Hechos 3:19 - Nuevo Testamento Toba Sur

¹⁹ Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Nuevo Testamento Toba Sombrero Negro

¹⁹ Chane'eja, a'niyelaqaeya ñe'me Qadejaliaĝanec Dios nataq'aen auep'iiya'a ñe'me, qaedi yapalaĝa't jodaa'me adoecodi',

La'aqtaqa Ñim Lo'onatac 'Enauacna 2013

¹⁹ Qaq ỹoqo'oye qaualache' nagui naua qano'onataxacolli', nache qaualaqaiguet Ñim Lo'onatac 'Enauacna, yaqto' Ñimaye ỹapalaxa't naua qarasouaxashe'echilli'. Nache Ñimaye icoua'ai 'enauac nam sa ỹaỹamaxañi maye qauo'ocheetac, nache qami' ỹanema da qara'añaxaqui.

Hechos 3:19 Referans Kwoze

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Mateo 18:3

Nachi 'enapeco': –Ÿoqta 'eesa de'eda qami' shinapegalo da huo'otaq qami' sa ishit da qavi'iguelaqÿa da qau'enaxachi ca nogotolec, nachi qami' sa ishit da qaunoxoñiu'a da l'onataxanaxac ñi Dios mayi neta'ague da piguem.

Mateo 13:15

Cha'ayi da lquiyaqteÿaxac ne'ena shiÿaxauapi ÿi'iguelaxalec da ÿataqta qadamchigui, qataq sa ishit da ÿoqta hua'aqa, qataq naua l'ai'te ÿamaqta'a't; da yaqto' sa ishit da huo'o ca ila'a, qataq sa ishit da huo'o ca hua'axaÿa, qataq sa ishit da huo'o ca ÿaÿaten da lquiyaqteÿaxac, qataq sa ishit da aÿim ÿi'iguelaxa da yaqto' ñataden.

2 Ts 1:7

qataq da qami' nmataxanaxaneeguesopa qome na qanque'ejnaxaqui, nataq'en qomi', que'eca na'a'q qom ñi'iguelaq so qadataxala' Jesús, chigoqo'ot na piguem da nachaxan, nactaigui na 'ico' l'edaxa na nodec qataq na chigaqshiguem Dios lamaxashicpi mayi 'añaxaicpi.

Hechos 11:21

Nachi dam l'añaxac so qadataxala' ÿataqta hueta'aguet namayipi, qaq ÿoqo'oyi ÿataqta qalota na ÿaxaneec da toguishic l'amqajnataxanaxac, nachi i'amaqten so qadataxala'.

2 Pedro 3:8

Qataq da lÿa, qami' ÿaqaÿadolqa, 'eeta': Sa ishit qome da sa qantouñiic da ñi qadataxala' yi 'oonolec na'a'q qalaq 'eeta'ama naq'en caua mil vi'iyi, qataq caua mil vi'iyi, qalaq 'eeta'am naq'en ca 'oonolec na'a'q.

Hechos 28:27

Cha'ayi da lquiyaqteÿaxac ne'ena shiÿaxauapi ÿi'iguelaxalec da ÿataqta qadamchigui, qataq sa ishit da ÿoqta hua'aqa, qataq naua l'ai'te ÿamaqta'a't; da yaqto' sa ishit da huo'o ca ila'a, qataq sa ishit da huo'o ca hua'axaÿa, qataq sa ishit da huo'o ca ÿaÿaten da lquiyaqteÿaxac, qataq sa ishit da aÿim ñi'iguelaxa da yaqto' ñataden.

1 Pedro 2:25

Cha'ayi qami' co'ollaxa qoñiita'am aca qaguetapi mayi isomtac, qalaxayi nagui da qavi'iguelaqaÿa so Cristo mayi ishit da qami' ntela'alo da 'eeta'am ca qagueta l'o, qataq ilo'ogue da qanachaalataxaqui.

2 Ts 1:10

que'eca na'a'q qom ñi'iguelaq somayi da qaÿi'oxoden, ÿi'oxoden na maichi lalamaxatpi, qataq da qai'aalac, i'aalac 'enauac na 'amqajnataxanaxaicpi. Cha'ayi qami' mashi qau'amaqchiñi dam qami' sa'axataqtapeguema.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Lucas 1:16

Camayi i'oteguet qome da ÿataqta qalota na Israel llalaqpi na ÿi'iguelaxa ñim lataxala' Dios.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Hechos 17:26

Ñimayi ÿachigoxotchigui co'ollaxa so 'oonolec shiÿaxaua da i'ot 'enauac na ÿotta'a't shiÿaxauapi, da yaqto' namayipi nalguete naua 'ale'u. Nachi ÿauo'oi naua laloqo'te namayipi, qataq i'a'n naua lma'te,

Hechos 15:3

Nachi so 'amqajnataxanaxaicpi mayi netaña yi Antioquía ÿama'q soomayi. Qaq da lliquiaxa'c soomayi nachi tatrelec yi 'alhua Fenicia qataq yi 'alhua Samaria. Nachi i'axatta'pe da 'eetec nam saq judiopi da ÿalat da toguishic l'amqajnataxanaxac, nachi quegue ñi Dios. Nachi 'enauac na 'amqajnataxanaxaicpi ÿataqta huo'o da ntonaxac, souaxat de'eda l'axaÿaxac.

Hechos 3:21

Qalaxayi so Jesucristo nagui iuen da ñaq neta'ague da piguem, to' qom ivita ca na'a'q da ñi Dios nadalaxat 'enauac na l'onatacpi, cha'ayi ñimayi nachida dam 'enapec co'ollaq i'aqtaxanaxan som hua'au l'aqtaxanaxanecpi mayi qui'itta.

Hechos 1:6

Qaq soomayi co'ollaq ñaq huetra'aguet so Jesús, nachi qainattac somayi, qoÿiita': –'Am qadataxala', ¿peta'a nachina nagui na laloxoqui da qaltaq nÿoteec 'anqa'en na llalaqpi so Israel?

Apocalipsis 21:4

Nachi ñimayi iÿodeec 'enauaque naua lachi' namayipi. Huaña, nachi sa ishit da ileu ca shiÿaxaua, qataq sa ishit da noÿiitac, huo'otaq da n'alaqtapiguiñi, huo'otaq da huo'o da nqui'ic. Cha'ayi 'enauac na seloqtaigui nagui 'enauac imeuo.

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

Hechos 3:20

Nachi qami' qanamaxalo so Jesús mayi nta'a qadca'alaxaqui, som nal'ena co'ollaxa da qaÿauotaique da qadca'alaxaquii.

Hebreos 4:1

Qaq ÿoqo'oyi nagui da ñaq huo'o da qomi' qaÿachaxanapecoto da ishit da senoxonaxau'a ca nmataxac ñi Dios, nachi ÿataqta ñitelaqañi qome. Ten, qom huo'o ca 'oonolec da qoñiita da sa ishit da inoxoneuo.

Lucas 22:57

Qalaxayi so Pedro nqolguet, nachi 'eeta': –Aque', aÿim sa sauatton damayi.