Hechos 26:23 - Nuevo Testamento Toba Sur

²³ Qaq dam n'aqtaxanaxac qoÿinac yi cam nta'a mayi nca'alaxaqui, camayi qome ÿataqta huo'o da nque'ejnaxac. Qaq da ime, nachi qaÿalauat, qaq nachica qome ca l'auaxanec da qanca'alaxateeguesop na leuaxaicpi. Ime, nachi camayi i'axatem da nca'alaxa nam qadhuo' l'ecpi qataq nam saq judío l'ecpi, qaq damayi 'eeta'am na yi'oqchiguiñi.

Nuevo Testamento Toba Sombrero Negro

²³ queda'me youetaque da'me yeleu ñe'me Dios Liquiyac, qama'le mane'e qom joote yeleu nach'eñe jo'ne 'uaechiñe da'me 'niyelaĝajeguem, nataq'aen jo'ne 'yaĝatetac da'me 'yoqochiñe 'me nec'alaqataĝanaĝac jena'me qadayi nataq'aen ga'me jiyaĝadipi jo'ne na'ñalo gaa'me ale'u laqaya'.”

La'aqtaqa Ñim Lo'onatac 'Enauacna 2013

²³ Qaq dam na'aqtaxanaxac qoỹenac ye cam Lca'aguishec Ñim Lo'onatac 'Enauacna, camaye qome ỹataqta huo'o da nque'eenaxac. Qaq da ime, nache qaỹalauat, qaq nacheca qome ca la'auaxanec da qanca'alaxateeguesop na leuaxaicpi. Ime, nache camaye ỹa'axatem da nca'alaxa nam qarhuo' le'ecpi qataq nam saishet da judiopi, qaq damaye 'eeta'am na yo'oqchiguiñi.

Hechos 26:23 Referans Kwoze

Lucas 24:26

¿Sa qauaÿajñiÿo' peta'a da que'eca nta'a nca'alaxaqui hua'auñi qome da huo'o da nque'ejnaxac qom saxanaxa da inoxoneu'a ca lli'oxoyic?

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.

Hebreos 2:10

Cha'ayi 'enauac nam huetalecna, namayi lalamaxat ñi Dios, qataq maichi chigoqo'ot ñimayi. Qaq ñi Dios nshitaique da 'enauac na llalaqpi nhuanau'a de'eda lli'oxoyic. Qaq ÿoqo'oyi ñimayi naloqchiichiguiñi naq'en da lataxac so Jesucristo som lca'alaxaqui namayipi, ÿachigoxotchigui naq'en da nque'ejnaxac.

1 Corintios 15:3

Da sa'auaxaachiguiñi qami' sapaxaguenque dam nataq'en aÿim qoÿanem, damayi 'eeta': So Cristo ileualec da qayi'itaxaloxo, qaq damayi ipacchigui da 'enapec naua ñiyigui'shi l'aqtaqa ñi Dios.

Lucas 2:32

Namayi nachina na 'ico' ncoÿadaxanaqte mayi icoÿadelec nam sa ishit da Israel l'ecpi, nataq'en i'ot da lli'oxoyic nam Israel llalaqpi nam 'adalamaxatpi.

Juan 10:18

Qaica ca ishit da deuotaxanec de'eda ñachaalataxac, qalaxayi maichi aÿim chigoqchigui da san damayi. Qaq aÿim huo'o da shinec da san damayi, qataq da ñi'iguelaxajla't. Qaq 'eda dam aÿim ÿamaxalec ñi ita'a.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Hechos 26:8

Qaq ¿qami' peta'a sa ishito' da qau'amaqchiñi da ñi Dios ishit da qaltaq nca'aleec naq'en na leuaxaicpi?

Hechos 13:34

Ñi Dios i'axata'a co'ollaxa da qaltaq nca'aleeguesop naq'en somayi da nleuaxa, yaqto' da l'oquiaxac sa ishit da nlaguiñi. Cha'ayi nachi 'enapec naua nanettrañi l'aqtaqa, 'eeta': “Aÿim qami' sanema qome da ÿoqouagaxanaqtaic mayi sachaxanapecot co'ollaxa so David.”

Hechos 3:18

Qalaxayi de'eda naigui da ÿataqta ipacchiguilo naua 'ena'pe ñi Dios co'ollaq i'aqtaxanaxan so l'aqtaxanaxanecpi da 'eeta': “Que'eca samaq nta'a nca'alaxaqui, camayi ÿataqta huo'o qome da nque'ejnaxac.”

Juan 11:25

Nachi so Jesús 'enapego' asomayi, 'eeta': –Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec.

Lucas 24:46

Nachi 'enapeco': –Dam nanettañi i'axat da ca nta'a mayi nca'alaxaqui hua'auñi qome da qaÿalauat. Qaq qom mashi inoxoodeec caua tres na'axa'te, nachi qaltaq nca'aleec qanqoÿin.

Mateo 27:53

Nachi somayipi nnoxooshiguem, chigaqangui ana huachiquipi. Qaq co'ollaq mashi qaltaq nca'aleec so Jesús, nachi somayipi tau'a so la ciudad mayi huaña da qaÿi'oxoden ñi Dios, l'enaxat Jerusalén. Huaña yimayi, nachi ÿataqta qalota na shiÿaxauapi na ÿauaachigui somayipi.

Mateo 26:24

Qalaxayi ne'ena shiÿaxaua llalec, namayi ÿataqta quetegue dam lliquiaxac mayi i'axat naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñim shiÿaxaua mayi ÿaneuo namayi! Ñi mayi 'onaxáictaxa co'ollaxa da sa ishit da ñiguiñi.

Hechos 3:24

Cha'ayi 'enauac som hua'au n'aqtaxanaxanecpi, chigoqchiguiña so Samuel qataq anac so laÿipi, nachi 'enauac qai'axatta'agueta ne'enaua na'axa'te mayi souaqtaiguilo.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.