Hechos 3:16 - Nuevo Testamento Toba Sur

¹⁶ Qaq nachida dam l'enaxat se'eso Jesús, huo'otaq da qaipi'iÿa'a da l'enaxat somayi, dam chigoqchigui da l'añaxac de'eda shiÿaxaua mayi qauauañiichigui qataq qadauattonataqui. Qaq de'eda 'eetec da qaipi'iÿa'a so Jesús, nachida dam ÿataqta imauec da no'oita naq'en de'eda shiÿaxaua mayi 'enauac da qoñiita qauloito'ot.

Nuevo Testamento Toba Sombrero Negro

¹⁶ Da'me nepe'e 'me chiyaqayi da'me lañoqotaĝanaĝac ñe'me Jesús, nach'eda jo'ne yitaĝa ya'uo 'lañaĝac jenjo' jiyaĝaua jo'ne auañiya nataq'aen auatetoñi. Da'me dojo' nepe'e nach'eda jo'ne chiyaqayi da'me Jesús yataqachiñe en yemegue, nach'eda da'me jo'ne auañetelegue.

La'aqtaqa Ñim Lo'onatac 'Enauacna 2013

¹⁶ Qomi' sepi'iỹaqa'a da la'añaxac So Jesús, qaq qami' mashe qauauañiichigui. Qaq chegoqchigui da qarpi'iỹaxac da huo'omshe imauec da no'oita de'era ỹale.

Hechos 3:16 Referans Kwoze

Hechos 14:9

Qaq se'eso shiÿaxaua co'ollaq n'axaÿaxaatega da l'aqtaxanaxac so Pablo. Nachi so Pablo co'ollaq ÿamato'ot somayi, nachi ila'a da ÿataqta huo'o da lpi'iÿaxac da qanataden.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

Hechos 3:6

Qalaxayi so Pedro 'enapego' somayi, 'eeta': –Aÿim qaca aca aÿom plata, huo'otaq oro. Qalaxayi da aÿim hueto'ot 'am sanem, 'eeta': 'Am sedolec da l'enaxat so Jesucristo mayi Nazaret l'ec da 'am shinapega da qoñishiguem, nachi 'auqueuoÿapigui'.

Hechos 16:18

Qaq ÿataqta huo'oi soua na'axa'te da nachi 'eeta'ac de'eda. Qaq chochi ivitta'a da ÿataqta sa ÿaÿamaxaden so Pablo. Nachi somayi ÿi'iguelaxaguet asomayi, nachi 'enapego' som n'ec mayi netaigui asomayi, 'eeta': –'Am sedolec da l'enaxat so Jesucristo da qoca'ai ana'ana qa'añole. Nachi som n'ec ca'ai asomayi.

Mateo 9:22

Qalaxayi so Jesús nqoilec, nachi ila'a asa'aso 'alo. Nachi 'enapega, 'eeta': –'Am ÿaqaÿole, 'an'añaxat qome. Nagui mashi 'am no'oita, cha'ayi 'au'amqajnataxan. Huaña, nachi asomayi no'oita.

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

Juan 14:12

Qaq ÿataqta 'eesa de'eda qami' sa'axatema, da ca aÿim i'amaqten, nachi camayi ishit nataq'en da i'ot nam so'otpi, qataq ishit da ÿataqta ÿacteec da lta'adaic cam i'ot. Cha'ayi aÿim nagui saÿa yi netaña ñi ita'a.

Hechos 4:7

Nachi qaÿamaxasoxonalo da qanaviguiyi' so Pedro qataq so Juan. Nachi qanachaalataxanguilo na laiñi, nachi qainatta'pe, qoÿiita': –¿Négue't cam l'añaxac, huo'otaq cam l'enaxat de'eda qau'onataxañiitega da qau'ochi de'eda?

Hechos 3:8

Nachi se'eso shiÿaxaua, somayi ÿataqta npadenaxaashiguem da nachajñi, nachi jec da queuoÿapigui'. Nachi lÿatreuo soomayi da tau'a aso n'onaxanaxaqui. Huaña, nachi queuotapigui', padenaxaatac qataq ÿi'oxodeetac ñi Dios.

Hechos 4:30

Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.

Juan 7:23

Qaq cha'ayi qanshiitaique da qaupaquiichigui na lqataxacpi so Moisés, nachi qami' ishit da qau'ochi ca n'anaxat ca nogotolec, nai'ctaxa da huo'otaq huetoigui ca na'a'q mataxaqui, qalaq ¿tá'ainco' qone' yi aÿim qaualemataÿai souaxat da imauec da l'oquiaxac so shiÿaxaua da ñataden so na'a'q mataxaqui?

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,

Mateo 14:29

Nachi so Jesús 'enapeco': –Aja', 'ayala. Nachi so Pedro huenoteeguesop aso barco, nachi petalec na 'etaxat da nqo'oneuga so Jesús.