Hechos 27:23 - Nuevo Testamento Toba Sur

²³ Cha'ayi ne'ena pe aÿim nachaxana so chigaqshiguem lamaxashic ñi Dios mayi sooto'ot qataq so'onataxaatacot.

Nuevo Testamento Toba Sombrero Negro

²³ Qa'a jepi'yaq jayem naloĝoneguet ñe'me piyem le'ec, namaĝaquena ñe'me Dios jo'ne nach'eñe joue'tot nataq'aen jo'onataĝaneuo'o,

La'aqtaqa Ñim Lo'onatac 'Enauacna 2013

²³ Shecpe aỹem nachaxana so chegaqasheguem lamaxashec Ñim Lo'onatac 'Enauacna maye sooto'ot qataq so'onataxaatacot.

Hechos 27:23 Referans Kwoze

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Hebreos 1:14

Qataq 'enauac nam namaxashicpi, namayi saq cha'a, do'onataxaatacot ñi Dios. Namayi qanamaq, da yaqto' itauan nam ÿaconguet qome da nca'alaxa.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

Hechos 5:19

Qalaxayi so lamaxashic piguem l'ec ñi qadataxala' ÿauatoiguilo soua laso'mi aso ncoñitaxanaxaqui se'eso pe, nachi nqatreec soomayi. Nachi 'enapegalo', 'eeta':

Romanos 1:9

Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac.

Hechos 18:9

Qaq huo'o so pe, nachi so qadataxala' 'enapego' so Pablo co'ollaq huaigui so l'ochaxa, 'eeta': –Sa ishit qome da 'ayi'itac, nachi qoqueto'ot da 'ad'aqtaxanaxac, sa ishit da 'anañaxaañi.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Hechos 8:26

Qaq co'ollaq ime de'eda, nachi so lamaxashic piguem l'ec ñi qadataxala', somayi 'enapego' so Felipe, 'eeta': –Qoñishiguem qome, nachi 'aigue da taguiñi, qoquegue so nqa'aic mayi chigaqshiguemec yi Jerusalén, taÿa'a yi Gaza. Se'eso nqa'aic nachiso so tajlec yi tojlec 'alhua.

Apocalipsis 22:16

–Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

2 Timoteo 2:24

Cha'ayi ca lamaxashic so qadataxala' sa ishit da quetaigui da petaxaic. Chaqdata da nauote' 'enauac na laÿipi, qataq ÿaÿaten da dapaxaguenataxan, qataq huo'o da lhualaxavic,

2 Timoteo 1:3

Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.

1 Corintios 6:20

cha'ayi ñi Dios co'olla qami' deshijnaxanalo, qalaq ÿataqta sa nalañi da qadashiichiÿaxaqui. Ÿoqo'oyi ÿataqta qaumachiÿo'ot ñi Dios da lli'oxonnataxanaxac da qad'oquiaxaqui qataq ñi qoquiÿapegue' qadqui'ii, cha'ayi naamayi lalamqa'te ñi Dios.

Romanos 6:22

Qalaxayi nagui da mashi qansoiueguesop da l-lataxanaxac da ñi'itaxaloxo, nachi qami' qaunoxoñiu'a da qami' l-lataqa ñi Dios. Qaq 'eda mayi ÿataqta huo'o ca naigui. Qaq dam naigui nachida da achaalataxac qui'itta mayi qoÿanot ñi Dios qataq dam achaalataxac mayi qaica ca loga't.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Hechos 16:17

Qaq asa'aso qa'añole nachi ca'attapiguiñi' so Pablo, nataq'en qomi'. Nachi i'alaqtai', 'eeta': –Ne'enaua shiÿaxa'u, naamayi do'onataxaatacoto ñim Dios mayi 'amaqtaqaic, qaq naamayi qami' i'axattapeguema da llic da nca'alaxa.

Hechos 12:23

Lcopata, nachi anac so lamaxashic piguem l'ec ñi qadataxala', nachi dalola naq'en so Herodes, cha'ayi somayi sa ishit da ÿi'oxoden ñi Dios. Nachi anac na qochi'l, chic, chochi ivitta'a da ileu.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.