Hechos 28:8 - Nuevo Testamento Toba Sur

⁸ Qaq somayi so lta'a sa no'on, huetalec ca lmala', huo'o na l'edaxa qataq iuet na lauel. Nachi so Pablo jec da namaqtega somayi. Qaq co'ollaq ime da natameetapeguelec somayi, nachi ÿashil-lec, nachi no'oita naq'en.

Nuevo Testamento Toba Sombrero Negro

⁸ Qama'te Publio let'a uetalegue ga'me lela', yeleuac: 'uo ga'me lepi'yaĝac nataq'aen dayali jena'me lauel. Chane'eja Pablo ec qaedi dejapichiya, qama'le ca'li yem da'me netamelegue, yachalo'te naa'me loua' ñe'me qama'le yemegue q'aen.

La'aqtaqa Ñim Lo'onatac 'Enauacna 2013

⁸ Qaq somaye so lta'a sa no'on, huetalec ca lmala', huo'o na le'eraxa qataq iuet na lauel. Nache so Pablo jec da nqo'ona somaye. Qaq co'ollaq ime da natameeteguelec somaye, nache ỹashel-lec, nache no'oita naqa'en.

Hechos 28:8 Referans Kwoze

Hechos 9:40

Qaq co'ollaq ime, nachi so Pedro ipa'axaneec 'enauac somayipi, nachi i'alyiñi naua l-llicte da nqouagaxauen. Qaq co'ollaq ime, nachi ÿamatalec asom leuaxai, nachi 'enapega, 'eeta': –Tabitá, qoñishiguem. Nachi asomayi ÿauachiguilo naua l'ai'te. Qaq co'ollaq ila'a so Pedro, nachi ñishiguem, nachi nso'ooñi.

Marcos 6:5

Nachi so Jesús sa ishit da huo'o ca i'ot nam sa qaÿauanapigui. Nda'a't da huo'o na ÿashil-lec na sa no'onpi da nataden, qalaxayi saq 'amaqtaq.

Marcos 16:18

qataq da qaÿacongui ca n'adaxanaq, qataq da huo'otaq qanÿomgui ca deshinataxan, qalaq sa ishit da huo'o ca 'enec; qataq da qaÿashil-lec na sa no'onpi, nachi no'oita.

Mateo 9:18

Qaq so Jesús co'ollaq ña i'axattac de'eda, nachi anac som lataxala' na judiopi, nachi i'adoto naua l-llicte somayi. Qaq 'enapega, 'eeta': –Ayi ÿale chita'ague da ileu. Qalaxayi 'am da ishit da 'anqo'ona da 'auashil-lec, yaqto' qaltaq nca'aleec.

1 Corintios 12:28

Qaq 'eda da 'eetec ñi Dios co'ollaq huo'o na ÿaconeu'a na 'amqajnataxanaxaicpi da ÿanagui da l'onataxanaxac. Ÿamataxaachiguiñi da ÿideuo na lamaxashicpi naq'en so Jesús. Ime, qataq jec na i'axat da l'aqtac ñi Dios. Ime, qataq jec na dapaxaguenataxanapecpi. Ime, qataq jec na i'ot na n'añaxacpi mayi sa qaÿauanapega. Ime, qataq jec na ishit da nataden na dalolaxaic, qataq na itaunec da lhuenaxanaxa ca lÿa, qataq na ishit da nataxala'. Ime, qataq huo'o na ÿanem da ishit da detaxaiguilo naua n'aqtaqa sa qaÿauangalo.

1 Corintios 12:9

Huo'o na ÿanem da lta'adaic da lpi'iÿaxac, chigoqchigui naq'en so Espíritu, qataq huo'o na ÿanem da ishit da nataden na dalolaxaic.

Mateo 10:8

Qataq qanatayiñi qome na sa no'onpi, qataq qanca'alaxachiiuec nam mashi ileupi, qataq qauÿoi nam nchiga na l'oc, qataq qau'oyiÿauec na n'ec leguemaxaicpi. Qaq de'eda n'añaxac, damayi chochi qami' qoÿaatema, qaq ÿoqo'oyi sa ishit qome da qaushiichiñi da qau'onataxañiÿa.

Mateo 10:1

Nachi so Jesús iÿaxanalo soua doce lapaxaguenataqa, nachi ÿanema da n'añaxac, da yaqto' ishit da i'oldauec na n'ecpi, qataq da nataden 'enauac nam ÿotta'a't nalolaxaguesat qataq na nhuetaxanaxapi.

Lucas 13:13

Nachi ÿashil-lec naq'en na lhuaq asomayi, huaña, nachi asomayi ishit da nlaxaashiguem, nachi ÿi'oxodeetac ñi Dios.

Lucas 4:40

Qaq co'ollaq mashi inoxooñi aso nala', nachi 'enauac na shiÿaxauapi nam huo'o na dalolaxaic huetaña na lma', nam huec na ÿotta'a't nalolaxacpi, nachi qandou'a so Jesús. Nachi so Jesús ÿashil-lec ñi 'oonolec somayipi, nachi no'oita naq'en.

Marcos 7:32

Qaq huaña yimayi, nachi qanauegueu'a so ÿale mayi sa hua'aqa qataq n'apdapeguec naua l'aqtaqa. Nachi qaiÿaxanot somayi da yaqto' ÿashil-lec somayi.

Marcos 5:23

Nachi ÿataqta nachoxodeetot, 'eeta'; –Ayi ÿale mashi ileetapigui'. Ña 'auanáctaxa da 'auashil-lec, yaqto' no'oita qataq nca'aleec.

Mateo 12:13

Nachi so Jesús 'enapega so shiÿaxaua 'eeta': –Ña 'ai'aneec da 'adhuaq. Qaq co'ollaq chochi ÿaneec na lhuaq, nachi no'oita, 'eeta'am na lÿa lhuaq.

Hechos 28:7

Qaq se'eso qanayiuta'a nachi sa qaÿapeque so n'alhua som lataxala' na lma' se'eso 'alhuolec, somayi l'enaxat da Publio. Nachi somayi qomi' ÿacongueta, nachi ÿataqta qomi' huetapegueto se'esoua tres na'axa'te.

Hechos 28:9

Huaña, nachi anac nataq'en nam laÿipi sa no'on mayi netaña se'eso 'alhuolec, nachi 'enauac no'oita qanqoÿin.