Hechos 27:1 - Nuevo Testamento Toba Sur

¹ Qaq co'ollaq mashi qanasachigui da qomi' qaÿamaxadegue da Italia. Nachi so Pablo qataq so laÿipi ncoñitaguishicpi qoÿanot so huataxanaq lta'a, l'enaxat Julio, som ilotague' so huataxanaqpi mayi qaÿamata'ac nallippi so nta'a Augusto.

Nuevo Testamento Toba Sombrero Negro

¹ Mane'e ca'li joote qo'yatelegue da'me male jajoĝogue di'me Italia, qama'le qoyaneuo'o ñe'me Pablo choqogaa'me necoñetae's laqaya' ñe'me coico le'ec lenaĝat Julio, jo'ne mach'e lejaliaĝanec ga'me necoicopi ñe'me jaliaĝanec Augusto.

La'aqtaqa Ñim Lo'onatac 'Enauacna 2013

¹ Qaq co'ollaq mashe qanasachigui da qomi' qaỹamaxaregue da Italia. Nache so Pablo qataq so laỹepi ncoñeteguishecpi qaỹamaxaguet so huataxanaq lta'a le'enaxat Julio, som ilotague' so huataxanaqpi maye qaỹamata'ac nalleppi so nta'a Augusto.

Hechos 27:1 Referans Kwoze

Hechos 25:25

Qalaxayi aÿim sa ishit da sela'a da huo'o ca lasouaxashit da yaqto' naigui ca nalaataguec damayi. Qalaxayi damayi yi maichi iÿaxaneu'a da yaqto' nmit cam nta'a Augusto, qaq aÿim mashi sasateguet damayi, da yaqto' samaq.

Hechos 25:12

Nachi so Festo co'ollaq ime da detaxaÿapegue' so ltauapi, nachi 'enapego' so Pablo, 'eeta': –'Am 'auÿaxaneu'a da 'am nmit ca nta'a mayi neta'ague da Roma. Qaq nagui nachica ca 'anqo'ona, da yaqto' 'am nmit.

Hechos 10:1

Qaq yim la ciudad Cesarea nachi netaña so shiÿaxaua, l'enaxat Cornelio. Somayi lta'a na huataxanaq, nachi ilotague' som cien huataxanaqpi mayi qaÿamata'ac chigaqa'ague da Italia.

Hechos 27:11

Qalaxayi so huataxanaq lta'a sa ishit da ÿalaxaguet so Pablo, nda'a't da ÿapagaqnauec dam l'aqtac som lalamaqte aso barco qataq som l'o asomayi.

Hechos 18:2

Qaq huaña yimayi, nachi natena'aguet so judío l'ec l'enaxat Áquila. Somayi chigaqa'ague da 'alhua l'enaxat Ponto. Qaq se'eso Áquila qataq aso lhua Priscila ñaq cha'aguelo da nvi't, chigoqtra'ague da Italia. Queda'ai yimayi, cha'ayi so lta'a na nta'alpi l'enaxat Claudio 'enapega 'enauac na judiopi da ca'ai yi Roma. Nachi so Pablo namaqtego' somayi,

Hebreos 13:24

Qaq qai'añiim qome da iquinaxanaxac 'enauac na qadataxala'aipi, qataq 'enauac na qadqaÿañicpi mayi qad'amqajnataxanaxauapi. Qaq nam netaña na Italia qami' ÿamaxalo da lquinaxanaxac.

Hechos 28:16

Qaq can sovitaxau'a yi Roma, nachi som huataxanaq lta'a ÿaneu'a na ncoñitaguishicpi som ilotague' aso ncoñitaxanaxaqui. Qalaxayi so Pablo ÿaqa'a ca netaña qanqoÿin, qalaxayi qaÿauo'o so nhuataxaua.

Hechos 27:43

Qalaxayi som lta'a so huataxanaqpi huotaique da nca'alaxateec so Pablo, nachi sa ishit da ÿashinem somayipi da dalaataxan; chaqdata da ÿan da l'aqtac da ca ÿaÿaten da laloxonaxac nachi ishit da hua'auta'ata so 'alhua daloxoota.

Hechos 27:6

Qaq huaña yimayi, nachi so huataxanaq lta'a ÿanata aso barco lashi yi Alejandría, asomayi taÿa'ague da Italia. Qaq nachaso aso qomi' inotaxanaxaneu'alo, nachi qaltaq qolaq.

Hechos 24:23

Nachi so nta'a Félix 'enapega som ilotague' na huataxanaqpi da ñaq 'eetalec da qaicoñittai' so Pablo, qalaxayi qoÿanem da saqalligueme da qailo'ogue qataq qaÿashiitem da ishit da qanamaqtapegueu'a, qataq da maichi qanayiuapegue' da qaitauan.

Hechos 23:17

Nachi so Pablo iÿaxana so 'oonolec nam ltauapi so huataxanaq lta'a, nachi 'enapega, 'eeta': –'Auauegueu'a qome de'eda nsoq ca nta'a, cha'ayi damayi huo'o da l'aqtaxanaxac da da'aqtaxanem camayi.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Hechos 22:26

Qaq co'ollaq hua'aqchigui de'eda so ltaua so huataxanaq lta'a, nachi jec da icoyiguen so lta'a, 'eeta': –Maxatchaxa, 'advitalec qome da 'anshitaique da 'au'ot, cha'ayi de'eda shiÿaxaua, damayi romano l'ec.

Hechos 21:32

Nachi se'eso huataxanaq lta'a laÿona't so nallippi qataq so ltauapi, nachi nqalgoqta'a so hueta'a so shiÿaxauapi. Nachi co'ollaq qaila'aguet so huataxanaq lta'a qataq so nallippi, nachi qoÿaxaañi da qaiuaxaatac so Pablo.

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Hechos 16:10

Qaq co'ollaq chochi huo'o da lauanaqchic so Pablo, nachi qomi' ñaÿamaxataq da saxatague da Macedonia. Cha'ayi ÿoqta da 'eesa da nachiñi ñi Dios ñi qomi' nÿaxaategalo, da yaqto' sa'axataxam camayipi dam no'on qad'axaÿaxac.

Hechos 10:22

Nachi soomayi 'ena'po': –Qomi' lamaxa'shi ñi huataxanaq lta'a, l'enaxat Cornelio. Ñimayi no'on da lataxac qataq ÿataqta ñi'iÿa ñi Dios. Ÿoqo'oyi 'enauac na judiopi ÿataqta huo'o naq 'enec naq'en qataq lauotaxat. Qaq huo'o so chigaqshiguem Dios lamaxashic 'enapega da 'am namaxasoxona, da yaqto' 'anqo'ona yi lma', nachi ñimayi ishit da n'axaÿaxana cam 'ad'aqtaxanaxac.

Lucas 23:47

Nachi som lataxala' so huataxanaqpi co'ollaq ÿauaachigui de'eda, nachi ÿi'oxoden ñi Dios, 'eeta': –Ÿoqta 'eesa ñi'iñi shiÿaxaua da qaica ca ÿasouaxat.

Lucas 7:2

Qaq huaña yimayi, nachi huo'o so huataxanaq lta'a mayi l'ec yi Roma. Somayi huo'o so l-latac ÿataqta lauotaxat, qaq somayi sa no'on, qaq mashi ileetapigui'.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Hechos 28:1

Qaq can mashi 'enauac da qadca'aleec, nachi saÿajnaq da l'enaxat yi'iyi 'alhuolec, l'enaxat da Malta.