Hechos 3:22 - Nuevo Testamento Toba Sur

²² Cha'ayi nachida dam 'enapec so Moisés co'ollaq 'eetega som hua'au qadta'alpi, 'eeta': “Ñi Dios mayi qadataxala', ñimayi qami' namaxalo qome ca l'aqtaxanaxanec. Camayi maichi qadalamaxachi qadqaÿai. Camayi 'eeta'am qome aÿim da qami' qanamaxalo. Qaq ÿoqo'oyi camayi ÿataqta qaualaqailec qome cam 'enapec.

Nuevo Testamento Toba Sombrero Negro

²² “Moisés t'aqataĝatapema dia'me jachiyojoĝogueta: «Joñe'me Qadejaliaĝanec Dios ya'uo qomle ga'me ami chiyaqauelo 'laqataĝanaĝanec ena'am da'me jayem. Auoqochiiya ena'uac ga'me jo'ne ami 'yaĝatema,

La'aqtaqa Ñim Lo'onatac 'Enauacna 2013

²² Huo'o som 'oonolec so na'aqtaxanaxanecpi, qaq somaye nacheso so Moisés, som 'enapec co'ollaxa, 'eeta': «Ñim Lo'onatac 'Enauacna lca'aua'a qome ca 'oonolec na qarhuo' le'ecpi da ỹauo'o la'aqtaxanaxanec 'eeta'am aỹem. Qaq qami' qome qauo'oche 'enauac cam 'enapec camaye.

Hechos 3:22 Referans Kwoze

Hechos 7:37

Qataq nachiso se'eso Moisés so da'aqtaxanem co'olloxochiyi so Israel llalaqpi, 'eeta': “Ñi Dios qami' namaxalo qome ca l'aqtaxanaxanec, camayi maichi qadalamaxachi qadqaÿai, camayi 'eeta'am aÿim da qami' qanamaxalo. Qaq camayi ÿataqta qaualaqaileco' qome.”

Gálatas 4:4

Qalaxayi co'ollaq ivita so na'a'q mayi naloqnec, nachi ñi Dios namaq so llalec da nañaxatoigui naq'en aso 'alo, da chigoqtoigui naq'en na judiopi mayi hueto'ot da lapaxaguenataxanaxac na nqataxacpi.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Apocalipsis 1:1

Qaq 'eda da 'eetec da nauanaqchic mayi ÿami' ñi Dios so Jesucristo, da yaqto' somayi ishit da ÿaÿajnaxanaxanec na lamaxashicpi dam saqaÿaloq da yi'oq. Qaq so Jesucristo ÿachigoxotchigui so lamaxashic piguem l'ec da ÿaÿajnaxanaxan so lamaxashic Juan.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

Juan 12:46

Aÿim mayi aÿim lcoÿadaqte ana 'alhua. Ñanaÿa anamayi, da yaqto' ca aÿim i'amaqten, nachi camayi sa ishit da huetaigui na napalaxa.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

Juan 8:12

Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

Lucas 24:19

Nachi somayi 'enapeco': –¿Négue'to' camaxa? Nachi soomayi 'ena'po': –Qomyi dam huaigui so Jesús mayi l'ec yi Nazaret som l'aqtaxanaxanec ñi Dios. Se'eso shiÿaxaua qaica ca ÿaqalanapec cam l'aqtac qataq cam i'ot, qaq ÿataqta ÿaÿamaxadeeta somayi ñi Dios qataq 'enauac na shiÿaxauapi.

Lucas 13:33

Qalaxayi no'on da ñaq cada'acolec da ashic na na'a'q qataq'en qome nte' qataq ca lÿa na'a'q, cha'ayi sa ÿaÿamaxañi da saq huaña yi Jerusalén da ileu cam 'oonolec nam l'aqtaxanaxanecpi ñi Dios.

Hebreos 2:1

Qaq ÿoqo'oyi qomi' qome ÿataqta seloqtegue ca llic dam sa'axasoqchigui, yaqto' sa ishit da 'ico' selamaxataqhuec.

Mateo 21:11

Nachi som shiÿaxauapi 'eeta': –Qomyi nachiso so Jesús mayi l'aqtaxanaxanec ñi Dios, som chigaqa'ague da Nazaret mayi huaigui yi 'alhua Galilea.