Hechos 27:16 - Nuevo Testamento Toba Sur

¹⁶ Nachi chochi qomi' ividaxattra'ague da laÿi so ÿaqauga 'alhuolec l'enaxat Cauda. Nachi huaña, qaq saqalligueme da chaxaguet so l'at. Huaña, nachi ÿataqta ñaqalligotaqtague' aso secoñidaqtauo qadellicta da sepenaxangui aso qannotaxaqui.

Nuevo Testamento Toba Sombrero Negro

¹⁶ Qama'le qo'mi yovidaĝateda'ague jaga'me nepe jo'ne lenaĝat Cauda, qanach'e ua'a da'me maqachaĝa ja vichaĝaguet jo'me layat, qama'le yataqachiñe jalcote da'me qat'onataĝanaĝac da'me ñauegaqatedañe ga'me licotal 'me jaleca'y.

La'aqtaqa Ñim Lo'onatac 'Enauacna 2013

¹⁶ Nache choche qomi' iviraxattra'ague da laỹe añi ỹaqauga 'alhuole le'enaxat da Cauda. Nache huaña, qaq saqallegueme da chaxaguet so la'at, cha'aye npaxata'aguet añimaye. Huaña, nache ỹataqta ñeqallegotaqtague' aso secoñeraqtauo qarllocta da sepenaqangui aso qannotaxaqui.

Hechos 27:16 Referans Kwoze

Hechos 16:10

Qaq co'ollaq chochi huo'o da lauanaqchic so Pablo, nachi qomi' ñaÿamaxataq da saxatague da Macedonia. Cha'ayi ÿoqta da 'eesa da nachiñi ñi Dios ñi qomi' nÿaxaategalo, da yaqto' sa'axataxam camayipi dam no'on qad'axaÿaxac.

Hechos 27:15

Nachi ÿataqta ivida'a da ÿachi. Qaq cha'ayi sa ishit da ñaloxoguet so l'at, nachi sauaxasoqta'a da qomi' ÿachi'.

Hechos 27:17

Qaq can ime da sepenaqshiguem asomayi, nachi somayipi ÿacona so nañic, nachi qoÿaxata'ague na lasot aso barco, da yaqto' i'añaxatta'a't. Qaq can ime, nachi ÿataqta huo'o da ncolanaxa da huo'otaq qotajlec aso da'añaalec l'enaxat da la Sirte. Qaq ÿoqo'oyi qanqajyiñi soua l'at l'ol, nachi qoÿaxaneueegue aso barco da ÿaÿoxonaqchit so l'at.

Hechos 27:30

Huaña, nachi som ltauapi so l'o aso barco, somayipi huotaique da n'otauec. Qaq ÿoqo'oyi somayipi nachi huotaique da ÿasaxangui so 'etaxat aso l-llicota, qaq chochi datenataxangui da huotaique da ÿasaxayiñi cam nllidañi aso barco na hua'auta.