Hechos 4:1 - Nuevo Testamento Toba Sur

¹ Qaq so Pedro qataq so Juan ña da'aqtaxaatrapeguem so shiÿaxauapi co'ollaq nviyi' som ltaxaÿaxanaxanecpi na shiÿaxauapi da qaitaxaÿapegue' ñi Dios, qannaictague' som lta'a nam ilotague'pi aso n'onaxanaxaqui qataq nam saduceopi.

Nuevo Testamento Toba Sombrero Negro

¹ Ca'li Pedro nataq'aen Juan maliaĝa t'aqataĝatapema ga'me jiyaĝadipi, novi't ga'me tamenaĝaiqui lo'olpi nataq'aen ga'me lejaliaĝanec ga'me tamenaĝaiqui lo'olpi choqogaa'me saduceopi.

La'aqtaqa Ñim Lo'onatac 'Enauacna 2013

¹ Qaq so Pedro qataq so Juan co'ollaq ña da'aqtaxaatrapeguem so shiỹaxauapi, nache huo'oi soua nvildeuo nam ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, nnaictague' som lta'a nam ilotague'pi aso no'onaxanaxaqui late'erai qataq nam saduceopi.

Hechos 4:1 Referans Kwoze

Lucas 22:4

Nachi somayi nqo'oneu'a da detaxaÿapegue' so lataxala'pi na ntaxaÿaxanaxanecpi, nachi da'aqtaxanem somayipi da 'eetec naq'en da lataxac da ÿaneu'a somayipi so Jesús.

Hechos 6:12

Qaq 'eda da qoÿiitec da qainogoqchit na shiÿaxauapi, qataq na nquedoxonecpi, qataq nam dapaxaguenataxaatapeguec na nqataxacpi. Nachi ÿataqta sa qaÿauo'o ca ldaqa' so Esteban da qaÿaconeu'a, nachi qaÿauegueu'a so nta'alpi mayi loicnatac na lataxaguesat.

Hechos 5:26

Nachi som lta'a na huataxanaqpi jec, lÿa som nallippi da naueguedeuo soomayi. Qalaxayi sa ishit da sa iyina'pe soomayi, cha'ayi ñi'itega na shiÿaxauapi da huo'otaq ÿasaq somayi na coma'.

Hechos 5:24

Nachi co'ollaq hua'axaÿa de'eda som lta'a na ntaxaÿaxanaxanecpi qataq som lta'a nam ilotague' aso n'onaxanaxaqui, qataq som lataxala'pi na ntaxaÿaxanaxanecpi, nachi somayipi nnattega't da chaq 'eetec qome ca taÿa'a 'enauac de'eda.

Mateo 3:7

Qalaxayi so Juan co'ollaq ila'a da ÿataqta qalota na chigaqaigui na fariseopi qataq na chigaqaigui na saduceopi da anac da huotaique da qanachilaxan, nachi somayi 'enapega, 'eeta': –¡Qami' n'adaxanaq llalaqpi! ¿Négue't ca qami' icoyigue'n, da yaqto' qananeltaxañiiguet cam qaica ca 'en'am da lchiquiaxac nhuaxanaguecna mayi sa qaÿapeque?

Hechos 4:6

Nataq'en ÿalectauo so Anás som lta'a nam lataxala'pi na ntaxaÿaxanaxanecpi, qataq so Caifás, qataq so Juan, qataq so Alejandro, qataq 'enauac nam laÿipi lauo' l'ecpi som lataxala'pi na ntaxaÿaxanaxanecpi.

Juan 18:3

Qaq so Judas nachi nateu'a somayi, nnaictague' so allippi qataq som huataxanaq mayi ilotague' aso n'onaxanaxaqui mayi lamaxashicpi na lataxala'pi na ntaxaÿaxanaxanecpi qataq na fariseopi. Qaq somayipi ÿataqta n'atchiguiñi na l'ogoxonaxatpi, qataq ÿachitac na lcoÿadaxanaxatpi.

Juan 15:20

Qaq qauennachiÿa'a qome da i'aqtac mayi qami' sanema co'ollaq shiita': “Qaica ca nlatac da huo'otaq ishit da napacalec ca n'aco'.” Qaq da huo'otaq aÿim qaicaatac co'ollaxa, qaq nataq'en da qoñiita huo'o da qancanaguiiqui. Qaq da ÿataqta qaÿalaxalec da ÿapaxaguenataxanaxac, qaq nataq'en qome ÿataqta qaÿalaxaguet da qadapaxaguenataxanaxaqui.

Mateo 27:41

Qaq nachi 'eetec nataq'en nam lataxala'pi na ntaxaÿaxanaxanecpi qataq na dapaxaguenataxaatacpi qataq na fariseopi qataq na nquedoxonecpi da ÿi'iitac somayi. Nachi 'enapeco' namayipi:

Mateo 27:20

Qalaxayi nam lataxala'pi nam ntaxaÿaxanaxanecpi qataq nam nquedoxonecpi, namayipi ÿayina'a na shiÿaxauapi, da yaqto' iÿaxanau'a da qaisouec so Barrabás, qataq da yaqto' qaÿalauat so Jesús.

Mateo 22:16

Huaña, nachi huo'o na qanamaq nam lapaxaguenatacpi namayipi qataq nam ÿalectaigui na quetague' so nta'a Herodes, da yaqto' 'enapega so Jesús, 'eeta': –'Am mayi 'auapaxaguenataxaatac, qomi' saÿajnaq da 'am ÿataqta 'eesoda naua 'ad'aqtaqa, qataq 'auapaxaguenataxaatapeguec da llic da no'on nataxac mayi ÿaÿamaxadeeta ñi Dios, qataq sa ishit da 'auqochitega cam 'enapec na shiÿaxauapi, cha'ayi 'am sa ishit da 'aulotapigui da yi'oqchigui lataxac na shiÿaxauapi.

Mateo 16:12

Huaña, nachi soomayi ÿaÿate'n da so Jesús sa ishit da 'eetega da qaivita'a ana yi'oqchigui ÿashiidaxachigui ana pan, chaqdata da qaivita'alo naua lapaxaguenataxanaxaco nam fariseopi qataq nam saduceopi.

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Lucas 20:1

Qaq huo'o so na'a'q co'ollaq so Jesús huetaigui aso n'onaxanaxaqui late'edai da ÿapaxagueetac so shiÿaxauapi, qataq i'axattac da nca'alaxa. Nachi nvideuo som lataxala'pi nam ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi qataq so nquedoxonecpi.

Hechos 5:17

Nachi som lta'a na ntaxaÿaxanaxanecpi qataq na quetague' na saduceopi mayi hueta'aguet somayi ÿataqta nquiÿalo soua namaxa'shi.