Hechos 26:16 - Nuevo Testamento Toba Sur

¹⁶ Qalaxayi qoñishiguem qome, 'anachajñi, cha'ayi aÿim 'am ñachaxana, cha'ayi sauotaique da yaqto' aÿim 'au'onataxanot, qataq da yaqto' 'au'axat dam nagui 'adauanaqchic qataq cam taÿa'a da 'am sachaxana.

Nuevo Testamento Toba Sombrero Negro

¹⁶ Qalaĝaja nayi oñijeguem, anechachiñi, qa'a am ñaloĝoneguet qaedi am jeloĝonaĝachigui da'me am yamaĝajec qaedi a'uaĝatetac ga'me auana nayi choqogaa'me auanalo qom'te jo'ne am jaloĝonalo.

La'aqtaqa Ñim Lo'onatac 'Enauacna 2013

¹⁶ Qalaxaye qoñisheguem qome, 'anachaañi, cha'aye Aỹem 'am ñachaxana, cha'aye sauotaique da Aỹem 'auo'onataxanot, qataq da yaqto' 'aua'axat dam 'arauanaqchec nagui qataq cam taỹa'a da 'am sachaxana.

Hechos 26:16 Referans Kwoze

1 Timoteo 1:12

Sanot da ñi'achiquiaxac ñi qadataxala' Jesucristo mayi aÿim ÿanem co'olloxochiyi da i'añaxac da souapegue' de'eda, cha'ayi ñimayi saq llalcolec da lpe'e naq'en aÿim, qataq aÿim ipataxalec da l'onataxanaxac.

Gálatas 1:12

Damayi sa ishit da chochi sachigoxoto'ot ca camachaqca shiÿaxaua. Qataq sa ishit da huo'o ca chochi aÿim lapaxaguenatac, cha'ayi nachiso so Jesucristo so aÿim ÿaÿajnaxanaxanec damayi.

Romanos 15:16

da aÿim lamaxashic naq'en so Jesucristo, da yaqto' so'onataxanoigui na saq judiopi. Qaq ÿoqo'oyi sa'axatem namayipi da n'aqtac mayi naigui da nca'alaxa mayi ÿan ñi Dios, da yaqto' sanot ñimayi nam saq judiopi, da 'eeta'am ñaq'en acam nachitaqtaxanaqte mayi ÿaÿamaxadeeta ñi Dios, cha'ayi mashi iÿotauga namayipi so Espíritu Santo.

Colosenses 1:25

Qaq maichi chigoqchigui ñi Dios da aÿim ÿanagui da i'onataxanaxac da yaqto' so'onataxaalec da qoñiita, qami' 'amqajnataxanaxaicpi, qataq da sa'axatta 'enauac da l'aqtac ñimayi,

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Gálatas 2:2

Qaq saigue damayi, cha'ayi ñi Dios ÿauo'o co'ollaxa da ÿauanaqchic, da yaqto' aÿim saigue damayi. Qaq co'ollaq huaña yi Jerusalén co'ollaq huaigui so ÿaqauga ltaxaÿaxac som nachi 'eetai'salo da nataxala'te, nachi sa'aqtaxaatapeguema da 'eetec dam n'aqtac mayi sa'axattapeguem nam saq judiopi. Qaq so'ot de'eda, cha'ayi sa saÿamaxaden da qaica ca naigui dam mashi semat qataq ñaq shicto'ot da so'ottac nagui.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

1 Timoteo 4:6

Da 'am 'auapaxaguenec na qadqaÿañicpi de'eda shiitega, qaq 'am ÿataqta no'on l'onataxanaxanec so Jesucristo. Qataq 'am i'añaqchi't naua lqataxaco da qad'amqajnataxanaxac, qataq da ÿaÿamaqchiguiñi 'anapaxaguenataguec mayi qoquetalec.

1 Ts 3:2

Nachi qami' samaxasaxalo sa qadqaÿa Timoteo. Cha'ayi somayi lamaxashic ñi Dios qataq qad'onataxanaxaua da sa'axataq da no'on qad'axaÿaxac mayi n'aqtaguec so Cristo. Somayi taÿalo qami' da qami' nauaxaÿaxaayishigue'm qataq i'añaqchit da qadpi'iÿaxaqui,

Colosenses 1:7

Qaq damayi qami' ÿapaxaguenque so qanauochaxaua qadqaÿa Epafras. Somayi maichi qad'onataxanaxaua, qaq do'onataxaatacot so Cristo, da yaqto' qami' itaua'n.

2 Corintios 5:18

Qaq 'enauac de'eda chigoqchigui ñi Dios ñim chigoqchigui naq'en so Cristo da qaltaq ñimanaxai' naq'en ñimayi. Ime, qaq qomi' ÿanema da qad'onataxanaxac, da yaqto' nmane' ñaqashinaq 'enauac na shiÿaxauapi ñimayi.

2 Corintios 4:1

Qaq ÿoqo'oyi qomi' sa ishit qome da sa ñi'añaxataq, cha'ayi ñi Dios dam lqouagaxanaqtaic qomi' ipataxalguete de'eda n'onataxanaxac.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

Hechos 22:10

Nachi aÿim shinapec: “'Am ÿataxala', ¿négue't ca 'anshitaique da so'ot?” Nachi so qadataxala' aÿim 'enapega, 'eeta': “Qoñishiguem, nachi qocot da 'iquiaxac da 'aigue da Damasco. Qaq qom huaña yimayi, nachi 'am qai'aqtaxanem 'enauac cam 'ad'onataxanaxac.”

Hechos 21:19

Nachi so Pablo nquiitague' 'enauac somayipi. Ime, nachi ÿachigoxottot da i'axattac 'enauac nam i'otpi ñi Dios mayi ÿachigoxotchigui somayi da huaigui naq'en nam sa ishit da judiopi.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Hechos 6:4

Qaq qomi' nachi qolaqto'ot da qanqouagaxaunaxac qataq da qadapaxaguenataxanaxac da l'aqtac ñi Dios.

Hechos 1:25

da yaqto' 'ai'anagui da l'onataxanaxac so Judas mayi ÿaqataqchit souaxat dam lasouaxashit, nachi somayi taigui qanqoÿin da 'itchiguiñi da naigui dam lataxac.

Hechos 1:17

Cha'ayi so Judas maichi qadÿa qataq qadtaua de'eda qad'onataxanaxac.

Lucas 1:2

Qaq namayipi ÿiyiñi dam mashi qomi' i'axatema nam ÿauaachigui so chigoqchiguiña ne'ena qai'otpi, qata nataq'en i'axattac de'eda n'aqtac.

Hechos 26:15

Nachi aÿim shinapec: “¿Négue't da qoneta, 'am ÿataxala'?” Nachi somayi aÿim 'enapega, 'eeta': “Qomyi nachaÿim Jesús mayi aÿim 'aucaatac.

Efesios 3:3

Cha'ayi ñi Dios ÿachaxan da lataxac da lapaxañi co'olloxochiyi mayi saq cha'a da aÿim ÿaÿajnaxanaxanec. Qaq damayi sogote da shiyiñi da cada'ac sa'axatapec.