Hechos 3:13 - Nuevo Testamento Toba Sur

¹³ Qalaxayi ñim nDios so hua'au qadta'a Abraham, qataq so Isaac, qataq so Jacob, ñimayi nachiñi ñi ÿanem da lta'adaic l'amaqchic so llalec Jesús, som qami' qai'añiu'a co'ollaxa na nta'alpi. Nachi so nta'a Pilato co'ollaq nshitaique da ÿaxaneec, qalaq qami' sa qauaÿamaxayiñi.

Nuevo Testamento Toba Sombrero Negro

¹³ “Ñe'me Nedios di'me Abraham, di'me Isaac, di'me Jacob, ñe'me Nedios dia'me jachiyojoĝogueta 'me qadet'al, nach'eñe yanem da'me yataqachiñe p'ajaye li'yoĝodic ñe'me lalemaĝajet Jesús. Nach'eñe jo'ne auemiñeyouelo gaa'me jaliaĝanaqa nataq'aen nach'eñe jo'ne a'uotañetac nataq'aen anemañetapec ca'li jetaque yejoye ñe'me Pilato.

La'aqtaqa Ñim Lo'onatac 'Enauacna 2013

¹³ Qalaxaye Ñim Lo'onatac 'Enauacna maye ỹo'oxoreetrac co'ollaxa soua hua'au' qarta'al Abraham, qataq so Isaac, qataq so Jacob, Ñimaye nacheñi Ñim ỹanem da lta'araic la'amaqchec So Llalec Jesús, Som qami' qaỹa'añiiua'a co'ollaxa na lta'alpi na Roma le'ecpi. Nache so nta'a Pilato co'ollaq huotaique da ỹaxanec, qalaq qami' saishet da qauaỹamaxayiñi.

Hechos 3:13 Referans Kwoze

Hechos 7:32

“Aÿim mayi nachaÿim nDios som hua'au 'adta'alpi, nachaÿim nDios so Abraham, qataq so Isaac qataq so Jacob.” Nachi so Moisés ÿataqta iviloxolaqchit da lcolanaxa, nachi sa ishit da ÿañoxot da namatashiguem.

Mateo 22:32

“Aÿim mayi nachaÿim nDios so Abraham, Isaac qataq so Jacob.” Qaq sa ishit da nDios ñimayi nam leuaxaicpi. Chaqnata nam nca'altaicpi.

Hebreos 2:9

Qalaxayi qomi' ishit da seloqchigui so Jesús som cada'ac da nataÿaña naq'en ñi Dios na lamaxashic piguem l'ecpi. Qalaxayi souaxat da lauotaxanaqtaic da shinaqta ñi Dios, nachi ÿan somayi, da yaqto' ileualec 'enauac na shiÿaxauapi. Qaq nagui somayi qoÿanagui da lli'oxoyic qataq da l'amaqchic souaxat da nque'etaxangui da l-leuaxa.

Juan 19:15

Qalaxayi somayipi i'alaqtagui, 'eeta': –¡Qaÿalauat qome damayi! ¡Qaÿalauat qome damayi! Qataq ¡qaiuaxaneuo qome! Nachi so Pilato 'enapeco': –¿Peta'a ishito' da aÿim seuaxaneuo dam qadta'ai? Qalaxayi som lataxala'pi na ntaxaÿaxanaxanecpi 'enapeco': –Qomi' qaica ca lÿa qadta'a, chaqñita ñim lta'a na nta'alpi mayi neta'ague da Roma.

Juan 19:12

Huaña, nachi so Pilato nmittaique ca lataxac, da yaqto' ishit da isouec so Jesús, qalaxayi na judiopi ÿataqta i'alaqtagui, 'eeta': –¡Da 'am 'ai'axaneec damayi, qachi sa ishit qone' da 'anauochaxaua ñim lta'a na nta'alpi mayi neta'ague da Roma! ¡Cha'ayi ca camachaqca huotaique da maichi n'ojla't da nta'a, nachi camayi npa'aguenaxaua ñim lta'a na nta'alpi!

Juan 18:40

Nachi 'enauac somayipi qaltaq ÿi'iguelaxalec da i'alqagui, 'eeta': –¡'A'i, sa ishit da nachida de'eda shiÿaxaua! ¡Chaqcata ca Barrabás 'ausouec! Qaq se'eso Barrabás ÿataqta cachaxaic co'ollaxa.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Hechos 22:14

Nachi somayi aÿim 'enapega, 'eeta': “Ñim nDios som hua'au qadta'alpi, ñimayi 'am lca'aguishic co'ollaxa, cha'ayi nshitaique da yaqto' 'am 'auaÿaten cam maichi 'eetapeguec ñimayi, qataq da 'anauane' som no'on da lataxac, qataq da yaqto' 'an'axaÿaxana somayi da 'am detaxaÿot.

Juan 12:16

Qaq co'ollaq chita'ague, nachi soua lapaxaguenataqa sa ishit da ÿaÿate'n ca llic de'eda. Qalaxayi co'ollaq qaÿata'ague de'eda, co'ollaq mashi ime da qoÿanagui da lli'oxoyic so Jesús, nachi qaiuennate 'enauac nam nanettañi mayi i'axat da llic somayi, da 'enauac ipacchigui.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

Lucas 23:4

Nachi so Pilato 'enapega som lataxala'pi nam ntaxaÿaxanaxanecpi qataq som shiÿaxauapi, 'eeta': –Aÿim sa ishit da huo'o ca sanata lasouaxashit de'eda shiÿaxaua.

Marcos 15:11

Qalaxayi nam lataxala'pi na ntaxaÿaxanaxanecpi, namayipi ÿayina'a na shiÿaxauapi, da yaqto' iÿaxaneu'a da qaisouec so Barrabás.

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Mateo 27:2

Nachi qaÿauec somayi, qoÿaxatta'a't naua lhua'q, da qoÿaneu'a so nta'a Poncio Pilato.

Mateo 20:19

qataq da ÿaneu'a nam ÿaqa'a ca chigaqa'ague, da yaqto' ÿi'enai' namayi, qataq da iuaxaatac, ime, qaq iuaxaneuo. Qalaxayi qom mashi ivi' caua tres na'axa'te, nachi namayi qaltaq nca'aleec.

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Lucas 6:37

Sa ishit da qanmichi ca lasouaxashit ca qadÿai, yaqto' ñi Dios sa ishit da qami' nmi't. Qataq sa ishit da qauauo'oi ca nhuaxanaguec ca qadÿai, yaqto' ñimayi sa ishit da ÿauo'o ca qanhuaxanaguiiqui. Qalaxayi qauchoxonnataxañi qome, yaqto' ñi Dios qami' ichoxode'n.

Juan 19:11

Nachi so Jesús 'enapeco': –'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.

Hechos 3:12

Nachi so Pedro co'ollaq ila'a de'eda nqochoxo, nachi 'enapego' so shiÿaxauapi, 'eeta': –Qami' Israel l'ecpi, ¿chaq tá'ainco' yi ÿapacteec da qadqochoqoi? ¿Tá'ainco' da qomi' qauloito'oto, chaqno' da huo'otaq nachiqomi' da maichi ñatadenaq de'eda shiÿaxaua, huo'otaq da maichi qad'añaxac huo'otaq ca qad'amqajnataxanaxac ñi Dios ca sedoxolec damayi da yaqto' iqueuoÿapigui'?

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

Hechos 4:27

Cha'ayi ÿataqta 'eesa da ñi nta'a Herodes qataq ñi Poncio Pilato, naamayi co'ollaxa lapona't, huetra'a ne'ena la ciudad, qaÿauaxaiguet nam chigaqhuec qataq nam maichi llalaqpi so Israel, da 'enauac qanpa'aguena som qui'itta 'ai'alec Jesús mayi 'ai'anagui da nta'a mayi qadca'alaxaqui.

Hechos 4:30

Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.

Hechos 24:14

Qalaxayi aÿim ñi'axatta da aÿim so'onataxaatacot ñim Dios so hua'au ita'alpi, qalaxayi aÿim shictague' de'eda dalaxaic ñiquiaxac mayi namayipi ÿamata'ac da dalaxaic n'amqajnataxanaxac, cha'ayi aÿim sa'amaqten 'enauac nam nanettañi nqataxacpi mayi chigoqo'ot so Moisés qataq som l'aqtaxanaxanecpi ñi Dios.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

Lucas 22:57

Qalaxayi so Pedro nqolguet, nachi 'eeta': –Aque', aÿim sa sauatton damayi.