Hechos 3:6 - Nuevo Testamento Toba Sur

⁶ Qalaxayi so Pedro 'enapego' somayi, 'eeta': –Aÿim qaca aca aÿom plata, huo'otaq oro. Qalaxayi da aÿim hueto'ot 'am sanem, 'eeta': 'Am sedolec da l'enaxat so Jesucristo mayi Nazaret l'ec da 'am shinapega da qoñishiguem, nachi 'auqueuoÿapigui'.

Nuevo Testamento Toba Sombrero Negro

⁶ Qalaĝaja Pedro enaac: —Qaga'te ñaicaua, qalaĝaja ga'me jo'ne jayem ue'tajop am janem. Ñe'me Jesucristo 'me Nazaret le'ec joote jayem yanem da'me lañoqotaĝanaĝac qaedi am jenapega nayi: ¡oñijeguem nataq'aen auapiyeñi!

La'aqtaqa Ñim Lo'onatac 'Enauacna 2013

⁶ Qalaxaye so Pedro 'enapego' somaye, 'eeta': –Aỹem qaca aca aỹom plata, huo'otaq aca oro. Qalaxaye 'am sanem da aỹem hueto'ot: 'am serolec da le'enaxat So Jesucristo maye Nazaret le'ec qataq 'am shenapega: «qoñisheguem, 'auqueuoỹapigui'.»

Hechos 3:6 Referans Kwoze

Hechos 3:16

Qaq nachida dam l'enaxat se'eso Jesús, huo'otaq da qaipi'iÿa'a da l'enaxat somayi, dam chigoqchigui da l'añaxac de'eda shiÿaxaua mayi qauauañiichigui qataq qadauattonataqui. Qaq de'eda 'eetec da qaipi'iÿa'a so Jesús, nachida dam ÿataqta imauec da no'oita naq'en de'eda shiÿaxaua mayi 'enauac da qoñiita qauloito'ot.

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

Hechos 9:34

Nachi so Pedro 'enapego' somayi, 'eeta': –Eneas, 'am nataden so Jesucristo, qoñishiguem qome, nachi 'aunana't na 'adacanec. Nachi so Eneas ñishiguem.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

Hechos 16:18

Qaq ÿataqta huo'oi soua na'axa'te da nachi 'eeta'ac de'eda. Qaq chochi ivitta'a da ÿataqta sa ÿaÿamaxaden so Pablo. Nachi somayi ÿi'iguelaxaguet asomayi, nachi 'enapego' som n'ec mayi netaigui asomayi, 'eeta': –'Am sedolec da l'enaxat so Jesucristo da qoca'ai ana'ana qa'añole. Nachi som n'ec ca'ai asomayi.

Marcos 16:17

Qaq cam hueta'ague ca da'amqajnataxan, camayi i'ot qome na n'anecpi mayi 'eeta': qai'onataxana da i'enaxat da qai'odauec na n'ecpi leguemaxaic, qataq da qai'aqtaxanguilo naua ÿaqa'alo n'aqtaqa,

Santiago 2:5

Qami' ÿaqaÿa't, qami' ñauochaxa'u, qan'axaÿaxañiÿa da i'aqtac: Ñi Dios lca'aguishic na shiÿaxauapi mayi choxodaq nam huetalec ana 'alhua, ÿauotaique da chochaq huañi naq'en da lpi'iÿaxac 'ico' lsallaxa, qataq nshitaique da talec da lalamaxat naq'en cam ñaq natauo l'onataxanaxac mayi ÿachaxanapeguem cam ÿataqta ÿauotec ñimayi.

1 Pedro 4:10

Qataq ñi 'oonolec ÿataqta iloteguet ca nshitaxat mayi ÿanem ñi Dios da do'onataxaalec na laÿipi, qoñiita'am ca ÿataqta ÿaÿaten da ilo'ogue na ÿotta'a't lachitaqtaxanaxatpi ñi Dios.

Hechos 4:7

Nachi qaÿamaxasoxonalo da qanaviguiyi' so Pedro qataq so Juan. Nachi qanachaalataxanguilo na laiñi, nachi qainatta'pe, qoÿiita': –¿Négue't cam l'añaxac, huo'otaq cam l'enaxat de'eda qau'onataxañiitega da qau'ochi de'eda?

Hechos 2:22

Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

Mateo 10:9

Qataq sa ishit qome da qauachii aca qodomi mayi chigaqaigui na oro, huo'otaq plata, huo'otaq na cobre,

Mateo 7:22

Qaq qom ivita que'eca na'a'q, qaq qalota qome na aÿim 'enapega, 'eeta': “'Am qadataxala', qomi' so'onataxanaqtega naxa da 'ad'enaxat da sa'aqtaxanaqtac, qataq da so'odaqhuec na n'ecpi leguemaxaicpi, qataq da so'otaq na n'anecpi mayi i'ot da n'aalaxa.”

2 Corintios 6:10

Qaq nai'ctaxa da saquicoqta, qalaxayi nachi 'eetai' da samaqchiguiñi. Qataq qomi' choxoda'q, qalaxayi qalota na sesallaqchitaq. Nai'ctaxa da qaica ca yi da shinaqta, qalaxayi qaica 'enauac ca seuenaqtac.

Juan 19:19

Nachi so Pilato damaxasoxoolec da qoÿanagui na pa'ashiguem so qo'ipaq so nedec mayi 'eeta': “Jesús Nazaret l'ec, mayi lta'a na judiopi.”

2 Corintios 8:12

Cha'ayi ca shiÿaxaua da ÿoqta 'eesa da lhuennataxa da huo'o aca ÿan, qalaq ñi Dios ÿataqta ÿaÿamaxadeeta acam nalotau'a da ÿan camayi. Cha'ayi ñimayi sa ishit da iÿaxanaique acam sa ishit da qanalou'a.

Marcos 14:8

Ada'ada 'alo, adamayi i'ot dam nalotau'a. Adamayi icodelec da i'oquiaxac so codaxat, llaxatemallaxa da saxanaxa da aÿim qailayiñi.

1 Corintios 4:11

Nagui ñaq 'eetalec da huo'o ca qanque'etaxanaxac na qadqouaxa, qataq na qadaquip, qataq qaica ca ñapoxoña. Na shiÿaxauapi qomi' iuaxaatalguete, qataq qaica ca ÿoqta qadma'.

Hechos 3:5

Nachi se'eso shiÿaxaua huo'o da lqochoxo da ÿamataiguilo soomayi, cha'ayi ipi'itaxaatega da huo'o aca qoÿanem.

Hechos 3:7

Nachi so Pedro ÿacona na lhuaq aloic somayi, nachi nachaalataxaañi. Huaña, nachi da'añiiguelo naua lchil qataq naua nqonacamo somayi.