Hechos 28:23 - Nuevo Testamento Toba Sur

²³ Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Nuevo Testamento Toba Sombrero Negro

²³ Chane'eja yauote laloqo't, ua'a ca'li jalcote ga'me jiyaĝadipi yec'adeta ga'me ue'ta ñe'me Pablo. Chiyoqo'teguet ga'me ne'teta chayovida'a nale javit, Pablo 'yaĝatetapema joda'me lejaliaĝa ñe'me Dios yayaĝa'talo jogaa'me ñe'me Jesús, chiyoĝotetelo'te jogaa'me namaĝajoĝonaĝaco 'me chiyoqodo'ot ñe'me Moisés nataq'aen gaa'me ledii's dia'me Dios 'laqataĝanaĝanaqa.

La'aqtaqa Ñim Lo'onatac 'Enauacna 2013

²³ Qaq ỹoqo'oye qaỹauo'o so naloqnec na'a'q. Qaq co'ollaq ivita se'eso na'a'q, nache ỹataqta qalota na shiỹaxauapi na nvita ca netaña so Pablo. Nache ỹachegoxottot se'eso nte'eta, choche ivitta'a so avit, da ỹa'axattapeguem somayepi da lo'onataxanaxac Ñim Lo'onatac 'Enauacna. Ỹataqta quetapegueua'a somayepi da ỹa'amaqten naqa'en So Jesús, nache ỹa'axattac nam namaxasoxonaxacpi maye chegoqo'ot so Moisés qataq nam la'aqtaxanaxac som la'aqtaxanaxanecpi Ñim Lo'onatac 'Enauacna.

Hechos 28:23 Referans Kwoze

Hechos 19:8

Nachi so Pablo ÿataqta ividaxattreec soua tres ca'agoxoiqa da ÿi'iguelaqtau'a aso laponaxaqui na judiopi da da'aqtaxaatac, qaica ca ñi'itaique, qataq i'axattapeguem somayipi da l'onataxanaxac ñi Dios da ilo'ogue 'enauacna, da yaqto' da'amqajnataxan.

Hechos 18:28

Cha'ayi ÿataqta i'axattem 'enauac na lsomaxacpi na judiopi. Qaq somayi ÿataqta sa ishit da huo'o ca ÿoqolguet. Cha'ayi somayi ÿaconalo naua ñiyigui'shi n'aqtaqa, nachi i'axattac so Jesús da nachiso so nta'a qadca'alaxaqui mayi iuattaique namayipi.

Hechos 26:6

Qaq nagui aÿim qanauegueuo, da yaqto' aÿim qanmit souaxat de'eda ñaquitaxac, da ñi Dios ishit qome da qaltaq nca'aleec naq'en na leuaxaicpi, cha'ayi nachida dam ÿachaxanapecot co'olloxochiyi som hua'au qadta'alpi.

Hechos 8:35

Nachi so Felipe cot da l'aqtaxanaxac, ÿachigoxotchiguiña som n'aqtac mayi qaitaxaÿaxaatac, qataq i'axatem somayi da no'on qad'axaÿaxac mayi n'aqtaguec so Jesús.

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Hechos 18:4

Nachi naxa da iviteuga yi na'a'q mataxaqui, nachi so Pablo tau'a aca laponaxaqui na judiopi, nachi da'aqtaxaatapeguem, qataq nam sa ishit da judiopi, da yaqto' da'amqajnataxan naq'en.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Filemón 1:2

qataq 'enauac nam 'amqajnataxanaxaicpi mayi laponqa' na 'adma', nachi 'en'am aca qadqaÿa Apia, qataq ca Arquipo mayi nataq'en ale, 'eeta'ama qomi'.

Marcos 4:34

Qaq sa ishit da saq huota'a na laloqnaxanaxatpi da da'aqtaxaatac. Qalaxayi naxa da ndoteto soua lapaxaguenataqa, nachi ÿataqta da'aqtaxaatema.

Lucas 16:28

yim netraña caua cinco ÿaqaÿa't, da yaqto' da'aqtaxanema, yaqto' caamayi sa ishit da nada nataq'en ne'ena que'ejnaqa'.

Hechos 1:3

Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Hechos 24:14

Qalaxayi aÿim ñi'axatta da aÿim so'onataxaatacot ñim Dios so hua'au ita'alpi, qalaxayi aÿim shictague' de'eda dalaxaic ñiquiaxac mayi namayipi ÿamata'ac da dalaxaic n'amqajnataxanaxac, cha'ayi aÿim sa'amaqten 'enauac nam nanettañi nqataxacpi mayi chigoqo'ot so Moisés qataq som l'aqtaxanaxanecpi ñi Dios.

Hechos 28:31

Nachi ÿataqta qaica ca ndaqtaique da i'axattac da l'onataxanaxac ñi Dios da ilo'ogue 'enauacna, qataq dapaxaguenataxaatapeguec so qadataxala' Jesucristo. Ÿataqta qaica ca naxattac da l'aqtaxanaxac.

Filemón 1:22

Nataq'en soqopitaxanapec da 'am shinapega da 'auqataxanai' qome ca i'ochaqa', cha'ayi aÿim seuattaique da huo'otaq qaÿasateguet que'eca qanqouagaxaunaxaqui. Nachi ñi Dios ishit da aÿim ÿanem da yaqto' qami' ñoqo'onalo.