18 Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”
18 Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»
Cha'ayi qami' co'ollaxa qoviitaigui na 'ico' napalaxa, qalaxayi nagui da qami' qan'ayiitau'a so qadataxala', nachi qoviitaigui na yi'oqchiguiñi. Qaq ÿoqo'oyi qami' qau'enaxachiichigui qome ca shiÿaxaua mayi huetaigui na yi'oqchiguiñi.
Qaq nagui qami' ÿaqaÿa't, qami' sepataxagueta da ltelaxa ñi Dios qataq dam n'aqtaguec da lchoxonnataxanaxa mayi ÿataqta huo'o da l'añaxac, da yaqto' qami' 'añaxaiqa naq'en, qataq da yaqto' qauacoñiiguet cam ÿaqataxaatapigui' da ÿami' ñi Dios 'enauac nam lalamaxatpi.
Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.
qataq da lauattonaxanaxac 'ico' huetaigui na napalaxa. Namayipi sa ishit da hueto'ot da achaalataxac mayi chigoqo'ot ñi Dios, cha'ayi qaica ca ÿaÿajnapec, souaxat da ÿataqta qadamchiguilo naua lquiyaqte.
Sa ishit qome da qauauaqaiguet ca shiÿaxaua mayi sa da'amqajnataxan. Cha'ayi da 'eetec de'eda, qaq ishit da qoÿiita'am cam qaÿauaxaÿaxana't mayi sa ishit da natena't. Cha'ayi ¿ishit peta'a da huaqta'aguet da achaalataxac qui'itta da achaalataxac qauem? huo'otaq ¿ishit peta'a na yi'oqchiguiñi da huaqta'ai' na napalaxa?
Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.
Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.
Qaq qomi' saÿajnaqta da qomi' lalamqa'te ñi Dios, qaq nam laÿipi shiÿaxauapi mayi huetalec ana 'alhua 'enauac hueto'ot da l'añaxac so shiÿaxaua lma'na.
Qalaxayi da sa'axata'q naua qadasouaxashi'te, nachi sepi'aqa'a da ñi Dios ishit da i'ot ca ÿaÿamaqchiguiñi da ÿapalaxat 'enauac na qadasouaxashitpi qataq da iÿouec 'enauac na sa ÿaÿamaxañisat.
Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.
Qalaxayi sa ishit da inoxoneu'a yimayi ca nshipaxan, huo'otaq ca ncocatapiguilo naua n'onataxaco, huo'otaq ca datenataxan, chaqcata ca qoÿittau'a ca l'enaxat aso lede so qagueta llalec asom nanedaxalate nam chochaq tateec da lca'alaxa.
Cha'ayi qami' co'ollaxa qoñiita'am aca qaguetapi mayi isomtac, qalaxayi nagui da qavi'iguelaqaÿa so Cristo mayi ishit da qami' ntela'alo da 'eeta'am ca qagueta l'o, qataq ilo'ogue da qanachaalataxaqui.
Qaq ÿoqo'oyi sa ishit da huo'o ca chochi ÿaÿamaxadeeta ñi Dios da huo'otaq qaica ca lpi'iÿaxac. Cha'ayi da qanquigueu'a ñimayi, qalaq ñi 'oonolec iuen da ÿataqta i'amaqten ñi Dios da ÿataqta 'eesa da huo'o, qataq i'amaqten da ñimayi ishit da ishiiten cam nmitaique ñimayi.
Cha'ayi nachida da qomi' ÿamaxalguete ñi qadataxala', 'eeta': 'Am sanagui da 'ico' 'am lcoÿadaxanaxaqui na ÿotta'a't shiÿaxauapi, qataq 'am chigoqchigui qome da nca'alaxa, chochi ivitta'a ca loga't ana 'alhua.
Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.
Nam sa ishit da da'amqajnataxan, nachi qaÿauo'o ca nhuaxanaguec. Cha'ayi co'ollaq anac som yi'oqchiguiñi da anaÿa ana 'alhua, qalaq namayipi ÿagaqnauec da lqopichi na napalaxa, cha'ayi namayipi i'otta'pe naua qauema.
qataq i'ot da qami' ishit da qauacoñiiguet naq'en cam ÿachaxanapec ñi Dios mayi hueta'ague da piguem, cam sa ishit da qailaxachigui qataq sa ishit da qaishipaxanaqchit qataq sa ishit da daqaqtañi da 'eeta'am aca huoue lauoxo.
Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.
Qaq damayi nachi qoÿina'ac, yaqto' da lqouagaxanaqtaic ñi Dios mayi ÿachaxanapecot co'olloxochiyi so Abraham, damayi qoÿami' nam sa ishit da judiopi da chigoqchigui qanqoÿin so Cristo Jesús; qaq yaqto' 'enauaque qomi' ishit da chigoqchigui da qadpi'iÿaxac da saconaxaguet som Espíritu Santo mayi ÿachaxanapec co'olloxochiyi ñi Dios.
Cha'ayi ñi Dios nal'ena co'ollaxa da qomi' lca'agui'shi da ÿauotaique da qomi' ÿanema ca ÿan qomilchiyi ñimayi, qaq damayi ÿachigoxotchigui nagui da qomi' ñi'adaqtau'a so Cristo. Qaq 'enauac de'eda ÿataqta nateeteguet da maichi lhuennataxa ñimayi, mayi maichi l'onatac 'enauac na lataxaguesat, qataq i'ot ca ÿaÿamaxadeeta.
So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,
Namayi nachina na 'ico' ncoÿadaxanaqte mayi icoÿadelec nam sa ishit da Israel l'ecpi, nataq'en i'ot da lli'oxoyic nam Israel llalaqpi nam 'adalamaxatpi.
Qaq ñi Dios mashi sogote da qomi' iqui'itaxatte', cha'ayi so Jesucristo i'ot co'ollaxa da 'eetapeguec ñi Dios co'ollaq ÿan da maichi l'oquiaxac da 'oonolec da qaÿi'iguelaxalec da qaÿalauat.
Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.
Qaq nachiso so ÿoqta 'itchiguiñi naq'en da qomi' saconaxaguet ca ÿachaxanapec ñi Dios mayi qomi' ÿanema qom ivita ca laloqo' da huesochiguiñi naq'en na lalamaxatpi, da yaqto' ñimayi qaÿi'oxoden souaxat da l'amaqchic.
Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.
Ñaq aÿim qau'aqtaxañiim nagui de'eda, 'eeta': ¿Qami' peta'a qauachigoxochiichigui da qau'ochiitac na nqataxacpi mayi chigoqo'ot so Moisés da huo'o mshi qauacoñiiguet so Espíritu mayi chigoqo'ot ñi Dios? loqo' chaq ¿chigoqchigui can qau'amaqchiñi da qau'aqaichigui?
Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.
Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.
Qaq dam n'aqtaxanaxac qoÿinac yi cam nta'a mayi nca'alaxaqui, camayi qome ÿataqta huo'o da nque'ejnaxac. Qaq da ime, nachi qaÿalauat, qaq nachica qome ca l'auaxanec da qanca'alaxateeguesop na leuaxaicpi. Ime, nachi camayi i'axatem da nca'alaxa nam qadhuo' l'ecpi qataq nam saq judío l'ecpi, qaq damayi 'eeta'am na yi'oqchiguiñi.
Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.
Ime, nachi so Jesús 'enapeco': –Aÿim ñanaÿa ana 'alhua, da yaqto' ishit da qaÿauo'o ca lasouaxashit ca shiÿaxaua, yaqto' cam sa nauaañi, qalaq ishit da nauaañi, qataq cam nauaachiguiñi, qalaq sa nauaañi qanqoÿin.
Nachi so Jesús 'enapeco': –Nashíctaxa da 'am 'auauatton cam ÿan ñi Dios, qataq nam 'am iÿaxaatacot ca laquip, nachi yi'oqtáctaxa da 'am ishit da aÿim 'auÿaxanot, nachi aÿímctaxa 'am sanem ca 'etaxat mayi npaxaatashiguem.
Qataq sa ishit qome da qanhuañiÿau'a nam qaica ca naigui lataxaguesat mayi i'ottac nam huetaigui na napalaxa. Chaqdata da qauachaxañi ca llic, da yaqto' qaÿaÿaten.
Cha'ayi qomi' sa ishit da huo'otaq seloquiaqtapegue' ca yi'oqchigui qadapachiyaxaua, chaqnata nam n'añaxacpi qauemaicpi saq cha'a mayi hueto'ot na piguem, nam damaxasoxonapecpi, 'añaxaicpi mayi ÿamaqpec nam huetaigui na napalaxa.