Hechos 28:2 - Nuevo Testamento Toba Sur

² Qaq nam lma' yimayi ÿataqta qomi' ilo'ogueta. Ÿoqo'oyi qaÿalooñi so nodec lta'adaic, souaxat na latomaxa qataq so auot. Ime, nachi qomi' 'enapegalo da 'enauac ñoqochinaxau'a so nodec, da yaqto' ñitonaq.

Nuevo Testamento Toba Sombrero Negro

² Jogaa'me 'lachaqa'tedi yataqachiñe 'noota da'me qo'mi 'yeteque, qama'le yetetedoue ga'me dole' t'adaic, yajouaĝat da'me uotep ca'li nataq'aen jo'om, qama'le qo'mi yiyaĝanalo qaedi jec'otaĝa.

La'aqtaqa Ñim Lo'onatac 'Enauacna 2013

² Qaq nam lma' yemaye ỹataqta qomi' ilo'ogueta. Ỹoqo'oye qaỹalooñi so norec lta'araic, souaxat na latomaxa qataq so auot. Ime, nache qomi' 'enapegalo da 'enauac ñeqochenaxaua'a so norec, da yaqto' ñetonaq.

Hechos 28:2 Referans Kwoze

Hebreos 13:2

Qataq sa ishit qome da qaucouai'ai da ÿataqta qauloÿiiguet ca qanamaxasoxoiqui. Cha'ayi damayi nachida da chigoqchigui da huo'o co'ollaxa som saq noma da ÿauo'o ca l'ochaqa' nam namaxashic piguem l'ecpi.

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Romanos 1:14

Cha'ayi huo'o da ñi'aqtac da sa'aqtaxanem 'enauac na shiÿaxauapi, nai'ctaxa cam ÿaÿaten da naÿamaxataxac, huo'otaq cam sa ishit da naÿamaxatapec, qataq nam ÿaÿaten ana nede, huo'otaq cam sa ÿaÿaten ana nede.

2 Corintios 11:27

Qataq ñique'etaxangui da i'onataxanaxac qataq da ñaqalaatapigui'. Qalota da sa ishit da so'ochi, qataq ñique'etaxangui na ÿoqouaxa qataq na ÿaquip, qataq qalota da ñoqouaqchijla't. Qataq ñauane' da ñique'etaxangui na latomaxa, qataq da qaica ca ñapogoña.

Hechos 28:4

Nachi nam lma' se'eso 'alhua co'ollaq ÿauaachigui se'eso n'adaxanaq da netau'a na lhuaq so Pablo, nachi namayipi 'enapeco': –De'eda shiÿaxaua yi'oqta da laataxanaxaic, ÿoqo'oyi nai'ctaxa da ÿit na 'etaxat, qalaxayi dam nhuaxanaguec mayi saq cha'a sa ishit da nca'alaxattauec damayi.

1 Corintios 14:11

Ÿoqo'oyi aÿim da sa ishit da saÿate'n naua l'aqtaqa ca aÿim detaqtacot, qaq camayi 'eeta'am naq'en aÿim ca ÿaqa'a ca chigoxogue, nataq'en camayi 'eeta'am ñaq'en ca ÿaqa'a ca chigoxogue.

Mateo 10:42

Qataq camachaqca shiÿaxaua, da huo'otaq ÿami' ca ÿataqta atom 'etaxat ca 'oonolec nam saq 'amaqtaqpiolec, qaq souaxat da aÿim quetague' namayipi, qaq camayi ÿataqta huo'o qome da nshiitenaguec.

Hechos 27:3

Qaq so lÿa na'a'q, nachi sovidaxa yi ñigaxasom l'enaxat Sidón. Qaq yimayi nachi huaña da so Julio da ÿataqta ÿaÿamaxatta so Pablo, nachi ÿanem somayi da yaqto' namaqtega na nauattonaxauapi da yaqto' qaitauan.

Romanos 2:27

Qaq que'eca sa ishit da huo'o ca n'anaxat na l'oc, qalaxayi ÿataqta ÿalaxaguet cam 'enapec na nqataxacpi, nachi camayi i'ot qome da 'am qaÿauo'o ca 'anhuaxanaguec, souaxat da sa ishit da 'aualaq, qamaq 'am hueto'ot na nqataxacpi, qataq da qaÿauo'o ca 'an'anaxat.

Juan 18:18

Qaq cha'ayi ÿataqta atom, nachi som namaxashicpi qataq som huataxanaqpi i'ot so l-le', nachi nachattañipi da ntootac. Qaq so Pedro nataq'en ÿalectaigui somayipi, ntootac se'eso nodec.

Hechos 28:3

Nachi so Pablo laÿootega't na qo'ipaq ltoxoicpi mayi daqaqta, nachi ÿasaqtangui so nodec. Nachi som n'adaxanaq mayi dataueguesop na l'edaxa na nodec, nachi inaigui na lhuaq, nachi netauo.

Romanos 14:1

Ca shiÿaxaua da huo'otaq qaica ca l'añaxac da lpi'iÿaxac, qalaq camayi qauacoñiiguet, qalaxayi sa ishit da qancotaitapigui cam saq 'en.

Romanos 14:3

Qaq ÿoqo'oyi cam 'eetega ÿañoxot da chic 'enauac na nalliguesat, no'on da sa ishit da i'otan cam huo'o ca ivita'a da chic nam nalliguesat. Qataq cam huo'o ca ivita'a da chic naua nalli'c, no'on da sa ishit da quetega cam ÿañoxot da chic 'enauac nam nalliguesat. Cha'ayi ñi Dios ÿaconguet que'eca shiÿaxaua.