Hechos 27:35 - Nuevo Testamento Toba Sur

³⁵ Qaq co'ollaq 'enapec de'eda so Pablo, nachi ÿacona aso pan, nachi ÿaatacot da n'achic ñi Dios, ÿauaachigui 'enauac somayipi. Ime, nachi ncolaxajñi aso pan, nachi deque'e.

Nuevo Testamento Toba Sombrero Negro

³⁵ Ca'li nenaĝategue da'me dojo', Pablo yacona ga'me pan, yanem da'me lamaic joñe'me Dios da'me dajo'tagueta jogaa'me. Yecolaĝatapiye qama'le yalic.

La'aqtaqa Ñim Lo'onatac 'Enauacna 2013

³⁵ Qaq co'ollaq 'enapec de'era so Pablo, nache ỹacona aso nauole, nache ỹaatacot da na'achec Ñim Lo'onatac 'Enauacna, ỹauaachigui 'enauac somayepi. Ime, nache ncolaxaañi aso nauole, nache deque'e.

Hechos 27:35 Referans Kwoze

Mateo 15:36

Nachi ÿaconalo soua siete pan qataq soua nÿaxayi, nachi ÿanot da n'achiquiaxac ñi Dios. Ime, nachi ncolaxajyiñi soua pan, nachi ÿanoiguilo soua nale't. Qaq soomayi nachi ÿanoiguilo so shiÿaxauapi.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

1 Pedro 4:16

Qalaxayi cam huo'o da nque'ejnaxac souaxat da quetague' so Cristo, qaq no'on da camayi sa ishit da ncoqtac. Chaqdata da ÿi'oxoden ñi Dios, souaxat da quetague' somayi.

Romanos 14:6

Qaq cam ÿapagaqchin ca 'oonolec na'a'q, camayi i'ot, qalaxayi ÿi'oxoden so qadataxala'. Qataq cam sa ishit da i'ot, qalaxayi nataq'en camayi ÿi'oxoden so qadataxala', qaq nai'ctaxa da sa ishit da i'ot. Qaq cam ishit da 'enauac chic na nalliguesat, camayi deque'e, qalaxayi nachiso so qadataxala' ÿi'oxoden, cha'ayi camayi ÿaatacot da n'achic ñi Dios. Qaq cam ivita'a da huo'o ca chic naua nalli'c, camayi i'ot damayi, da yaqto' ÿi'oxoden so qadataxala', qaq camayi nataq'en ÿaatacot da n'achic ñi Dios.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Juan 6:23

Qalaxayi qaltaq huo'oi soua lÿa't barcos nvilyi', chigoqda'a yi la ciudad Tiberias, nvilda yim sa qaÿapeque yim huaña co'ollaq qanallic aso pan co'ollaq ime da ÿan da n'achic so qadataxala'.

Juan 6:11

Nachi so Jesús ÿaconalo soua pan. Qaq co'ollaq imat da ÿanot da n'achiquiaxac ñi Dios, nachi ÿanoiguilo soua lapaxaguenataqa. Qaq soomayi nachi ÿanoiguilo 'enauac nam nso'ootañi. Qaq nachi i'enaxatchigui naq'en soua nÿaxayi da ÿanoigui 'enauac somayipi, chochi ivitta'a da comadaxaicpi.

Lucas 24:30

Nachi co'ollaq mashi nso'oota'ai'salo soomayi da datatralec so nqui'axala', nachi somayi ÿacona aso pan da nqouagaxaueelec. Ime, nachi ÿanoiguilo soomayi.

Marcos 8:6

Nachi so Jesús ÿamaxalec somayipi da nso'ooñi, nachi somayi ÿaconalo soua pan, nachi nqouagaxaunot ñi Dios. Qaq co'ollaq ime, nachi ÿanoiguilo soua lapaxaguenataqa, da yaqto' soomayi ÿanoiguilo so shiÿaxauapi.

Mateo 14:19

Nachi 'enapega so shiÿaxauapi da nso'ooñi, nso'oolec na 'auaqpi dadala. Ime, nachi ÿaconalo soua cincole pan qataq soua dos nÿaxayi. Nachi ÿamato'ot na piguem, nachi ÿanot da n'achiquiaxac ñi Dios. Ime, qaq ncolaxajyiñi soua pan, nachi ÿanema soua lapaxaguenataqa. Qaq soomayi nachi ÿanoiguilo na shiÿaxauapi.