Hechos 26:22 - Nuevo Testamento Toba Sur

²² Qalaxayi souaxat da ltaunaxanaxac ñi Dios da shiita, ÿoqo'oyi nagui ñaq shicta da sa'axattapeguem ñimayi 'enauac na shiÿaxauapi, sa'aqtaxanem na saxanaxa da ÿi qataq nam ÿipi. Qaq sa ishit da huo'otaq ÿaqa'a ca i'aqtaxanaxac da sa'aqtaxan. Chaqdata da sa'axattac da l'aqtaxanaxac som hua'au l'aqtaxanaxanecpi ñi Dios qataq so Moisés da qai'axatta'aguet ca naÿa'cna.

Nuevo Testamento Toba Sombrero Negro

²² Qalaĝaja queda'me jayem lecochiya ñe'me Dios qama'le chayovida'a nayi nach'e jeta't, ena'uaque joga'me jiyaĝadipi ja'aĝatapema joñe'me Dios, jaqayi't choqogaa'me 'yaĝayaqa. Qaya'te ua'a ta'le ñenaĝategue ga'me yaqa'a jo'ne 'yaĝatetedac gaa'me Dios 'laqataĝanaĝanaqa nataq'aen ñe'me Moisés jo'ne 'uo nayi 'me qo'mi di'yoĝoma:

La'aqtaqa Ñim Lo'onatac 'Enauacna 2013

²² Qalaxaye souaxat da ltaunaxanaxac Ñim Lo'onatac 'Enauacna da sheeta, ỹoqo'oye nagui ñaq shecta da sa'axattapeguem Ñimaye 'enauac na shiỹaxauapi, sa'aqtaxanem na choxoraq qataq na sallaxanecpi. Qaq saishet da huo'otaq ỹaqa'a ca ỹa'aqtaxanaxac da sa'aqtaxan. Nachaqrata da sa'axattac da la'aqtaxanaxac som hua'au la'aqtaxanaxanecpi Ñim Lo'onatac 'Enauacna qataq so Moisés da qaỹa'axatta'aguet cam naỹa'acna.

Hechos 26:22 Referans Kwoze

Hechos 24:14

Qalaxayi aÿim ñi'axatta da aÿim so'onataxaatacot ñim Dios so hua'au ita'alpi, qalaxayi aÿim shictague' de'eda dalaxaic ñiquiaxac mayi namayipi ÿamata'ac da dalaxaic n'amqajnataxanaxac, cha'ayi aÿim sa'amaqten 'enauac nam nanettañi nqataxacpi mayi chigoqo'ot so Moisés qataq som l'aqtaxanaxanecpi ñi Dios.

Juan 5:46

Cha'ayíctaxa da qami' 'au'amaqchiñi cam 'enapec so Moisés, nachi nataq'énctaxa ishit da aÿim qau'amaqchiñi, cha'ayi so Moisés nachaÿim mayi aÿim ÿiyiñi co'ollaxa.

Hechos 10:43

Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Lucas 24:27

Ime, nachi da'aqtaxanema soomayi 'enauac nam n'aqtaguec somayi nam nanettañi naua ñiyigui'shi l'aqtaqa ñi Dios, ÿachigoxottot aso hua'auchiguiñi lliyiguishi so Moisés, ividaxatta'a asom pa'ateec lliyiguishi som l'aqtaxanaxanecpi ñi Dios.

Apocalipsis 15:3

Nachi somayipi i'ootac som l'onec so Moisés som lamaxashic ñi Dios qataq som n'onec da qaÿi'oxoden so qagueta llalec mayi 'eeta': Ÿataqta lta'adaic qataq ÿi'oxodaq 'enauac nam 'au'otpi, 'am qadataxala' Dios mayi qaica ca 'auqalanapec. Ÿataqta ÿashictreec qataq 'eesoda nam 'anqa'aico, 'am mayi 'am lataxala' nam ÿotta'a't shiÿaxauapi.

Romanos 3:21

Qaq ÿoqo'oyi nagui ñi Dios ishit da qomi' ÿaÿajnaxanaxanque da 'eetec da lataxac da ishit da qomi' ÿaÿamaxadeete' ñimayi, qaq sa ishit da chigoqchigui naq'en na nqataxacpi. Qaq damayi ishit da selaqa'a da qomi' setaxaÿaxanaqtac nam qoÿittañi nqataxacpi qataq naua l'aqtaqa som n'aqtaxanaxanecpi.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Hechos 26:17

Aÿim qome 'am ñica'alaxateeguesop na judiopi, qataq nam ÿaqa'a ca chigaqa'ague, nam nagui 'am samaxa da 'anqo'ona.

Hechos 26:6

Qaq nagui aÿim qanauegueuo, da yaqto' aÿim qanmit souaxat de'eda ñaquitaxac, da ñi Dios ishit qome da qaltaq nca'aleec naq'en na leuaxaicpi, cha'ayi nachida dam ÿachaxanapecot co'olloxochiyi som hua'au qadta'alpi.

Juan 5:39

Qami' mayi ÿataqta huo'o da qadhuogoqoi da qanapaxaguiñiitegalo naua nanettrañi l'aqtaqa ñi Dios, cha'ayi huo'o da qanaquitaxaqui da qami' taÿoto da nca'alaxa mayi chochaq tateec. Qamaq ne'enaua n'aqtaqa mayi nanettrañi, naamayi aÿim i'axatta'pe.

Juan 1:45

Nachi so Felipe jec da nmitaique so Natanael. Nachi da'aqtaxanem, 'eeta': –Qomi' mashi ñauanaxai' ñim shiÿaxaua mayi ÿiyiñi co'ollaxa so Moisés naua lqataxaco mayi nanettrañi ana lede, ñim nataq'en ÿiyiñi co'ollaxa so l'aqtaxanaxanecpi ñi Dios. Ñimayi nachiñi ñi Jesús, ñim llalec so José mayi lma' yi pueblo Nazaret.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Lucas 24:46

Nachi 'enapeco': –Dam nanettañi i'axat da ca nta'a mayi nca'alaxaqui hua'auñi qome da qaÿalauat. Qaq qom mashi inoxoodeec caua tres na'axa'te, nachi qaltaq nca'aleec qanqoÿin.

Apocalipsis 20:12

Nachi nam leuaxaicpi 'amaqtaqaicpi qataq nam saq 'amaqtaq nachattañi, datato'ot ñi Dios. Huaña, nachi qaÿauachigui aso nedepi qataq asom lÿa nede mayi nanedaxalate nam qanca'alaxateecpi. Nachi na leuaxaicpi qanmit ñi 'oonolec na i'otpi mayi qoÿittalec asa'aso nedepi, da yaqto' qaishiiten.

Apocalipsis 11:18

Qaq nam ÿotta'a't shiÿaxauapi ÿataqta dalemata, qalaxayi mashi ivita yi laloqo' da 'am 'auauo'o ca nhuaxanaguec 'enauac namayipi. Qataq nataq'en mashi ivita yi laloqo' da 'am 'anmit 'enauac nam leuaxaicpi, qataq da 'auauo'o ca nshiitenaguec nam 'adamaxashicpi mayi i'axatta'pe naua 'ad'aqtaqa, qataq nam nañanot da 'am quetague', qataq na 'am ÿi'oxodeetac, nai'ctaxa da huo'otaq 'amaqtaqaic, huo'otaq da saq 'amaqtaq. Qataq nataq'en mashi ivita yi laloqo' da 'am 'aulaxachigui nam nlaxattapiguiñi 'enauac nam huetalec ana 'alhua.

2 Timoteo 3:11

qataq da ñicanaguec, qataq da ñique'ejnaxac. Qataq mashi 'auaÿateeta 'enauac na aÿim qai'otec co'ollaq soota'a yi la ciudad Antioquía, qataq yi Iconio, qataq yi Listra. Ñique'etaxangui 'enauac na ñicanagueguesat, qalaxayi so qadataxala' aÿim nca'alaxateeguesop 'enauac.

Mateo 26:24

Qalaxayi ne'ena shiÿaxaua llalec, namayi ÿataqta quetegue dam lliquiaxac mayi i'axat naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñim shiÿaxaua mayi ÿaneuo namayi! Ñi mayi 'onaxáictaxa co'ollaxa da sa ishit da ñiguiñi.

Lucas 16:28

yim netraña caua cinco ÿaqaÿa't, da yaqto' da'aqtaxanema, yaqto' caamayi sa ishit da nada nataq'en ne'ena que'ejnaqa'.

Hechos 13:29

Qaq co'ollaq ime da qai'otec somayi 'enauac nam i'axatta'a co'ollaxa naua n'aqtaqa mayi nanettrañi, nachi qanqateeguesop so npe'enaxaqui, nachi qailayiñi.

1 Corintios 15:3

Da sa'auaxaachiguiñi qami' sapaxaguenque dam nataq'en aÿim qoÿanem, damayi 'eeta': So Cristo ileualec da qayi'itaxaloxo, qaq damayi ipacchigui da 'enapec naua ñiyigui'shi l'aqtaqa ñi Dios.

1 Corintios 15:4

Nataq'en qami' sapaxaguenque da so Cristo qailayiñi, qaq co'olla inoxoodeec soua tres na'axa'te, nachi qaltaq nca'aleec qanqoÿin. Qaq damayi ipacchigui da 'enapec naua ñiyigui'shi l'aqtaqa ñi Dios.