Hechos 28:15 - Nuevo Testamento Toba Sur

¹⁵ Qaq som qadqaÿañicpi mayi netaña yi Roma mashi huo'o da l'axaÿaxac da shinaqta; nachi somayipi qomi' huaqata'agueta. Huo'o na nqatauga yi nmenqa' so Apio, qataq yim l'enaxat tres mataqa'te. Qaq can ilaigui somayipi so Pablo, nachi ÿanot da n'achic ñi Dios, nachi ÿataqta nomteguet da l'añaxac.

Nuevo Testamento Toba Sombrero Negro

¹⁵ Jogaa'me qadaqaya'olqa 'me Roma laje' joote qo'mi dip'iquitagueta ca'li; chane'eja qo'mi que'tagueta ca'li chayovida'a di'me nemenaqa' ñe'me Apio nataq'aen di'me noic jo'ne lenaĝat Tres Omataqa'te. Ca'li yauanalo ñe'me Pablo qama'le yanem da'me lamaic ñe'me Dios nataq'aen nomeguet da'me 'lañaĝac.

La'aqtaqa Ñim Lo'onatac 'Enauacna 2013

¹⁵ Qaq som qarqaỹañicpi maye netaña ye Roma mashe huo'o da la'axaỹaxac da shenaqta; nache somayepi qomi' huaqata'agueta. Huo'o na nqattauga ye ntaxaỹaqa' maye le'enaxat Apio, qataq yem le'enaxat tres mataqa'ate. Qaq can ilaigui somayepi so Pablo, nache ỹanot da na'achec Ñim Lo'onatac 'Enauacna, nache ỹataqta nomteguet da la'añaxac.

Hechos 28:15 Referans Kwoze

Hebreos 13:3

Qataq qauennachiÿa'a qome na ncoñitaguishicpi, 'eeta'am qanqashiñi da huo'otaq qancoñitaxauaipi namayipi, qataq nam sa ishit da qaÿauo'o ca nyacnataguec, cha'ayi qami' nataq'en qauaÿajñi da ishit da huo'o da nque'etaxanaxac da qad'oquiaxaqui.

Romanos 15:24

Qalaxayi aÿim seuatta'a qom huo'otaq ishit da saigue da España, nachi qami' saÿalguete da qami' ñamaqtegalo. Qaq qom mashi nmeta da qami' ñauaneto, nachi huo'o da ñaquitaxac da ishit da aÿim qautauañi, da yaqto' sevida'ague damayi.

Gálatas 4:14

Qaq se'eso ÿalolaxa mayi aÿim hueta'ac, somayi chochi ñi'iguenaxat. Qalaxayi ñaqaiyita qami' sa ishit da aÿim qau'otañi, qataq sa ishit da aÿim sa qauacoñiiguet. Chaqdata da qoñiita'am qanqashiñi aÿim ca chigaqshiguem Dios lamaxashic, qataq 'eeta'am qanqashiñi da nachaÿim Jesucristo.

Hechos 21:5

Qaq can inoxoodeec soua siete na'axa'te, nachi qaltaq qolaq. Nachi 'enauac so 'amqajnataxanaxaicpi lÿatac na n'alpi qataq na llalaqpi da qomi' icaadaueegue da laÿi yi la ciudad. Qaq can sovidaqaama so loigue, nachi qomi' sa'adaxayiñi naua qadllicte, nachi ñoqouagaxauenaqtac.

Hechos 10:25

Qaq so Pedro co'ollaq iviteu'a ca noÿic, nachi so Cornelio nqo'onguet somayi, nachi i'adoto naua l-llicte da huotaique da natamnot.

Juan 12:13

Nachi qaiquesoq ana laue ana chaic, nachi qaÿaqata'aguet so Jesús. Nachi qai'alaqtalec, qoÿiita': –¡Shi'oxodenaq ñi qadta'a Dios! ¡Ÿataqta no'on da lliquiaxac nam nactaigui da l'enaxat ñi qadataxala'! ¡No'on da lliquiaxac nam lta'a na Israel llalaqpi!

1 Ts 3:7

Ÿoqo'oyi qami' qadqaÿa't, nai'ctaxa da qomi' souaqtangui 'enauac na qadhuenaxanaxa qataq na qanque'ejnaxaguesat, qalaxayi selagaqchiguiñi can saÿajnaq da qoñiita da ñaq qoquiito'ot da qadpi'iÿaxaqui.

2 Corintios 2:14

Qaq ÿoqo'oyi qomi' sanqot da qan'achic ñi Dios ñim chigoqchigui naq'en so Cristo Jesús da qomi' 'añaxaiqa, qataq chigoqchiguilo naq'en qomi' da qaÿaÿaten da n'aqtaguec somayi. Qaq damayi 'en'am da no'on alaitaÿaxac mayi huaÿoxoneec 'enauaque naua 'ale'u.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 10:23

Nachi so Pedro ipa'axaadeuo, nachi soomayi l'ochaqa't ca hueta'a somayi se'eso pe. Qaq so lÿa na'a'q nachi so Pedro ca'ateguelo soomayi, nataq'en huo'oi soua lÿata'pe nam 'amqajnataxanaxaicpi mayi netaña yi Jope.

Hechos 11:1

Soua Jesús lamaxa'shi qataq so nqaÿañicpi mayi netaña yi Judea, somayipi co'ollaxa l'axaÿaxac da nataq'en ÿaconguet da l'aqtac ñi Dios na sa ishit da judiopi.

Hechos 11:12

Nachi so Espíritu Santo aÿim ÿamaxaguelo soomayi da seca'ateguelo, sa ishit da huo'o ca shictega. Nataq'en huo'oi ne'enaua ñinaictagueto seis qadqaÿa't. Nachi 'enauac da sepa'axaigui ñi lma' so shiÿaxaua.

Hechos 12:17

Qalaxayi somayi ÿauota'a na lhuaq da nhuogaxa somayipi da de'enaxaatai'. Ime, nachi i'axat da 'eetec ñi qadataxala' da nqateeguesop somayi añi ncoñitaxanaxaqui. Ime, nachi 'enapego' somayipi, 'eeta': –Qau'axachiim qome 'enauac de'eda ca Santiago qataq 'enauac na qadqaÿañicpi. Ime, nachi somayi jec da taÿa ca lÿa 'alhua.

Hechos 28:14

Nachi huaña, qaq huo'oi soua ñatenaqleguete qadqaÿa't, nachi soomayi qomi' 'eetegalo da souaqa'a 'oonolec la semana. Qaq can ime, nachi qaltaq soqolaq da saxague da Roma.