namayipi, cha'ayi 'am ivida'alo naua 'ad'aqtaqa 'eeta'ama namayipi.

Juan 7:49

Qalaxayi ne'ena shiÿaxauapi mayi sa ÿaÿaten na nqataxacpi, namayipi qome taÿa'a ca nhuaxanaguec naq'en ñi Dios.

Lucas 22:8

Nachi so Jesús ÿamaq so Pedro qataq so Juan, nachi 'enapegalo', 'eeta': –Qoquii qome, qauqataxañiÿai' cam qonoq qom qaiuennate so na'a'q mayi qanayica'ai yi Egipto.

Mateo 26:71

Qaq so Pedro mashi taÿa'a so lasom co'ollaq anac aso lÿa namaxashi. Nachi co'ollaq ila'a somayi, nachi asomayi 'enapego' som hueta'a so qasoxoc, 'eeta': –De'eda shiÿaxaua, damayi nataq'en nnaictague' da Jesús mayi Nazaret l'ec.

Juan 19:26

Nachi so Jesús co'ollaq ila'a aso late'e da nachattañi, nachi huaqta'ai' som lapaxaguenatac mayi ÿataqta lauotaxat, nachi 'enapego' aso late'e, 'eeta': –'Am 'alo, 'eda qome da 'ai'alec.

Hechos 4:14

Qataq nataq'en souaxat da qailota'a som shiÿaxaua mayi no'oita qanqoÿin da nachattauo, nachi sa ishit da huo'o ca n'aqtac da qoÿinapegalo soomayi.

Hechos 4:19

Nachi so Pedro qataq so Juan 'ena'po': –Maichiyi qami' qauennataxañi da huo'otaq ñi Dios ishit da ÿaÿamaxadeeta da qami' salaxasoxolguete, qalqo' salaxasoxoguet ñimayi.

Hechos 4:29

Qaq nagui, 'am qadataxala', ña 'ameten da qanadenaguec. Qaq no'on da qomi' 'ai'anema ca qad'añaxac, qomi' mayi qomi' 'adamaxa'shi, yaqto' sa ishit da shi'oqtac da sa'axataq da 'ad'aqtac.

Hechos 4:31

Nachi co'ollaq ime da nqouagaxaunaxac somayipi, nachi que'eca qanayiuta'a ÿataqta cholaxan. Nachi 'enauac somayipi ÿataqta nlaqchigui so Espíritu Santo. Huaña, nachi sa ishit da qañi'ilec da qai'axat da l'aqtac ñi Dios.

Hechos 9:27

Qalaxayi so Bernabé ÿauec somayi, nachi ÿauegueu'alo soua Jesús lamaxa'shi. Nachi ÿataqta da'aqtaxaatema da 'eetec so Saulo co'ollaq nauane' so qadataxala' Jesús co'ollaq huangui so nqa'aic, qataq da 'eetec co'ollaq detaqtague' somayi, qataq da 'eetec da ÿataqta sa ishit da ñi'itapeguelec da i'axattac da l'enaxat so Jesús co'ollaq hueta'a yi Damasco.

Hechos 9:28

Nachi so Saulo hua'a yi Jerusalén, nachi ÿalectaiguilo soua Jesús lamaxa'shi.

1 Corintios 14:25

Qaq 'enauac na saq cha'a lhuennataxacpi mayi huetaigui añi lquiyaqte ishit da yi'aqlec. Ime, qaq ishit da i'adoto naua l-llicte ñi Dios da ÿi'oxoden, qataq i'axattac da 'eesa da ñi Dios ÿataqta qami' hueta'agueta.

2 Corintios 3:12

Qaq ÿoqo'oyi ÿataqta huo'o da qanaquitaxac, ÿoqo'oyi sa ishit da huo'o ca qomi' nqanaxa't da sa'aqtaxanaq.