Hechos 26:13 - Nuevo Testamento Toba Sur

¹³ Qalaxayi co'ollaq huangui so nqa'aic, 'am ita'a Agripa, mashi na'a'q laiñi, nachi aÿim sela'aguet so n'edaxa ÿataqta napacalec na l'edaxa añi nala', chigoqo'ot na piguem. Nachi somayi souaigui, nataq'en soua ñinaictagueto.

Nuevo Testamento Toba Sombrero Negro

¹³ Qalaĝaja ga'me yadic, am jaliaĝanec jo'ne p'ajaye, ca'li nolo' qama'le jauana ga'me 'yoqochiñe jo'ne chiyoĝogue di'me piyem, yataqachiñe napacalegue ga'me lauaq jañe'me ajeua, jo'ne jouetoue ga'me lauaqayaĝac, nataq'aen jogaa'me jayem quetedapegue'.

La'aqtaqa Ñim Lo'onatac 'Enauacna 2013

¹³ Qalaxaye co'ollaq huangui so nqa'aic, 'am ita'a Agripa, mashe na'a'q laiñi, nache aỹem sela'aguet so ne'eraxa, ỹataqta napacalec na le'eraxa añi nala', chegoqo'ot na piguem. Nache somaye souaigui, nataqa'en soua ñenaictegueto.

Hechos 26:13 Referans Kwoze

Mateo 17:2

Huaña, nachi qanadalaxat da nmejnaguec, ÿauaachiguilo soomayi. Na lashic co'ollaxa ÿataqta 'edoigui, 'eeta'am na l'edaxa aso nala'. Qaq soua alogo, qalaq ÿataqta ÿapaga'q, 'eeta'ama na n'edaxa.

Apocalipsis 21:23

Qataq se'eso la ciudad, somayi sa ishit da iuen aso nala' qataq so ca'agoxoic, da huo'otaq icoÿadelec. Cha'ayi na maichi l'edaxa ñi Dios qataq so qagueta llalec nachi icoÿattalec.

Apocalipsis 1:16

Qaq na lhuaq mayi aloic huetaiguilo soua siete huaqajñi. Qaq na alap netaigui so ÿiilonec ÿataqta ÿaxadaic, dos naua ala'pi. Qaq na lashic ÿataqta 'eeta'am añi nala' da ivita da 'edoigui.

Hechos 22:6

Qalaxayi co'ollaq shictague' so nqa'aic, nachi mashi ñayiitau'a yi Damasco, qaq mashi yaqta'a da na'a'q laiñi, nachi nque'elaxatta da souaigui so n'edaxa mayi chigoqo'ot na piguem.

Hechos 9:3

Qalaxayi somayi co'ollaq quetague' so nqa'aic, qaq mashi sa qaÿapeque ca la ciudad Damasco, nachi nque'elaxatta da huaigui so n'edaxa chigoqo'ot na piguem.

Hechos 22:9

Qaq som ñinaictagueto, soomayi ÿauaachiyigui som n'edaxa, nachi ÿataqta ñi'i't, qalaxayi sa ishit da qai'axaÿa som aÿim 'eetega.

Hechos 26:12

Qaq nachida de'eda iuennataxac co'ollaq aÿim saÿa'ague da la ciudad Damasco, aÿim ÿanem da l'aqtac nam lataxala'pi nam ntaxaÿaxanaxanecpi da aÿim ÿamaq.

Hechos 26:14

Nachi qomi' 'enauac da sanataxañi, nachi aÿim sa'axaÿa so n'aqtac aÿim 'eetega, huota'aisalo naua l'aqtaqa na judiopi, 'eeta': “Saulo, Saulo, ¿tá'ainco' yi aÿim 'aucaatac? 'Am maichi 'anque'emaqchittapeguela't, qoneta'am ca nauegaxanaxala' huaca da maichi ÿasottapeeguet aca n'adaxanaqte.”